බෝඩිම් කාමරයක සැකකටයුතු මළසිරුරක්

පානදුර වෑකඩ පහන්ගම ප්‍රදේශයේ දෙමහල් නිවසක කාමරයක් තුළ සැකකටයුතු ලෙස මියගොස් සිටි පුද්ගලයෙකුගේ මළ සිරුරක් පානදුර දකුණ පොලීසිය විසින් සොයාගෙන තිබේ.

මියගොස් සිටි පුද්ගලයා මෙම දෙමහල් නිවසේ ඉහළ මාලයේ කාමරයක් කුලීයට ගෙන නේවාසිකව සිට ඇති බව පොලීසිය පවසයි.

අදාළ පුද්ගලයා සිටි කාමරයෙන් දැඩි දුඟදක් වහනය වන බවට ලද පැමිණිල්ලක් මත පානදුර දකුණ පොලීසිය විසින් මෙම නිවස සෝදිසි කර තිබේ.

එහිදී මෙම මළ සිරුර අද (29) පස්වරුවේ පොලීසිය විසින් සොයාගෙන ඇති අතර ඔහු හෝමාගම ප්‍රදේශයේ පදිංචිව සිටි 40 හැවිරිද පුද්ගලයෙකු බව අනාවරණය වී ඇත.

අදාළ දෙමහල් නිවසේ පහළ මාලයේ සිට ඇත්තේ එම නිවසේ හිමිකරු වන අතර එම මරණය සම්බන්ධයෙන් අවශ්‍ය පරීක්ෂණ කටයුතු සිදුකරන බව පානදුර දකුණ පොලීසිය වැඩිදුරටත් සඳහන් කරයි.

The post බෝඩිම් කාමරයක සැකකටයුතු මළසිරුරක් appeared first on Colombo Today.