පුපුරණ ද්‍රව්‍ය සමග තිදෙනෙක් කිලිනොච්චියේදී අත්අඩංගුවේ

කිලිනොච්චිය පාලවිය ප්‍රදේශයේදී පුපුරණද්‍රව්‍ය සමග තිදෙනකු ඊයේ (21)දින අත්අඩංගුවට ගත් බවට නාවික හමුදාව පවසයි.

උතුරුමැද නිවාක විධානයේ නිලධාරීන්ට ලැබුනු තොරතුරකට අනුව පාලවිය ප්‍රදේශයේදී සිදු කරන ලද සෝදිසි පරික්ෂාවකදී ධීවර වාඩියක් තුල සඟවා තිබූ විදුලි නොවන ඩෙටනේටර් 05 ක් අඟල් 08 ක් දිග ඩෙටනේටර් කෝඩ් 02 ක් සමගින් නිවෙස්හි සිටි සැකකරුවන් තිදෙනෙකු අත්අඩංගුවට ගනු ලැබීය.

අදාල පුපුරණද්‍රව්‍ය යොදා නීතිවිරෝධීව මසුන් ඇල්ලීමට අදාල සැකකරුවන් සැලසුම් කොට ඇති බවට නාවික හමුදාව විසින් අනාවරණය කොට ගෙන ඇත.

අත්අඩංගුවට ගත් සැකකරුවන් යාපනය වේලනෙයි, වලෙයිපාඩු හා වීරවිල් ප්‍රදේශයන්හි පදිංචි අවුරුදු 31,50 සහ 57 යන වයස්හි පසුවන අතර ඔවුන් වැඩි දුර පරික්ෂණ කටයුතු සඳහා ජෙයපුරම් පොලීසිය වෙතට භාර දීමට නාවික හමුදාව විසින් පියවර ගනු ලැබීය.

The post පුපුරණ ද්‍රව්‍ය සමග තිදෙනෙක් කිලිනොච්චියේදී අත්අඩංගුවේ appeared first on Colombo Today.