15 හැවිරිදි පාසල් ශිෂ්‍යාවක් අභිරහස් ලෙස මිය යෑමෙන් අනතුරුව ඉන්දියාවේ බෙංගාලයේ උතුරු දිනාජ්පූර් දිස්ත්‍රික්කයේ හටගත් ගැටුම්වලින් පොලිස් නිලධාරින් ඇතුළු 30 දෙනෙකු පමණ තුවාල ලබා තිබේ.
ජනතාව චෝදනා කරන්නේ දැරිය දූෂණය කර මරා දමා ඇති බවය.
නමුත් පොලීසිය පවසන්නේ දැරිය යම් විසක් ශරීරගත වී මියගොස් ඇති බවත් එය පශ්චාත් මරණ පරීක්ෂණයේදී තහවුරු වී ඇති බවත් ය.
ඇයගේ සිරුර සොයාගනු ලැබුවේ ඉරිදා ය.
නමුත් ඊයේ පිරිමි ළමයෙකු ගේ මළ සිරුරක් ද එම ප්‍රදේශයෙන් හමු විණි.
එම සිරුර ජලය පිරි පොකුණක තිබී හමු වී තිබේ.
පොලීසිය පැවසුවේ ඉරිදා මියගොස් තිබූ පාසල් සිසුවියගේ මරණය සම්බන්ධයෙන් එම සිසුවාගේ නම සිසුවියගේ පියා විසින් පොලීසියට ලබා දී තිබූ බව වාර්තා වේ.
Source From colombotoday
Author: Lt editor
#SriLanka #News #lka