කොවිඩ් ආසාදිතයා ෆේස්බුක් සටහනක් තබමින් කල අනාවරණයක්

කොවිඩ් -19 ආසාදිතයෙකු ලෙස හඳුනාගෙන ඇති මිනුවන්ගොඩ බ්‍රැන්ඩික්ස් ආයතනයේ මානව සම්පත් කළමණාකරණ අංශයේ රැකියාවේ නිරත වන පුද්ගලයෙකු ෆේස්බුක් සටහනක් තබමින් අනාවරණයක් කර තිබේ.

ඔහුගේ බිරිඳ පෞද්ගලික ආයතනයක මූල්‍ය අංශයේ රැකියාවක නිරත වන අතර ඔවුන් කඩවත ප්‍රදේශයේ පදිංචිකරුවන් බවත් සඳහන් කර තිබේ.

ඔහු පෙන්වා දෙන්නේ තමා කොවිඩ් -19 ආසාදිත බව නොදැනුවත්කමින් අම්බලන්ගොඩ බටපොළ කිරිමැටිය ප්‍රදේශයේ පිහිටි නිවසකට ගිය බවත් එහිදී ඔහු එම ප්‍රදේශයේ වෙළෙඳසැලකට සහ නිවාස තුනකට ගිය බවත් ය.

ඔහු පසුගිය 03 වැනිදා ප්‍රදේශයේ පිහිටි විහාරස්ථානයක පැවැති බෝධි පූජා පිංකමකටද සහභාගී වූ බවද පවසයි.

ගවීන් විමලසිරි නැමැති පුද්ගලයෙකු මෙලෙස ෆේස්බුක් සටහනක් තබමින් පවසන්නේ තමන් පසුගිය 02වැනි දා කොක්මාදූව හරහා සහ අධිවේගී මාර්ගයෙන් ගාල්ලටත්, මාතර – කොළඹ බස් රථයකින් කහව ප්‍රදේශයටත් පැමිණි බවය.

තමාට කොවිඩ් ආසාදනය වී තිබුණු බවට දැන සිටියේ නම් තමා හැදුණු වැඩුණු ගමවන බටපොලට කිසි විටෙකත් නොඑන බවත් ඉන් සිදුවූ අපහසුතාව පිළිබඳව බටපොල ජනතාවට කණගාටුව පළ කරන බවත් සඳහන් කරයි.

ඔහු දැනට රඹුක්කන රෝහලේ කොවිඩ් ආසාදිතව ප්‍රතිකාර ලබමින් සිටී.

ඔහු තැබූ ෆේස්බුක් සටහන පහතින් දැක්වේ:

The post කොවිඩ් ආසාදිතයා ෆේස්බුක් සටහනක් තබමින් කල අනාවරණයක් appeared first on Colombo Today.

Source From colombotoday
Author: Lt editor
#SriLanka #News #lka