උද්ඝෝෂකයෝ වලපනේ ප්‍රාදේශිය සභාවේ සභාපතිට හූ කියා පන්නා දමති.

ජිවන වියදම ඉහල යාම , ඉන්ධන මිල වැඩි කිරිම , ගැස් මිල වැඩි කිරිම සහ හිගය , විදුලි කප්පාදුවට එරෙහිව වලපනේ ප්‍රදේශයේ වතු කම්කරුවන් සහ ප්‍රාදේශවාසින් එක්ව (29) දින රජයට එරෙහිව සිදු කල උද්ඝෝෂණයේදි වලපනේ ප්‍රාදේශිය සභාවේ සභාපති අජන්ත ආනන්ද මහතාට විරෝධය පල කර ඇත.

ප්‍රාදේශිය සභාපතිවරයා ඔහු පදිංචි වලපනේ හරස්බැද්ද නිවසේ සිට ප්‍රාදේශිය සභාව දක්වා වාහනයෙන් ගමන් කරමින් සිටියදි එම මාර්ගයේ උද්ඝෝෂණයේ නියැලි පිරිසක් ප්‍රාදේශිය සභාවේ සභාපතිවරයාගේ වාහනය හරස් කර විරෝධතාවය දක්වා ඇති අතර, පසුව වලපනේ පොලිසියේ නිලධාරින්ගේ දැඩි ආරක්ෂාව මැද්දේ සභාපතිවරයාව එම ස්ථානයෙන් ඉවත් කිරිමට පියවර ගෙන ඇත.