ඉන්දීය නිදහස් දිනය සැමරේ

ඉන්දියාවේ 74 වන ජාතික නිදහස් දිනය අදට (15) යෙදී තිබේ.

ජාතික නිදහස් දිනය සමරමින් ඉන්දීය අග්‍රාමාත්‍යවරයා රතු කොටුවේ සිට අද උදෑසන ජාතික ඇමතූ බව විදෙස් මාධ්‍ය වාර්තා කළේය.

අග්‍රාමාත්‍යවරයාගේ ආරක්ෂාව සඳහා යුධ, ගුවන්, නාවික භට පිරිසක් සහ දිල්ලියේ පොලිස් නිළධාරින් කණ්ඩායම් යොදවා ඇත.

පවතින කොවිඩ් නයින්ටීන් වසංගත තත්ත්වය හේතුවෙන් සෞඛ්‍ය ආරක්ෂිත ක්‍රමවේද අනුව ඉන්දීයාවේ නිදහස් දින සැමරුම සිදුකර ඇති බව වාර්තා වේ.

නිදහස් දින සැමරුම සඳහා යුධ, ගුවන්, නාවික සහ පොලිස් නිළධාරින්ගේ උත්තමාචාර පෙළපාලි පැවති බව විදෙස් වාර්තා සඳහන් කළේය.

The post ඉන්දීය නිදහස් දිනය සැමරේ appeared first on Colombo Today.