ආණ්ඩු පක්ෂ මන්ත්‍රීවරු හා ජනපති අතර හමුවක්

ආණ්ඩු පක්ෂ මන්ත්‍රීවරුන් සහ ජනාධිපති ගෝඨාභය රාජපක්ෂ මහතා අතර සාකච්ඡාවක් අද (19)දින පැවැත්වීමට නියමිතව තිබේ.

අද පස්වරු 06.30ට ජනාධිපති කාර්යාලයේ දී මෙම සාකච්ඡාව පැවැත්වීමට නියමිතය.

මේ අතර ලබන 21 සහ 22 යන දිනයන්හී දි පාර්ලිමේන්තුවේ විවාදයට ගැනීමට නියමිත 20 වන ආණ්ඩුක්‍රම ව්‍යවස්ථා සංශෝධන කෙටුම්පත පිළිබඳ සාකච්ඡාවක් ඊයේ (18)දින පස්වරුවේ අග්‍රාමාත්‍ය මහින්ද රාජපක්ෂ මහතාගේ ප්‍රධානත්වයෙන් පැවැත්විය.

ඊයේ පස්වරුවේ කොළඹ විජේරාම මාවතේ පිහිටි අග්‍රාමාත්‍ය නිල නිවසේ පැවති මෙම සාකච්ඡාවට ආණ්ඩු පක්ෂය නියෝජනය කරන දේශපාලන පක්ෂවල නියෝජිතයින් එක්ව සිටියේය.

The post ආණ්ඩු පක්ෂ මන්ත්‍රීවරු හා ජනපති අතර හමුවක් appeared first on Colombo Today.