අමෙරිකාවේ වෙඩිතැබීමකින් 10ක් මරුට

අමෙරිකාවේ කොලරාඩෝ ප්‍රදේශයේ සිදුකළ වෙඩිතැබීමකින් 10 දෙනෙක් මරණයට පත්වී තිබේ.

එරට පොලිසිය පැවසුවේ වෙඩික්කරුවෙක් විසින් වෙළෙඳ සංකීර්ණයක දී එම වෙඩිතැබීම සිදුකර ඇති බවත් ඉන් පොලිස් නිලධාරියෙක් ඇතුළු 10 දෙනෙක් ජීවිතක්ෂයට පත්ව ඇති බවත් ය.

වෙඩිතැබීම සම්බන්ධයෙන් එක් පුද්ගලයෙක් ව පොලිස් අත්අඩංගුවට පත්ව ඇති අතර ඔහු විසින් සිය අපරාධය යුටියුබ් ඔස්සේ සජීවීව විකාශය කර තිබේ.

වෙඩිතැබීම පිළිබඳ තොරතුරු ලැබීමෙන් පසු එම ස්ථානයට පැමිණි පොලිස් නිලධාරීන්ට සැකකරුව අත්අඩංගුවට ගැනීමට පැයක පමණ කාලයක් ගතවූ බව සඳහන් වේ.