රාගම වෙඩි තැබීමකින් තිදෙනෙකුට තුවාල

රාගම, වල්පොල, කරිටාස් ප්‍රදේශයේ නිවසකට පැමිණ කළ වෙඩි තැබීමකින් පුද්ගලයින් තිදෙනෙකු තුවාල ලබා තිබේ.

එලෙස තුවාල ලබා ඇත්තේ, 49 හැවිරිදි පුද්ගලයෙක් සහ ඔහුගේ මව හා එම අවස්ථාවේ එහි සිටි අසල්වැසි නිවසක පදිංචිව සිටි 17හැවිරිදි තරුණයෙකි.

ඊයේ(14) රාත්‍රියේ යතුරු පැදියකින් පැමිණි පිරිසක් විසින් වෙඩි තැබීම සිදු කර ඇති බව පොලිසිය පවසයි.

තුවාල ලැබූවන් රාගම රෝහලට ඇතුළත් කර තිබේ.

වෙඩි වැදීමෙන් තුවාල ලැබූ 49 හැවිරිදි පුද්ගලයා මාළු වෙළෙඳසැලක සේවය කරන්නෙක් බව පොලිසිය සඳහන් කරයි.

වෙඩි තැබීමට සම්බන්ධ පුද්ගලයින් සොයා විමර්ශන අරම්භ කර තිබේ.

The post රාගම වෙඩි තැබීමකින් තිදෙනෙකුට තුවාල appeared first on Colombo Today.