එදා අසම්පුර්නයි කී වාර්තාව ක්‍රියාත්මක කරන්නැයි රජයට බලහත්කාරය පාමින් ඇමති හමුවෙන්න කාදිනල් බෑ කියයි.

විදේශ අමාත්‍ය මහාචාර්ය ජී.එල් පීරිස් මහතා මැල්කම් රංජිත් කාදිනල් තුමා හමුවී සාකච්ඡා කිරීමට වෙලාවක් ඉල්ලා ලිපියක් යොමු කල බවත් කාදිනල් තුමා එය ප්‍රතික්ෂේප කල බවත් ඊයේ (1) මාධ්‍යයට කතෝලික සභාව විසින් විශේෂ ප්‍රකාශයක් කරමින් සිරිල් ගාමිණි පියතුමා පවසනවා.

රජය පිළිබඳව විශ්වාසයක් ඇතිවීමට නම් පාස්කු ප්‍රහාරය පිළිබඳව විමර්ශනය කිරීමට පත්කළ ජනාධිපති පරීක්ෂණ කොමිෂන් සභාව විසින් සිදුකර ඇති නිර්දේශ ක්‍රියාත්මක කිරීමට පටන්ගත යුතු බවත් පොලිස්පති තුමා සහ ජනාධිපති නීති උපදේශක සිදුකල ප්‍රකාශවලින් විශ්වාසය බිඳ වැටී ඇති බවත් සඳහන් කර සිටියා.

කෙසේ වෙතත් පාස්කු ප්‍රහාරය පිළිබඳව සොයා බැලීමට පත්කළ ජනාධිපති පරීක්ෂණ කොමිෂන් සභා වාර්තාව පිළිගත නොහැකි බව මීට ඉහතදී කතෝලික සභාව සහ කාදිනල් තුමා ප්‍රකාශ කරන ලදි.

කොමිෂන් සභා වාර්තාව අසම්පුර්නයි. කලු ඉරිදා විරෝධයට එක්වෙමින් කාදිනල් තුමා කියයි.

ප්‍රහාරයට පෙර භික්ෂුන් වහන්සේ ඉගියක් දුන්නා. | ඒ දිවැසිවර වාක්‍ය අද ඉටුවෙලා. – කතෝලික සභාව

Source From colombotoday
Author: colombotoday.com
#SriLanka #News #lka