ලොව පුරා සිටින ක්‍රීඩා ලෝලීන්ට උද්වේගකර මුහුණුවරයන් සහ ක්‍රියාකාරකම් මාලාවක් හරහා අන් කවරෙකුටවත් වඩා ක්‍රිකට් අත්දැකීමක් ලබා දීම සඳහා ලෝක පූජිත, ශ්‍රී ලංකා ක්‍රිකට් ක්‍රීඩක ලසිත් මාලිංග සමඟ Rakuten Viber හවුල්කරුවන් ලෙස එක් වීම ක්‍රිකට් ලෝලීන්ගේ සතුටට කරුණක් වනු ඇත. මෙම හවුල්කාරීත්වයේ අරමුණ වන්නේ ජනප්‍රිය පණිවිඩකරණ වේදිකාවේ වඩාත්ම ප්‍රිය කරන මුහුණුවර සියල්ල මෙම ප්‍රවීණ වේගපන්දු යවන්නාගේ එක් ප්‍රවේගකාරී ක්‍රිකට් අත්දැකීමක් බවට එකතු කිරීමයි.
ඔහුගේ අසාමාන්‍ය පන්දු යැවීමේ ඉරියව්ව හා යෝකර් පන්දු යැවීමේ දක්ෂතාවය හේතුවෙන් ‘ස්ලිංගා මාලිංග’ යන අන්වර්ථ නාමයෙන්ද හඳුන්වනු ලබන මාලිංග, 2004 වසරේදී සිය මංගල ජාත්‍යන්තර ක්‍රිකට් තරඟයට සහභාගී විය. ඔහු එක්දින තරඟ ඉතිහාසයේ ශ්‍රී ලංකාව වෙනුවෙන් කඩුලු 338ක් දවාගනිමින් ශ්‍රී ලංකාවවේ තෙවැනි වැඩිම කඩුලු ලාභියා ලෙස පත්ව ඇත. ඔහු ඉන්දීය ප්‍රිමියර් ලීග් තරඟාවලියේ මෙතෙක් ක්‍රීඩා කළ විශිෂ්ඨතම පන්දු යවන්නෙකු ලෙස ද හඳුන්වනු ලබයි. මුම්බායි ඉන්දියන්ස් කණ්ඩායම වෙනුවෙන් ඔහු ක්‍රීඩා කළ තරඟ 122කදී කඩුලු 120ක් දවා ගනිමින් ඉන්දීය ප්‍රිමියර් ලීග් තරඟ ඉතිහාසයේ වැඩිම කඩුලු ලාභියා බවට පත්ව ඇත.
Viber ක්‍රිකට් ලෝලී රසිකයින්ට මාලිංග සමඟ සම්බන්ධ වීමට, අදහස් බෙදා ගැනීමට සහ ඔහුගේ දෛනික ජීවිතයේ කොටසක් බවට පත්වෙමින් නිල සමූහයක් සේ කටයුතු කිරීම සඳහා මෙම ස්ටිකර් ඇසුරුම් ලබා ගත හැකිවේ. Viber-මාලිංග හවුල්කාරීත්වයට Viber හි නවතම මුහුණුවර වන මාලිංග මත බලගැන්වූ AR- කාච ද ඇතුළත් වනු ඇත.
උද්යෝගයෙන් පිරුණු ක්‍රිකට් සබඳතාවය එතැනින් අවසන් නොවේ. ලෝක කුසලානය අතරතුර Viber Cricket Talks Community හරහා මෙම ජනප්‍රිය වේග පන්දු යවන්නා සමඟ එක්වීමට රසිකයින්ට අවස්ථාව ඇත. එහිදී මාලිංගගේ කැමති කාච භාවිතා කරමින් ඔහු වෙනුවෙන් පණිවිඩයක් බෙදා ගන්නා සුපිරි වාසනාවන්ත ක්‍රීඩා ලෝලී රසිකයින් දස දෙනෙකුට මාලිංග සමඟ වීඩියෝ දර්ශන සහිත ඇමතුමක් හරහා ඔහු ඇමතීම වැනි අසමසම අවස්ථා හිමිවේ.
තවද Viber හි අත්දැකීම වඩාත් සුවිශේෂී කරමින් ක්‍රීඩා රසිකයින්ට මාලිංග විසින් ඔහුගේ නිල සමූහය තුළ දිනපතා අසනු ලබන පැනයන් ඇතුළත් තරඟ සඳහා සහභාගී වී, ජය ලබන්නන් වෙනුවෙන් ඔහුගේ අත්සන සහිත ජර්සි දිනා ගැනීමට පවා අවස්ථාව උදාවනු ඇත.
“මගේ රසිකයින් වෙත විශේෂ අත්දැකීමක් නිර්මාණය කිරීම සඳහා Viber සමඟ එක්වීමට මම තීරණය කළා. මගේ සියලු රසිකයින් සහ ආදරණීයයන් සමඟ සම්බන්ධ වීමට මෙය මට හොඳ වේදිකාවක් වනු ඇත. මම මගේ සමූහය තුළ බොහෝ පින්තූර, වීඩියෝ බෙදා ගන්නවා. ඒ වගේම මගේ රසිකයින් ගොඩක් විනෝද විය යුතුයි. එම නිසා දිගටම මෙය පසු පස හඹා යන්න! ” Viber සමඟ ඇති හවුල්කාරීත්වය පිළිබඳව සිය අදහස් දක්වමින් මාලිංග සඳහන් කළේය.
“මාලිංග සිය ක්‍රිකට් දිවිය තුළදී ඔහුගේ රසික රසිකාවියන් හට ලබා දුන් සතුට සැමරීමට සහ එය බෙදා ගැනීමට මෙය කදිම අවස්ථාවක් වී ඇති බවට අප විශ්වාස කරනවා” යනුවෙන් Rakuten Viber හි ජ්‍යෙෂ්ඨ අධ්‍යක්ෂ ඩේවිඩ් ට්සේ පැවසීය.
මේ සම්බන්ධයෙන් ඔහු වැඩිදුරටත් මෙසේ පැවසුවේය. ”අපි සැමවිටම අපගේ ඩිජිටල් තාක්‍ෂණය උපයෝගී කරගනිමින් පරිශීලකයින්ට විනෝදාස්වාදයේ නව මානයන් සොයා ගැනීමට හැකි වන පරිදි ක්‍රියා කරනවා. ක්‍රිකට් ලෝලීන්ට Viber හි පූර්ණ ක්‍රිකට් අත්දැකීමක් භුක්ති විඳීම වෙනුවෙන් ඉඩ සැලසීම සඳහා මාලිංග සමඟ එක්වීමට ලැබීම ගැන අපට ඇත්තේ විශාල ගෞරවයක්.”
Viber වසර ගණනාවක් පුරා සිය පරිශීලකයින් සඳහා විශේෂයෙන් ක්‍රිකට් ලෝලීන් වෙනුවෙන් ඔවුන්ගේ අත්දැකීම් අනුව සිය ගොනුව ඉහළ නංවා ඇත. පරිශීලකයන් විසින් ‘Cricket Talks Community’, AR බලයෙන් ක්‍රියා කරන කාච, සහ තවත් බොහෝ දේ අතිශය උද්යෝගයෙන් වැළඳගෙන ඇත. Viber අඛණ්ඩව සිය පණිවිඩකරණ වේදිකාව නව්‍යකරණයට, නිර්මාණකරණයට සහ පරිණාමය කරන විට, එහි වර්ධනයේ ඇදහිය නොහැකි ඉහළ යාම කුමක්දැයි යන්න පිළිබඳව සැකයක් ඉතිරි නොකරයි.
ක්‍රිකට් ක්‍රීඩාවේ අසම සම ප්‍රීතිය සැමරීමට සහ ක්‍රිකට් සහෝදරත්වයේ වඩාත් ප්‍රවීන සහ ලෝක පූජිත වේග පන්දු යවන්නෙකුගේ අපූර්වත්වය නැවත ලබා ගැනීම සඳහා Viber හි Slinga-Malinga සමඟ අසීමිත වින්දනයට රොක්වෙන්න.
The post Rakuten Viber ලසිත් මාලිංග සමඟ එක්ව නැවත වරක් උද්වේගකර ක්‍රිකට් අත්දැකීම් ගෙන එයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka