PEO TV Go සේවාව දැන්, ඕනෑම ජාලයකින් – TV බලන හොඳම APP එක PEO TV Go

ශ්‍රී ලංකාවේ පුරෝගාමී IPTV රූපවාහිනී සේවා  සැපයුම්කරු වන SLT PEO TV,  PEO TV Go අන්තර්ජාල යෙදවුම හඳුන්වාදෙමින් තම සේවාව තවදුරටත් පුළුල් කර තිබේ.  මෙමගින් ශ්‍රී ලංකා ටෙලිකොම් පාරිභෝගිකයින්ට පමණක් සීමාවූ PEO TV ප්‍රවේශය, PEO TV Go පෙර ගෙවුම් සේවාව මගින් ඕනෑම ජාලයකින් අන්තර්ජාල පහසුකම් ලබාගන්නා සෑම දෙනෙකු වෙතම හිමිකරදෙයි.

PEO TV Go අන්තර්ජාල යෙදවුම ජනගත කිරීම, ශ්‍රී ලංකා ටෙලිකොම් සමූහයේ සභාපති රොහාන් ප්‍රනාන්දු මහතා විසින් ශ්‍රී ලංකා ටෙලිකොම් මූලස්ථානයේ දී පසුගියදා සිදුවිය. ශ්‍රී ලංකා ටෙලිකොම් හි සමූහ ප්‍රධාන විධායක නිලධාරි ලලිත් සෙනෙවිරත්න මහතා, PEO TV / SLT විෂන්කොම් (පුද්) සමාගමේ ප්‍රධාන විධායක නිලධාරී අජන්ත සෙනෙවිරත්න මහතා, ශ්‍රී ලංකා ටෙලිකොම් සමාගමේ ප්‍රධාන විධායක නිලධාරී කිත්ති පෙරේරා මහතා සහ මොබිටෙල් (පුද්) සමාගමේ ප්‍රධාන විධායක නිලධාරී නලින් පෙරේරා මහතා සහ ඇතුළු ශ්‍රී ලංකා ටෙලිකොම් සමූහයේ ජ්‍යෙෂ්ඨ කලමණාකාරිත්වයේ සමාජිකයින් ඇතුළු විශාල පිරිසක් මෙම අවස්ථාවට සහභාගී වූහ.

PEO TV Go යෙදවුම මගින් PEO TV ඔස්සේ විකාශය වන දෙස් විදෙස් නාලිකා, ප්‍රියතම රූපවාහිනී වැඩසටහන්, චිත්‍රපට, අධ්‍යාපනික වැඩසටහන් ඇතුලු තවත් බොහෝ දෑ නැරඹීමේ අවස්ථාව හිමිවේ.  PEO TV Go සේවාව සතු අද්විතීය ක්‍රියාකාරීත්වය නිසාම පාරිභෝගිකයන් හට ඔවුන්ගේ ප්‍රියතම රූපවාහිනී වැඩසටහන්, ජංගම දුරකතනය, ටැබ්ලටය, ලැප්ටොප් හෝ පරිගණකයෙන් නැරඹීමට ද අවස්ථාව හිමිවේ.  නිවසේදී පමණක් නොව තමන්  යන එන ඕනෑම තැනකදී ඔබේ ප්‍රියතම වැඩසටහන් රස විඳීමේ හැකියාව PEO TV Go ඔබට ලබාදෙයි.

ඕනෑම උපාංගයකින් රූපවාහිනිය නැරඹීමේ හැකියාව, ඉතා සුපැහැදිලි දසුන්, දෙස් විදෙස් නාලිකා රැසක් ඇතුලුව පැය 48 ක ආපසු නැරඹීමේ අවස්ථාවද හිමිවන, PEO TV Go සේවාව TV බලන හොඳම  App එක ලෙස පාරිභෝගිකයන්ට සමීප කිරීමට සමාගමේ අපේක්ෂාව වේ. ඕනෑම පාරිභෝගිකයෙකුට දැන් Google Play Store සහ App Store වෙත පිවිසීමෙන් PEO TV Go App එක Download කර PEO TV Go හි ප්‍රියතම රූපවාහිනී වැඩසටහන් නැරඹීම සඳහා පෙරගෙවුම් හෝ පසුගෙවුම් ආකර්ෂණීය පැකේජ ඔබට තෝරාගත හැකිය.

PEO TV Go OTT Set Top Box මඟින් මෙම සේවාව, රූපවාහිනියකටද සම්බන්ඳ කරගැනීමේ හැකියාව ඇත. ඒ සඳහා අවශ්‍ය OTT Set Top Box උපකරණ ඔබට ලඟම ඇති ටෙලිකොම් ප්‍රාදේශීය කළමනාකරණ මධ්‍යස්ථානයෙන් ලබා ගත හැක

ඡායාරූප සටහන – ශ්‍රී ලංකා ටෙලිකොම් සමූහයේ සභාපති රොහාන් ප්‍රනාන්දු මහතා (මැද) PEO TV Go සේවාව නිල වශයෙන් ජනගත කළ අවස්ථාව. ශ්‍රී ලංකා ටෙලිකොම් සමූහ ප්‍රධාන විධායක නිලධාරි ලලිත් සෙනෙවිරත්න මහතා (වමේ) සහ SLT විෂන්කොම් (පුද්) සමාගමේ ප්‍රධාන විධායක නිලධාරී අජන්ත සෙනෙවිරත්න මහතාද (දකුණේ) ඊට එක්විය. 

The post PEO TV Go සේවාව දැන්, ඕනෑම ජාලයකින් – TV බලන හොඳම APP එක PEO TV Go appeared first on Adaderana Biz Sinhala | Sri Lanka Business News.