Orient Finance නොකඩවා දෙවැනි වරටත්  Great Place to Work®  විශිෂ්ටත්වයේ සහතිකකරණය ලබාගැනීමට සමත්වෙයි

ජනශක්ති සමූහයේ සාමාජික ආයතනයක් වන  Orient Finance PLC  සමාගම සිය වෘත්තිකයන්ට සේවය කිරීමට වඩාත් සුදුසු විශිෂ්ට පරිසරයක් ආයතනය තුළ නිර්මාණය කරදීම වෙනුවෙන් නොකඩවා දෙවැනි වරටත්  Great Place to Work®  විශිෂ්ටත්වයේ සහතිකකරණය ලබා ගැනීමට සමත්විය. ආයතනයක් සතු අගනාම වස්තුව එම ආයතනයේ සේවකයන් යන මූලික සංකල්පය පෙරදැරිව ධනාත්මක වෘත්තීය පරිසරයක් ස්ථාපිත කිරීමට ආයතනය විසින් අඛණ්ඩව සිදුකරනා කැපවීමට මෙම සහතිකකරණය මගින් තවත් වටිනාකමක් එක් වන ලදී.

 
Great Place to Work®  යනු ආයතනයක් තුළ වෘත්තීය පරිසරය මෙන්ම සේවකයන්ගේ ධනාත්මකභාවය මැන බැලීම සඳහා සේවක අදහස් නිර්නාමිකව එකතු කරගනිමින් ස්වාධීන දත්ත විෂ්ලේශණයක් ඔස්සේ ලබාදෙන්නා වූ සහතිකකරණයකි. එම විෂ්ලේශණයේ තොරතුරු දත්ත පදනම් කරගෙන ආයතනය තුළ වෘත්තීය විශ්වාසය ගොඩනැංවීම, උසස් කාර්ය සාධනයක් සහිත වෘත්තීය පරිසරයක් ගොඩනැංවීම හරහා සේවක යහපැවැත්ම වැඩිකිරීම සහ ව්‍යාපාරයේ සාර්ථකත්වය ගොඩ නංවා ගැනීමට මෙමගින් සහය ලබාදෙයි. මෙම සහතිකකරණය ලබාගැනීමට ඉතාම ස්වාධීන කාර්ය පිළිවෙතක් නිර්මාණය කර ඇති අතර එහිදී සේවකයන්ගේ ස්වාධීන අදහස්, සේවා ස්ථානයේ සේවක ප්‍රතිපත්ති සහ ක්‍රියාදාමයන් සහ වෘත්තීය කාර්ය පටිපාටිය පදනම් කරගෙන දත්ත සහ තොරතුරු විශ්ලේෂණය කර අදාළ සහතිකකරණය ලබාදීම සිදුකරයි. වෘත්තීය ආයතනය තුළ සේවකයන් අතර විශ්වාසය, සාධාරණත්වය, එකිනෙකාට ගරු කිරීම, සුහදත්වය ආදී මානව ගුණ මනාව සහ ස්වාධීනව ඇගයීම මෙම සහතිකකරණයේ අරමුණයි.

 
Orient Finance  ආයතනය නොකඩවා දෙවැනි වරටත් ලබාගත් මේ විශිෂ්ටත්වයේ සහතිකකරණය ඔවුන්ගේ වෘත්තීය ගමනේ සුවිශේෂී මඟ සළකුණක් වන අතර මෙම ස්වාධීන සේවක සංගණනයට එම ආයතනයේ සේවකයන් 81%ක සහභාගීත්වයක් සටහන් වීමත් අගය කළ යුතු තත්ත්වයකි. වඩාත් ඉහළ සහභාගීත්වයක් සටහන් වීම මගින් සේවයක් සිය ආයතනයේ සේවය කිරීමට ඇති කැමැත්ත සහ වෘත්තීය පරිසරයේ ඇති ධානාත්මක භාවය මනාව පැහැදිළි වෙන අතර ආයතනයක් ලෙස තම සේවකයන් සමග පවත්වා ගන්නා සම්බන්ධතාවයේ ස්වභාවය සහ විශිෂ්ට සේවා ස්ථානයක් නිර්මාණයට සිදුකරන කැපවීම ද අපට වටහා ගත හැක.

සමස්ත ආයතනයේම සාර්ථකත්වය උදෙසා මනා වෘත්තීය පරිසරයක් නිර්මාණය කර තිබීම සහ සේවකයන්ගේ ධනාත්මක සහභාගීත්වය වැදගත්බව පෙන්වා දෙමින් මෙම විශිෂ්ටත්වයේ ජයග්‍රහණය ගැන සිය අදහස් දැක්වූ අධ්‍යක්ෂක/ ප්‍රධාන විධායක නිලධාරී කේ.එම්.එම් ජබීර් මහතා,“දෙවැනි වරටත් අප ආයතනයට  Great Place to Work®  සහතිකකරණය ලැබීම මගින් වඩාත් උසස් වෘත්තීය පරිසරයක් නිර්මාණය කිරීමට අප දිගටම සිදුකරමින් යන කාර්යභාරයට වඩාත් ඉහළ ඇගයීමක් ලැබුණා. ඒවගේම තවදුරටත් සේවකයන් සමග සමීප වෙමින් ඔවුන්ගේ අදහස් ලබාගනිමින් ඔවුන්ට වැඩකරන්නට සුදුසු පරිසරයක් අප ආයතනය තුළ ගොඩනැංවීමට අපට අවශ්‍යයි. අපගේ සේවකයන්ගේ නව අදහස් සහ නිර්මාණශීලීත්ව අගය කරමින් එයට දිරි දෙමින් වඩාත් ධානාත්මක සහ සේවක සහයෝගීත්වය සපිරි පරිසරයක් ගොඩනංවා ගැනීමට අප හැමදාමත් කැපවෙනවා, වඩාත් විශිෂ්ට ආයතනයක් ලෙස අපට සාර්ථකත්වයට පත්වෙන්න හැකියාව ලැබෙන්නේ මෙවන් ආයතනික ගුණාංග තුළින්ම පමණයි.”

 
නව්‍ය සංකල්ප, පාරිභෝගිකයන්ට වඩාත්ම ගැළපෙන සුවිශේෂී සේවා සහ විශිෂ්ට පාරිභෝගික සේවාවක් ලබාදීම තුළින් පාරිභෝගිකයා කේන්ද්‍ර කරගත් සේවා ආයතනයක් ලෙස  Orient Finance PLC  ආයතනය මෙතෙක් සිය ගමන් මග ඉදිරියට පැමිණ තිබේ. දිවයින පුරා ශාඛා 31කින් සමන්විත  Orient Finance PLC  ආයතනය විසින් ඉතිරි කිරීමේ ගිණුම් සේවා, තැන්පතු, ලීසිං පහසුකම්, කුළී පිට ගැණුම්, රන් ණය, විකල්ප මුල්‍ය විසඳුම්, ආයතනික මුල්‍යකරණය සහ තවත් මුල්‍ය සේවා රැසක් සපයයි.

 
ආයෝජන, රක්ෂණ සහ මුල්‍ය ක්ෂේත්‍රයන් හි සේවා කටයුතු පවත්වා ගෙන යන ජනශක්ති සමූහයේ තවත් එක සමාජිකයෙකු ලෙස  Orient Finance PLC  ආයතනය සිය සේවා පවත්වාගෙන යයි. ජනශක්ති යනු ආචාරධාර්මිකබව, අවංකකම, වෘත්තීය විනිවිදභාවය, කාර්ය සාධනීයබව, ගරුකිරීම සහ එකාත්මිකබව ආදී ගුණාංග සිය ආයතනික ආකෘතියේ මුල් බැසගත් දීර්ඝ ඉතිහාසයක් ඇති ආයතනයකි. එකමුතුකම සහ සහයෝගීතාවය ප්‍රමුඛ කොටගත් ශක්තිමත් වෘත්තීය පරිසරයක් සහිත මෙම සමූහය විවිධත්වය අගය කරන අතරම කුසලතා පදනම් කරගත් ඇගයුම් ක්‍රියාවලියක් මගින් සෑම සේවකයෙකුටම සේවය කිරීමට සුදුසු පරිසයක් සහ හැකියාවන්ගෙන් පිරි වෘත්තීකයන් සමූහයක් නිර්මාණය කර ඇත.

ඡායාරූප ශීර්ෂපාඨය –   Orient Finance PLC  අධ්‍යක්ෂක/ ප්‍රධාන විධායක නිලධාරී කේ.එම්.එම් ජබීර් මහතා