ඩිජිටල් බැංකුකරණයේ අනාගතය පිළිබඳ බැංකුවේ දැක්ම පැහැදිලි කළ NDB බැංකුවේ ප්‍රධාන විධායක නිලධාරී කැලූම් එදිරිසිංහ මහතා විසින් ඉදිරිපත් කරන ලද කෙටි දේශනයකින් අනතුරුව උත්සව සන්ධ්‍යාව ආරම්භ විය. ද්‍රවශීලිතාව ප්‍රශස්ථ කිරීම සහ සැපයුම් දාම මෙහෙයුම් වැඩි දියුණු කිරීම සඳහා ශ්‍රී ලාංකීය ව්‍යාපාර වලට තත්කාලීන විසඳුමක් ලබා දෙමින්, ව්‍යාපාර වල වර්ධනය සඳහා සහය වන විසඳුමක් ලෙස TradeLinc හි ඇති උපායමාර්ගික වැදගත්කම ඔහු අවධාරණය කලේය.
NDB බැංකුවේ සැපයුම් දාම මුල්‍ය අංශයේ ප්‍රධාන කළමනාකරු රුක්මාල් ධර්මදාස මහතා විසින් TradeLinc හි ප්‍රධාන අංගයන් සහ එමඟින් ගනුදෙනුකරුවන්ට හිමිවන ප්‍රතිලාභ පිළිබඳ විස්තර කරමින් පුළුල් හැඳින්වීමක් ඉදිරිපත් කරන ලදි. සුවිශේෂයෙන් සුළු හා මධ්‍ය පරිමාණ ව්‍යාපාර සහ දේශීය ව්‍යාපාර සඳහා අවම පිරිවැයක් යටතේ මුල්‍ය කළමනාකරන විසඳුම් ලබාදීම, තත්කාලීන අරමුදල් සැපයීම සහ දෘශ්‍යතාව වැඩි දියුණු කරමින්, TradeLinc ශ්‍රී ලාංකීය වෙළඳපොළ තුළ සුවිශේෂී අවශ්‍යතා සපුරාලීම සඳහාම නිර්මාණය කර තිබීම පිළිබඳව එහිදී තවදුරටත් පැහැදිලි කරන ලදී.
ආසියානු සංවර්ධන බැංකුවේ (ADB) දේශීය අධ්‍යක්ෂක තකාෆුමි කඩෝනෝ මහතා විසින් උත්සව සභව අමතමින් සිදුකළ ප්‍රකාශයෙන් මෙම නව හඳුන්වාදීමේ ඇති වැදගත්කම තවදුරටත් ඉස්මතු කරමින් වෙළඳ මුල්‍ය පරතරය අවම කිරීමේ සහ සුළු හා මධ්‍ය පරිමාණ ව්‍යාපාරිකයන් සංවර්ධනය කිරීමේ ගෝලීය වශයෙන් ඇති වැදගත්කම අවධාරණය කරන ලදී. මෙයට සමගාමීව ADB හි වෙළඳ හා සැපයුම් දාම අංශයේ සම්බන්ධතා කළමනාකාරිනී අපර්ණා සෝනි මහත්මිය TradeLinc වැනි නවෝත්පාදන මුල්‍ය විසඳුම් මඟින් තිරසාර වර්ධනයක් ඇති කරලීම සහ වැඩි මුල්‍ය ප්‍රවේශයක් ඇති කිරීමට ඇති හැකියාව පිළිබඳ ඇයගේ වටිනා අදහස් බෙදා ගත්තාය.
මෙම උත්සව සන්ධ්‍යාවේ විශේෂත්වය වූයේ පැමිණි සිටි සම්භාවනීය ආරාධිත අමුත්තන් පස් දෙනෙකුට NDB WriztPay අත් පළඳනාව තිළිණ කිරීමයි. අපහසුතාවයකින් තොර වූ පාරිභෝගික අත්දැකීමක් සඳහා මුල්‍ය සේවාවන් සමඟ තාක්ෂණය මුසු කිරීමේ NDB බැංකුවේ ඇති අඛණ්ඩ කැපවීම මෙමඟින් පිළිඹිබු කෙරිණි. ආයතනික බැංකුකරණ අංශයේ සහකාර උප සභාපති අමල් යාපා මහතාගේ ස්තූතියි කතාවෙන් මෙම උත්සවය නිමාවට පත් වූ අතර ඉන් අනතුරුව පැමිණි සියලු දෙනා හට සම්බන්ධ වීම සඳහා සුහද හමුවක්ද පැවැත්විණි.
TradeLinc, බැංකුකරණයේ අනාගතය හැඩගස්වා ගැනීම සඳහා NDB බැංකු ගමන් මෙඟ් වැදගත් ඉදිරි පියවරක් ලෙස හැඳින්විය හැක. තීරණාත්මක ද්‍රවශීලිතා අභියෝගයන් සඳහා විසඳුම් ලබා දීමෙන් සහ නවෝත්පාදන මෙවලම් සමඟින් ව්‍යාපාර සවිබල ගැන්වීම මඟින්, NDB බැංකුව වඩාත් ශක්තිමත්, ඩිජිටල්කරණය වූ ශ්‍රී ලාංකික ව්‍යාපාරික වපසරියක් සඳහා මඟ පාදයි.
NDB බැංකුව ශ්‍රී ලංකාවේ හතරවන විශාලතම ලැයිස්තුගත වාණිජ බැංකුවයි. 2024 වසරේ විශිෂ්ටත්වය සඳහා වූ Euromoney සම්මාන උළෙලේදී NDB බැංකුව ශ්‍රී ලංකාවේ හොඳම ආයතනික බැංකුව ලෙස නම් කරන ලද අතර Asian Banking and Finance Magazine (සිංගප්පූරුව) 2024 සම්මාන උළෙලේදී ශ්‍රී ලංකාවේ හොඳම දේශීය පෞද්ගලික බැංකුකරණ බැංකුව ලෙස සහ ශ්‍රී ලංකාවේ වසරේ දේශීය ව්‍යාපෘති මුල්‍යකරණ බැංකුව ලෙස ද NDB සම්මානයට පාත‍්‍ර විය. NDB බැංකුව යනු ප‍්‍රාග්ධන වෙළඳපොල අනුබද්ධ සමාගම් වලින් සමන්විත NDB සමූහයේ මව් සමාගම වන අතර, අද්විතීය බැංකු සහ ප‍්‍රාග්ධන වෙළඳපල සේවා සමූහයකින් සමන්විත වේ. ඩිජිටල් බැංකු විසඳුම් මගින් බල ගැන්වෙන අර්ථවත් මුල්‍ය සහ උපදේශන සේවා හරහා ජාතිය සහ එහි ජනතාව සවිබල ගැන්වීමට NDB බැංකුව නිබඳවම කැපවී සිටී.
The post NDB බැංකුව ශ්‍රී ලංකාවේ සැපයුම් දාම මුල්‍යකරණයේ විප්ලවීය වෙනසක් ඇති කරමින් TradeLinc හඳුන්වා දෙයි appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka