1993 වසරේදී ආරම්භ වී, ශ්රී ලංකාවේ වෙළඳපළ ප්රමුඛයෙකු ලෙස ඉදිරියට යමින් JAT Holdings මේ වනවිට කෙතරම් සාර්ථක හා ස්ථාවර තත්ත්වයක් ළඟා කරගැනීමට සමත් වී තිබේද යන්න මෙම ප්රතිඵල මගින් මැනැවින් පිළිබිඹු වේ. පසුගිය වසර 4 ක කාලය තුළ LMD විසින් අඛණ්ඩව මෙරට වඩාත්ම ගෞරවය දිනූ සමාගම් 100 අතරට නම්කරනු ලැබීම සහ, Brand Finance මගින් ප්රකාශයට පත්කරනු ලබන විශිෂ්ටතම සමාගම් 20 අතරට එක්වීමට JAT Holdings සමත් වීම මීට තවදුරටත් සාක්ෂි සපයයි. එමෙන්ම JAT Holdings අඛණ්ඩව වසර 5 ක කාලයක් Moody’s වෙතින් ICRA “A+ Stable” ශ්රේණිගත කිරීම හිමිකර ගැනීම සමත් වූ එකම ශ්රී ලාංකික පෞද්ගලික සමාගම වීමද විශේෂත්වයකි.
වඩාත්ම අභියෝගකාරී මූල්ය වර්ෂයන් තුළ පවා සාර්ථක ක්රියාකාරීත්වයක් පෙන්නුම් කිරීමට සමාගමට හැකි වීම සම්බන්ධයෙන් අදහස් දක්වමින්, JAT Holdings හි ප්රධාන විධායක නිලධාරී නිශාල් ප්රදිනාන්දු මහතා මෙසේ පැවසී ය. “ දැව ආලේපන, තීන්ත, බුරුසු, මුළුතැන්ගෙයි කට්ටල, කාර්යාලයීය පුටු ආදී දැව නිෂ්පාදන රැසක් අප වෙළඳපොළට හඳුන්වා දී තිබෙනවා. එමෙන්ම, බංග්ලාදේශය සහ වෙනත් දකුණු ආසියාතික රටවල ක්රියාත්මක වන අපගේ ව්යාපාර කටයුතු නිසා, COVID-19 හේතුවෙන් ඇති වූ අභියෝග හමුවේ පවා සාර්ථක මූල්ය ප්රතිඵල වාර්තා කිරීමට අපට හැකියාව ලැබුණා. මේ කාලය තුළ අපගේ ආයතනික කාර්ය මණ්ඩලයට නිවසේ සිට රාජකාරි කිරීමට පහසුකම් සලසා දීමටත්, නිෂ්පාදන කාර්ය මණ්ඩලය වෙනුවෙන් හැකි උපරිමයෙන් ආරක්ෂිත පරිසරයක් නිර්මාණය කිරීමටත් අප පියවර ගත්තා. අපගේ උත්සාහයන් සාර්ථක වී ඇති බවට, මෙම මූල්ය ප්රතිඵල ඉතා හොඳ සාක්ෂියක්. අපගේ අනාගත වර්ධන මාවතේ කොටසක් ලෙස, මූලික කොටස් නිකුතුවක් මගින් ප්රාග්ධනය රැස්කර ගැනීමටත්, අපගේ වර්ධන අභිලාෂයන් තවදුරටත් ශක්තිමත් කිරීමටත්, අපගේ බලපෑම් ක්ෂේත්රය පුළුල් කිරීමටත් අප බලාපොරොත්තු වෙනවා. අතිශය අභියෝගකාරී වාතාවරණයක් තුළ අප පෙන්නුම් කර ඇති මේ ක්රියාකාරීත්වය නිසා, ඕනෑම ආයෝජකයෙකුට අප කෙරෙහි විශ්වාසය තැබිය හැකි බව අප කියන්නේ ආඩම්බරයෙන්.”
අනෙකුත් මූල්ය ප්රතිඵල
2020/21 මූල්ය වර්ෂය තුළ, ශ්රී ලංකාවේ දැව ආලේපන, තීන්ත සහ බුරුසු වෙළඳපොළේ සමාගමක් වාර්තා කරගත් ඉහළම වාර්ෂික වර්ධනය වන 29% වාර්තා කිරීමට JAT Holdings සමාගමට හැකියාව ලැබිණි. මාස 2 ක් පුරා සංචරණ සීමා පනවා තිබූ පසුබිමක් තුළ පවා මෙය වාර්තා කරගැනීමට හැකිවීම විශේෂත්වයකි. එමෙන්ම අදාළ වර්ෂයේ මාස 7 කට වැඩි කාලයක් පුරා අඛණ්ඩව යහපත් මුදල් ප්රවාහයක් සහතික කරගනිමින්, 2021 මාර්තු 31 දිනය වන විට ශුද්ධ ලාභය ලෙස රු. මිලියන 490 ක් වාර්තා කරන ලදි. සමාගමේ ශුද්ධ ණය (මුදල්)/ සමකොටස් අනුපාතය සෘණ 0.03 මට්ටමක පැවතීම, සමාගමේ මූල්යමය තත්ත්වයේ ශක්තිය තවදුරටත් තහවුරු කරන සාධකයකි. සමාගමේ වත්මන් හා ද්රවශීලතා අනුපාතයන්, පසුගිය වසරේ වාර්තා වූ 2.6 සහ 1.76 මට්ටම් වල සිට මෙම වසරේදී පිළිවෙළින් 3.26 සහ 2.29 ලෙස වාර්තා වූ අතර, තෝලන (Gearing) මට්ටම 9.07% ක් ලෙස වාර්තා විය.
මෙහෙයුම්
COVID-19 රෝග ව්යාප්තිය පවතින කාලසීමාවේදී, JAT Holdings විසින් WHITE by JAT නමින් විශිෂ්ට ප්රමිතියෙන් යුත් බ්රිලියන්ට් වයිට් ඉමල්ෂන් තීන්ත එකතුවක් හඳුන්වා දෙන ලද අතර, අලෙවිසැල් හරහා මෙන්ම පාරිභෝගිකයන් වෙත ගෙනගොස් භාරදීම ඔස්සේ ඒවා අලෙවි කරන ලදි. එමෙන්ම දේශීය වෙළඳපොළට උසස් ගුණාත්මක බවකින් යුත් පවිත්රකාරක හඳුන්වා දීමේ පියවරක් වශයෙන්, JAT Care නිෂ්පාදන පෙළ යටතේ, ජාතික ඖෂධ නියාමන අධිකාරියේ අනුමැතිය හිමි දෑත් පවිත්රකාරක සහ මතුපිට පවිත්රකාරක නිෂ්පාදන පෙළක් දියත් කිරීම සිදුවිය.
සමාගම තවදුරටත් පුළුල් කිරීමේ ක්රමෝපායේ එක් පියවරක් වශයෙන්, පෙර වසරේදී නව ප්රදර්ශනාගාර 3 ක් විවෘත කරන ලදි. මෙම ප්රදර්ශනාගාර තලවතුගොඩ පිහිටි සමාගමේ ප්රධාන කාර්යාල පරිශ්රය, නාවල සහ කොළඹ One Galle Face සංකීර්ණය යන ස්ථාන වල පිහිටා තිබේ. මෙම නව ශාඛා විවෘත කිරීම මගින් අපේක්ෂා කළ ප්රතිඵල, මෙම විශ්ලේෂණයට අදාළ කාලසීමාවේදී ලැබුණු අතර, විශේෂයෙන්ම Retail Kitchens අංශය ශක්තිමත් කිරීමට එය මහෝපකාරී විය. මේ සියල්ල හේතුවෙන්, ශ්රී ලංකාවේ වෙළඳපොළ තුළ වාර්තාගත වර්ධනයක් සනිටුහන් කරමින්, වසරේ දෙවන අර්ධය තුළ අභියෝග ජයගනිමින් ඉදිරියට යාමට සමාගමට හැකියාව ලැබිණි.
වසංගත රෝග ව්යාප්තිය හේතුවෙන් බොහෝ සංවර්ධන ව්යපෘති තාවකාලිකව නතර කරනු ලැබීම හෝ මන්දගාමී වීම නිසා සමස්ත ව්යපෘති පරිමාව 82% කින් පහළ ගියේ ය. එහෙත් ආර්ථිකය යථා තත්ත්වයට පත්වීමත් සමග මෙම තත්ත්වය යහපත් අතට හැරෙමින් පවතී. 2021 මාර්තු 31 වන විට රු. බිලියන 1 ක් වටිනා ව්යාපෘති තහවුරු කරගැනීමට සමාගම සමත් වූ අතර, ඉදිරි මූල්ය වර්ෂ වල ප්රතිඵල සඳහා එම ව්යාපෘති මගින් යහපත් දායකත්වයක් ලැබෙනු නිසැක ය.
අමුද්රව්ය සහ, ව්යාපෘති කටයුතු වලට අදාළ ඇතැම් නිෂ්පාදන සඳහා පනවන ලද ආනයන සීමාවන් නිසා ඇතැම් මෙහෙයුම් කටයුතු දැඩි අභියෝගයකට ලක් විය. සමාගමේ ආදායම් වලට දැඩි පීඩනයක් එල්ල කළ අහිතකර විනිමය හුවමාරු මට්ටම් හේතුවෙන් මෙම තත්ත්වය තවදුරටත් උග්ර වූ අතර, බෙදාහැරීම් හා සැපයුම් දාම වල සිදුවූ අනපේක්ෂිත බාධාවන්ද 2020/21 මූල්ය වර්ෂයේ මෙහෙයුම් දුෂ්කරතාවන් තවදුරටත් දැඩි කිරීමට හේතු විය.
අනුග්රාහකත්වයන්, ආයතනික ප්රජා සත්කාර කටයුතු සහ පාරිභෝගික ළැදියා වර්ධනය
2020/21 කාලසීමාව සඳහා ශ්රී ලංකා ක්රිකට් කණ්ඩායමේ නිල විදේශ සංචාර අනුග්රාහකයා බවට පත්වෙමින් ජාත්යන්තර පිළිගැනීමක් හිමිකර ගැනීමට JAT Holdings සමත් වූ අතර, LPL 2020 තරගාවලියේ Kandy Tuskers කණ්ඩායමට අනුග්රාහකත්වය දැක්වූ එකම ශ්රී ලාංකික සමාගම වූයේද JAT Holdings සමාගමයි. එමෙන්ම මෙම කාලසීමාව තුළ සමාගම විසින් ආයතනික ප්රජා සත්කාර වැඩසටහන් රැසක්ද ක්රියාවට නංවන ලදි. විශේෂයෙන්ම වැඩි දෙනෙකුගේ අවධානයකට ලක් නොවූ නමුත් වසංගත රෝග ව්යාප්තිය නිසා දැඩි බලපෑමකට ලක්වූ පිරිසක් වන පින්තාරු කරුවන් සහ වඩු කාර්මිකයන් වෙනුවෙන් ක්රියාවට නැංවූ ‘සේයර්ලැක් සත්කාර‘ වැඩසටහන ඒ අතරින් ප්රධාන තැනක් ගනී. ඊට අමතරව, COVID-19 අවදානම අවම කරගැනීමට උපකාරී වීම සඳහා, රෝහල්, පොලීසිය සහ ත්රිවිධ හමුදාව වෙත JAT Care පවිත්රකාරක නිෂ්පාදන පරිත්යාග කිරීමටද සමාගම කටයුතු කළේ ය.
JAT Holdings සමාගමේ සේයර්ලැක් පාරිභෝගික ළැදියා (Loyalty) වැඩසටහනට සම්බන්ධ වී සිටින පාරිභෝගිකයන් සංඛ්යාව, පවතින දුෂ්කර තත්ත්වයන් හමුවේ පවා, වසර 2 ක් වැනි කෙටි කාලයක් තුළ 100,000 ඉක්මවා ගිය අතර, මෙය JAT Holdings ආයතනය වෙත හිමි වී ඇති ජනප්රියත්වය හා විශ්වාසය සඳහා මනා සාක්ෂියකි.
ආයතනික පාලනය
අධ්යක්ෂ මණ්ඩලයේ වයස් සහ ස්ත්රී පුරුෂ විවිධත්වය ඉහළ නංවමින්, නව විධායක නොවන අධ්යක්ෂවරුන් 4 දෙනෙකු මෙම කාලසීමාව තුළදී පත්කරන ලදි. මෙය අනාගතයේදී සමාගමේ තීරණ ගැනීමේ ක්රියාවලියට සහ කළමනාකරණයට ඉතාමත් යහපත් බලපෑමක් ඇතිකරනු ඇත.
අනාගත සැලසුම්
සමාගමේ ආයතනික ක්රමෝපායෙන් පන්නරය ලබන එහි සමස්ත වර්ධන දිශානතියට අමතරව, සමාගම සතු මූලික කෙටිකාලීන ඉලක්කයක් වන්නේ, තම ප්රාග්ධන පදනම වර්ධනය කරගැනීම සඳහා මූලික කොටස් නිකුතුවක් සිදුකරමින් කොළඹ කොටස් හුවමාරුවේ ලියාපදිංචි වීමයි. අති-නවීන පහසුකම් සහිත පර්යේෂණ හා සංවර්ධන මධ්යස්ථානයක් ඉදිකිරීම සහ බංග්ලාදේශයේ නව නිෂ්පාදන කර්මාන්තශාලාවක් පිහිටුවීම වැනි සංවර්ධන ක්රියාකාරකම් සඳහා එම අරමුදල් යොදවනු ඇත. නව කර්මාන්තශාලාවට අදාළ සාකච්ඡා මේ වනවිට අවසන් වී ඇති අතර, එහි මූලික කටයුතු දැනටමත් ආරම්භ වී තිබේ. එමෙන්ම අප්රිකානු කලාපයේ නව කර්මාන්තශාලාවක් ස්ථාපිත කිරීම සඳහා මේ වනවිට සාකච්ඡා සිදුවෙමින් පවතී. මෙම නව පහසුකම් මගින් කලාපීය වෙළඳපොළවල් තුළ JAT Holdings සමාගම සතු ස්ථානය තවදුරටත් තහවුරු වනු ඇති අතර, ආදායම සහ ආන්තිකයන්ගේ වර්ධනයටද එය හේතු වනු ඇත.
ඡායාරූපය: JAT Holdings හි ප්රධාන විධායක නිලධාරී නිශාල් ප්රදිනාන්දු මහතා.
The post JAT සමූහය 2020/21 අභියෝග ජයගනී: දෙවැනි අර්ධයේ ඉහළ ප්රතිඵල වාර්තා කරයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka