Imperial College හි සිසුන්ගේ කැමැත්ත, දක්ෂතාවය, සහ නොපසුබට උත්සාහය සමරන ක්‍රීඩා උළෙල වන ‘BLAZE’, ශ්‍රී ලංකාවේ ප්‍රමුඛ පෙළේ විශ්වවිද්‍යාල 25ක ක්‍රීඩාශීලි සිසුන්ගේ දක්ෂතා විදහා දක්වමින් දින පහක් පුරා, සති අන්ත තුනක් තිස්සේ පැවැත්වේ. ක්‍රිකට්, රග්බි, පැසිපන්දු, සහ පාපන්දු වැනි ජනප්‍රිය ක්‍රීඩා ඇතුළත් මෙම ක්‍රීඩා උළෙල, සිසුන්ගේ ක්‍රීඩා දක්ෂතා විදහා දැක්වීමටත්, අනෙකුත් විශ්ව විද්‍යාල සිසුන් සමග මිත්‍රත්වය ගොඩනගා ගැනීමටත් මනාව ඉවහල් වන මෙම ක්‍රීඩා උළෙල, විශ්වවිද්‍යාල අභිමානය ඉහළ නැංවීමටත් කදිම තෝතැන්නකි. සියලුම තරග ඒ සඳහාම සුවිශේෂී ක්‍රීඩාපිටිවල පැවැත්වෙන ‘BLAZE’ ක්‍රීඩා උළෙල, සහභාගි වන සියලු දෙනාට නවතම තරග අත්දැකීමක් මෙන්ම මතකයේ රැඳෙන අත්දැකීමක් තිලිණ කරනු නොඅනුමානය.
ජූනි 21 වැනි සෙනසුරාදා ‘BLAZE’ ක්‍රීඩා උළෙල ආරම්භ වන්නේ පළමු දින, ගුවන් හමුදා ක්‍රීඩාංගණයේදී සහ SLDCC ක්‍රීඩාංගණයේදී ඇරඹෙන උණුසුම් ක්‍රිකට් තරගාවලියෙනි. එහි අවසන් මහා තරගය පැවැත්වෙන්නේ, ක්‍රීඩා උළෙලෙහි දෙවැනි දිනය වන, ජූනි 22 වැනි දින SLDCC ක්‍රීඩාංගණයේදී ය. එම සති අන්තයේ, එනම් ජූනි 28 වැනිදා රග්බිලෝලීන්ගේ උනන්දුව දල්වමින් රේස්කෝස් පිටියේදී රග්බි තරග පැවැත්වීමට නියමිතය. තුන්වැනි සති අන්තයේ, එනම් ජූලි 5 වැනිදා, ශාන්ත ජෝසප් විද්‍යාලයීය පිටියේදී පැසිපන්දු තරග පැවැත්වේ. ජූලි 6 වැනි දින රේස්කෝස් පිටියේදී පාපන්දු තරග පැවැත්වීමට නියමිතව තිබෙන අතර, පාපන්දු අවසන් මහා තරගයද එදිනට එම ක්‍රීඩා පිටියේදී පැවැත්වේ.
මෙම ක්‍රීඩා උළෙල පිළිබඳව අදහස් දක්වමින්, ICBS හි ශිෂ්‍ය ක්‍රියාකාරකම් සහ ස්ථානගත කිරීම් පිළිබඳ ප්‍රධානී චනූෂා ජයවර්ධන මෙසේ පැවසුවාය: “අධ්‍යාපනය සහ ප්‍රායෝගික අත්දැකීම් එකම විදිහට වැදගත් වන ලෝකයක, Imperial College of Business Studies, ශ්‍රී ලංකාවේ ප්‍රමුඛතම පෞද්ගලික උසස් අධ්‍යාපන ආයතනයක් ලෙස අධ්‍යාපන ක්ෂේත්‍රය තුළ සාඩම්බරයෙන් කටයුතු කරනවා. අපි අනාගත නායකයින් බිහිකරන අතරෙහි, ශක්තිමත් අධ්‍යාපන උරුමයක් ගොඩනැගීමේ හා ක්‍රියාකාරී ශිෂ්‍ය පිරිසක් බිහිකිරීමේ, දශක හතරක සුවිශේෂී සන්ධිස්ථානය සනිටුහන් කරනවා. ඒ සමග අපගේ මෙම විස්මයජනක අධ්‍යාපන ගමන, “නැවුම්බව හා ප්‍රබලත්වය කැටිකරගත් අමතක නොවන” ක්‍රීඩා අත්දැකීමක් වන ‘BLAZE’ සමඟ අන් කවරදාටත් වඩා විශාල ලෙස සැමරීමට අවශ්‍යයි.”
“BLAZE කියන්නේ හුදෙක් ක්‍රීඩා උළෙලක් පමණක් නොවෙයි, එය අද්විතීය අත්දැකීමක්. එය ක්‍රීඩාවේ හා ජවයේ උළෙලක් වගේම සැමරුම් උළෙලක්. එපමණක් නොවෙයි, මෙම ක්‍රීඩා උළෙල ක්‍රීඩාලෝලීන් පිනවන කණ්ඩායම් ගීතවලින්ද, රසවත් ආහාර කුටිවලින්ද පිරුණු ක්‍රීඩා සැණකෙළියක් වන අතරම, ජවසම්පන්න ජනකායක් හා විස්මිත දීමනා ආදී සියල්ලත් ඊට ඇතුළත්. විශ්වවිද්‍යාල 25ක ක්‍රීඩකයින්ගේ සහභාගිත්වය හිමි මෙම ක්‍රීඩා උළෙල, නිසැකවම ක්‍රීඩාවේ අසමසම ශක්තිය විදහා දක්වන, ප්‍රබලතම උළෙලක් වනු ඇති. ඒ වගේම එය වටිනාම මතකයක් බවටත් පත්වනු ඇති!” ඇය වැඩිදුරටත් සඳහන් කළාය.
මෙරට උසස් අධ්‍යාපන ක්ෂේත්‍රයේ සාඩම්බර උරුමයක් සනිටුහන් කර ඇති Imperial College හි ආරම්භය 1985 තරම් ඈතට දිව යන්නකි. Colombo Business School (CBS) ලෙස ආරම්භ වූ මෙම ආයතනය, ඉකුත් වසර ගණනාව පුරාම, උසස් අධ්‍යාපන හා වෘත්තීය ක්ෂේත්‍රය තුළ කීර්තිය අත්පත් කරගනිමින්, ශ්‍රී ලංකාවේ පිළිගත් විශිෂ්ටතම ව්‍යාපාරික පාසලක් බවට වර්ධනය වී තිබේ. ලොව පුරා 50,000 කට අධික ආදි සිසුන් පිරිසකින් සමන්විත මෙම විශ්ව විද්‍යාලය, Scottish Qualifications Authority, Queen Margaret University සහ Scottish Qualifications Authority වැනි ජාත්‍යන්තර විශ්ව විද්‍යාල හා ආයතන සමඟ ශක්තිමත් සගයෝගීතාවන්ද පවත්වා ගනී. ඒ සියල්ල හරහා සිසුන්ගේ අධ්‍යාපන සිහිනයට ඉඩහරින Imperial College, එම සිහිනය විශ්වාස කර, එය සැබෑවක් කරගැනීම සඳහා වන පරිවර්තනය සිසුන් තුළ ඇතිකිරීමේ පොරොන්දුව දිගින් දිගටම සුරකියි.
The post Imperial College, විශ්වවිද්‍යාල ක්‍රීඩා උද්යෝගය දල්වමින්, ‘BLAZE’ ක්‍රීඩා උළෙල පවත්වයි appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka