ශ්‍රී ලංකාව විසින් ලබා ගැනීමට අපේක්ෂිත ජාත්‍යන්තර මූල්‍ය අරමුදලේ (IMF) විස්තීර්ණ ණය පහසුකම (IMF-supported EFF program) සම්බන්ධයෙන් සාකච්ඡා කිරීම සඳහා එළඹෙන මාර්තු 20 වැනිදා ජාත්‍යන්තර මූල්‍ය අරමුදලේ විධායක මණ්ඩලයේ හමුවක් පැවැත්වෙනු ඇත.
ඉන් අනතුරුව මෙම විධායක මණ්ඩල සාකච්ඡාව පිළිබඳ දැනුම් දීම සඳහා මාධ්‍ය හමුවක් පැවැත්වීමට සංවිධානය කර තිබේ.
එම මාධ්‍ය හමුව එක්සත් ජනපද වේලාවෙන් සඳුදා පස්වරුවේ පැවැත්වෙනු ඇත. එනම් ශ්‍රී ලංකා වේලාවට අනුව ඊට පසු දා, 21 වැනි අඟහරුවාදා උදෑසනයි.
මෙම මාධ්‍ය හමුව සඳහා ජාත්‍යන්තර මූල්‍ය අරමුදලේ ජ්‍යෙෂ්ඨ දූත මණ්ඩල ප්‍රධානී පීටර් බෲවර් (Peter Breuer) සහ ජාත්‍යන්තර මූල්‍ය අරමුදලේ ශ්‍රී ලංකා දූත මණ්ඩල ප්‍රධානී Masahiro Nozaki එක්වන බව ජාත්‍යන්තර මූල්‍ය අරමුදල වැඩිදුරටත් දැනුම් දී සිටී.
The post IMF තීරණය 21දා උදෙන්ම appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka