FinnFund, NorFund සහ MunichRe විසින් සොෆ්ට්ලොජික් ලයිෆ් හි ඇමරිකානු ඩොලර් මිලියන 30ක් (රු. බිලියන 5.6) ආයෝජනය කරයි

ශ්‍රී ලංකාවේ වේගයෙන්ම වර්ධනය වන ජීවිත රක්ෂණ සමාගම වන සොෆ්ට්ලොජික් ලයිෆ්, සංවර්ධන මූල්‍ය ආයතන සමඟ එනම් කර්මාන්ත සඳහා මූල්‍ය පහසුකම් සපයන ෆින්ලන්තයේ අරමුදලක් වන FinnFund සහ සංවර්ධනය වන රටවල් සඳහා අරමුදල් ලබා දෙන නෝර්වේජියානු ආයෝජන අරමුදලක් වන NorFund සන්ධිස්ථානමය ගිවිසුමක් අත්සන් කළ බව නිවේදනය කරයි.

ඒ අනුව ෆින්ලන්ත අරමුදල වන FinnFund සහ නෝර්වේජියානු අරමුදල වන NorFund සොෆ්ට්ලොජික් සමාගම සමඟ 2020 අගෝස්තු 24 වන දින ඇමරිකානු ඩොලර් මිලියන 15ක Tier II ණය ගනුදෙනුවක් සඳහා ගිවිසුම් අත්සන් කළ අතර එමඟින් සමාගමේ ව්‍යාපාර අරමුණු තවදුරටත් සංවර්ධනය කිරීමට එය යොදා ගනු ඇත. NorFund සහ FinnFund යනු පිළිවෙලින් නෝර්වේ සහ ෆින්ලන්ත රජයන් විසින් සහ පුද්ගලික ප‍්‍රාග්ධන වෙළෙඳපොළවල් මගින් අරමුදල් සපයනු ලබන සමාගම් වන අතර ලොව පුරා වගකිව යුතු සහ ලාභදායී ව්‍යාපාරවල සංවර්ධනය සඳහා අරමුදල් සැපයීම ඒවායේ අරමුණ වේ. මෙම ගනුදෙනු තවත් විශේෂ වන්නේ මුළු ලෝකයටම බලපා ඇති කොවිඞ්-19 මධ්‍යයේ ඒවා සිදු වීමයි.

සොෆ්ට්ලොජික් ලයිෆ් 2020 මාර්තු මාසයේදී ලෝකයේ ඉහළම ප‍්‍රතිරක්ෂණ, ප‍්‍රාථමික රක්ෂණ හා රක්ෂණය ආශ‍්‍රිත අවදානමට  විසඳුම් සපයන සැපයුම් ආයතනයන්ගෙන් එකක් වන Münchener Rückversicherungs-Gesellschaft – MunichRe සමඟ ඇ. ඩො. මිලියන 15ක ගනුදෙනුවක් සිදු කරන ලදී. සොෆ්ට්ලොජික් ලයිෆ් ආයතනය සතු ඉහල මට්ටමේ ගුණාත්මක නිෂ්පාදන කළඹ සලකා බලා සිදු කරන ලද මෙම ගනුදෙනුව දකුණු ආසියාවේ ප‍්‍රතිරක්ෂණ ක්ෂේත‍්‍රයේ නවොත්පාදන මෙන්ම ප‍්‍රමුඛ පෙළේ ගනුදෙනුවක් ලෙස සැලකේ.

ශ්‍රී ලංකාවේ තුන්වන විශාලතම ජීවිත රක්ෂණ සමාගම වන සොෆ්ට්ලොජික් ලයිෆ් ජීවිත රක්ෂණ සමාගම මෙම සුවිශේෂී ගනුදෙනු හරහා එම සමාගමට මෙන්ම මෙරට සමස්ත ජීවිත රක්ෂණ ක්ෂේත‍්‍රයේ ව්‍යාප්තිය හා දියුණුව සඳහා විශිෂ්ට බලාපොරොත්තු තව තවත් උද්දීපනය කරයි. 2020 මාර්තු 31 වන විට සමාගමේ වේගවත් වර්ධනය ජීවිත රක්ෂණ වෙළෙඳපොළේ 16.2%ක කොටසක් හිමි කර ගෙන ඇති අතර පසුගිය වසර පහ තුළ වෙළෙඳපොළ කොටස දෙගුණ කර ගනිමින් ජීවිත මිලියනයකට වඩා ආවරණය කර ඇත. 2019 දී ජීවිත රක්ෂණ ක්ෂේත‍්‍රයේ 11%ක වර්ධනයට සාපේක්ෂව සමාගම 25%ක වර්ධනයක් පෙන්නුම් කරමින් ජීවිත රක්ෂණ ඔප්පු 247,755 ක් නිකුත් කර ඇති අතර එය රක්ෂණ වෙළෙඳපොළෙහි 33%ක් වන ඉහළම රක්ෂණ ඔප්පු අලෙවි කිරීම ලෙස වාර්තා විය.

‘’FinnFund, NorFund, සහ MunichRe යන මෙම ආයෝජනයන් සොෆ්ට්ලොජික් ලයිෆ් රක්ෂණ සමාගම ශ්‍රී ලංකාවේ ජීවිත රක්ෂණ ක්ෂේත‍්‍රයේ ප‍්‍රබල ව්‍යාපාරයක් බවට පත් කිරීම සඳහා අප විසින් කර ඇති කැපවීමේ සාක්ෂියක් වගේම අප සුවිශේෂ දෙයක් සිදු කර ඇති බවට ලැබුණු සහතිකයක් ලෙස සිතීමට අප කැමතියි,’’ යනුවෙන් සොෆ්ට්ලොජික් ලයිෆ් සමාගමේ, සභාපති, අශෝක් පතිරගේ මහතා පැවසුවේය. අන්තර්ජාතික විශේෂඥ දැනුම උපයෝගී කරගනිමින් අපගේ මෙහෙයුම් සංවර්ධනය කිරීමට අප සෑම විටම උනන්දු වන අතර සමාගමේ කොටස් හිමියන් වන Leapfrog Investments සමඟ අපගේ ව්‍යාපාරික හැකියාවන් තවදුරටත් වැඩිදියුණු කිරීම සඳහා ව්‍යාපාරික අවස්ථාවන් අඛණ්ඩව තක්සේරු කරමින් සිටිනවා. ශ්‍රී ලංකාවේ ජීවිත රක්ෂණ ව්‍යාප්තියේ අවමභාවය ඉතා සුවිශාල අවස්ථාවක් බව අප ඉතාමත් දැඩිව විශ්වාස කරන අතර ඒ හරහා ශ්‍රී ලංකාවේ සංවර්ධනයට දැක්විය හැකි දායකත්වය පිළිබඳව අපට ඉහල අපේක්ෂාවන් තිබෙනවා. ඒවගේම, 2019 දී රක්ෂණ වෙළෙඳපොළේ විකුණනු ලැබූ සෑම රක්ෂණ ඔප්පු තුනෙන් එකක්ම සිදු කරන ලද්දේ සොෆ්ට්ලොජික් ලයිෆ් බව පවසන්නේ ආඩම්බරයෙන්. එය අප ආවරණය කරන පාරිභෝගික පිරිස හා අපගේ නිෂ්පාදන විවිධාංගීකරණය පිළිබඳ පැහැදිලි සාක්ෂියක්.’’ බව ඔහු වැඩිදුරටත් පැවසුවේය.

මෙම ආයෝජනය ශ්‍රී ලංකාවේ රක්ෂණ ක්ෂේත‍්‍රය සඳහා NorFund සහ FinnFund වෙතින් සිදු කරන පළමු ආයෝජනවලින් එකක් වන අතර මෙයින් ඔවුන් අපේක්ෂා කරනුයේ ආසියාවේ අනෙකුත් සංවර්ධනය වෙමින් පවතින වෙළෙඳපොළවල් මෙන්ම සොෆ්ට්ලොජික් ලයිෆ් වැනි තිරසාර ව්‍යාපාරවල ප‍්‍රාග්ධනය පුළුල් කිරීමයිx

‘‘ක්ෂුද්‍ර ව්‍යාපාර මූල්‍ය ආයතනයන්ට ප‍්‍රවේශය අවහිර වූ පුද්ගලයින්ට ප‍්‍රාග්ධනය හා මූල්‍ය පහසුකම් සැපයීමේ හැකියාව ශක්තිමත් කිරීම සඳහා NorFund සහ FinnFund ආසියාවේ මූල්‍ය ආයතන සමඟ සහයෝගයෙන් කටයුතු කරන අතර ආයෝජනය ද සිදු කරයි. තිරසාර සංවර්ධනය හා සමගාමීව මෙහෙයවන දේශීය ව්‍යාපාරවල ආයෝජනය කිරීමෙන් රැුකියා උත්පාදනය හා ජීවිත නගා සිටුවීම යන අපගේ අරමුණට සොෆ්ට්ලොජික් ලයිෆ් ද මනාව ගැලපෙනවා,’’ යනුවෙන් NorFund හි ආසියානු කලාපීය අධ්‍යක්ෂ, Fay Chetnakarnkul පැවසුවේය.

‘‘සොෆ්ට්ලොජික් ලයිෆ් හි කළමනාකරණ කණ්ඩායම වසර ගණනාවක් තිස්සේ සාර්ථක ප‍්‍රතිඵල ලබා ගෙන ඇති අතර මෙම එක් වීම තුළින් එහි වර්ධන ගමන්මගට අඛණ්ඩව දායකත්වය ලබා දීමට අප බලාපොරොත්තු වනවා. ඔවුන් සමඟ මෙම එක් වීම අප අගය කරන අතර මෙම අයෝජනය ආර්ථික වර්ධනයට හා ශ්‍රී ලංකාවේ මූල්‍යමය දායකත්වය ඉහළ නැංවීමට ඉවහල් වනු ඇතැයි අප බලාපොරොත්තු වනවා,’’ FinnFund හි ආයෝජන කළමනාකරු, Ulla-Maija Rantapuska, පැවසුවේය.

‘‘සොෆ්ට්ලොජික් ලයිෆ් සමඟ පවතින වසර 15කට වැඩි දිගුකාලීන සම්බන්ධතාව පිළිබඳව MunichRe සමාගම වන අප සතුටු වන අතර ඒ හරහා නිෂ්පාදන මුලපිරීම් ගණනාවක්ම හඳුන්වා දීමට අපට පුළුවන් වුනා. එම බැඳීම ද මෙම හවුල්කාරීත්වයට හේතුවක් වනවා. මෙම මූල්‍ය ප‍්‍රතිරක්ෂණ ගනුදෙනුව ව්‍යාපාරික සබඳතාවල ඉදිරි පරම්පරාව නියෝජනය කරන අතර එම අනාගතයේ කොටස්කරුවකු වීමට ලැබීම ගැන අප ඉමහත් ලෙසින් සතුටු වන බව,’’ MunichRe හි ඉන්දියානු ශාඛාවේ ජීවිත හා සෞඛ්‍ය පිළිබඳ කළමනාකාර අධ්‍යක්ෂ, ශ්‍රීනිවාස රා ඕ පැවසුවේය.

ජීවිත රක්ෂණයේ නවෝත්පාදකයෙකු වන සොෆ්ට්ලොජික් ලයිෆ් මෑතකදී ෆෝබ්ස් ඒෂියා සඟරාවේ ‘Asia’s ‘Best Under A Billion 2019’යන ලැයිස්තුවේ ශ්‍රේණිගත විය. එය ස්ථාවර ආදායම් හා ලාභ වර්ධනයක් පෙන්නුම් කරන ඇමරිකා ඩොලර් බිලියන 1ට වඩා අඩු ආදායමක් සහිත ආසියාවේ ඉහළම කාර්යසාධනයක් සහිත ලැයිස්තුගත සමාගම් 200ක් ඇතුලත් වන ව්‍යාපාර ශ්‍රේණිගත කිරීමකි. මෙම ශ්‍රේණිගත කිරීමට ඇතුලත් එකම ශ්‍රී ලාංකික සමාගම සොෆ්ට්ලොජික් ලයිෆ් වන අතර එම ශ්‍රෙිණිගත කිරීමට ඇතුලත් වූ ආසියාවේ රක්ෂණ සමාගම් දෙක අතරින් එකක් වූයේ ද සොෆ්ට්ලොජික් ලයිෆ් ය.

The post FinnFund, NorFund සහ MunichRe විසින් සොෆ්ට්ලොජික් ලයිෆ් හි ඇමරිකානු ඩොලර් මිලියන 30ක් (රු. බිලියන 5.6) ආයෝජනය කරයි appeared first on Adaderana Biz Sinhala | Sri Lanka Business News.

Source From biz.adaderana
Author: Biz Editor
#SriLanka #News #lka