DIMO හි ප්‍රධාන අංශ දහය වන කෘෂිකර්ම, ගොඩනැගිලි සේවා, ඉදිකිරීම්, ඩිජිටල්, අධ්‍යාපන, සෞඛ්‍ය සේවා, නිවාස සහ ගෙවතු, කාර්මික විසඳුම්, සංචලන, බලශක්ති සහ ජල කළමනාකරණ විසඳුම් පිළිබඳ තොරතුරු මෙම වෙබ් අඩවිය මගින් ලබා ගත හැක.
වෙබ් අඩවියේ ප්‍රධාන ලක්ෂණ ලෙස පහසුවෙන් තොරතුරු ලබා ගැනීමේ හැකියාව, ඕනෑම පරිගණකයකින් හෝ SMART ජංගම දුරකථනයකින් පහසුවෙන් ප්‍රවේශවීමේ හැකියාව, DIMO සහ එහි සේවාවන් පිළිබඳ සවිස්තරාත්මක තොරතුරු දැනගැනීමේ හැකියාව, DIMO පුවත් පත්‍රිකා සඳහා ප්‍රවේශය, ජීව දත්ත පත්‍රිකා ඉදිරිපත් කිරීමේ හැකියාව සහ විමසීම් කිරීමේ හැකියාව දැක්විය හැකිය.
මෙම වෙබ් අඩවිය DIMO හි සංස්කෘතිය සහ වටිනාකම් මනා ලෙස පිළිබිඹු කරයි. තිරසාරභාවය සහ ආයෝජක සබඳතා අංශයන්ට පිවිසීම තුළින් ආයෝජකයින්ට සහ ව්‍යාපාරික හවුල්කරුවන්ට ව්‍යාපෘති සහ වාර්තා පිළිබඳ යාවත්කාලීන තොරතුරු ලබා ගත හැක.
DIMO හි ආයතනික සන්නිවේදන සාමාන්‍යාධිකාරී යොහාන් තිලකරත්න මහතා මෙසේ සිය අදහස් දැක්වීය “භාවිතයට පහසු, ආකර්ෂණීය නව වෙබ් අඩවියක් තුළින් සමස්ත පාරිභෝගික අත්දැකීම වැඩි දියුණු කිරීමට හැකියාව ලැබෙනවා. නව වෙබ් අඩවිය තුළින් රැස්කර ගන්නා දත්ත විශ්ලේෂණය හරහා පාරිභෝගිකයන්ගේ අවශ්‍යතාවයන්ට සරිලන පරිදි අපගේ නිෂ්පාදන පිරිනැමීම අපට සිදු කළ හැකියි.”
“මෙම නව වෙබ් අඩවිය තුළින් DIMO අපගේ ආයතනික පොරොන්දුව වන පාරිභෝගිකයන්ට “පරිපූර්ණ සහකරුවකු” වීමේ අරමුණ තවදුරටත් ශක්තිමත් කරයි. එසේම මේ තුළින් ප්‍රජාවගේ සිහින සහ අභිලාෂයන් බලගැන්වීමේ අපගේ ආයතනික අරමුණ වඩාත් ඵලදායී ආකාරයෙන් ඉටු කිරීමට අපට හැකියාව ලැබෙනු ඇත.” ඔහු වැඩිදුරටත් පැවසීය.
මෙම නව වෙබ් අඩවිය එළිදැක්වීම, දිනෙන් දින වැඩිදියුණු වන ඩිජිටල් ලෝකය තුළ DIMO ගන්නා ලද සුවිශේෂී පියවරකි. එහි නවීන සැලසුම සහ අනෙකුත් විශේෂාංග සමාගම් තොරතුරු වෙත පහසුවෙන් ප්‍රවේශවීමේ හැකියාව ලබා දෙයි.
නිර්මාණාත්මක සේවා, තාක්ෂණික නවෝත්පාදන සහ ඩිජිටල් අලෙවිකරණ විසඳුම් ගෙන එන ප්‍රමුඛ පෙළේ ඒකාබද්ධ ආයතනයක් වන Antyra Solutions විසින් වෙබ් අඩවිය නිර්මාණය කරන ලදී.
The post DIMO නව මුහුණුවරකින් සිය වෙබ් අඩවිය එළිදක්වයි appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka