BreadTalk වැසීමේ තීරණය වෙනස්වෙයි. නව ආයෝජකයෙකුගෙන් කොළ එළියක්

FoodBuzz (පුද්) සමාගමේ අධ්‍යක්ෂ මණ්ඩලය විසින් මෙරට ක්‍රියාත්මක සිය BreadTalk අවන්හල් ජාලය තාවකාලිකව වසා දැමීමට තීරණය කළ බව පසුගිය මාර්තු 16 දින නිවේදනය කර සිටියේය. FoodBuzz (පුද්) සමාගම යනු මෙරට ලැයිස්තුගත සමාගමක් වන RIL ෙප්‍රාපර්ටීස් පීඒල්සී හි පුර්ණ අනුබද්ධිත සමාගමකි.

කෙසේවෙතත් මේ සම්බන්ධයෙන් නිවේදනයක් නිකුත් කරමින් RIL ෙප්‍රාපර්ටීස් පීඒල්සී හි ප්‍රධාන විධායක/ විධායක අධ්‍යක්ෂ එල්.කේ.ඒ.එච්. ප්‍රනාන්දු විසින් කොළඹ කොටස් වෙළෙඳපොළ වෙත දැනුම් දී සිටින්නේ එම පියවර ක්‍රියාත්මක නොකිරීමට තීරණය කර ඇති බවයි.

FoodBuzz (පුද්) සමාගමේ 100% ක කොටස් හිමිකාරීත්වය අත්පත් කර ගැනීමට උනන්දුවක් දක්වන ආයෝජකයෙකු සමඟ RIL ෙප්‍රාපර්ටීස් මේ වන විට සාකච්ඡා පවත්වන බව එම නිවේදනයේ වැඩිදුරටත් සඳහන් වේ.

මෙම නිවේදනය නිකුත් කරන දින වන විට මෙම ව්‍යාපාරික විකිණීම සම්බන්ධයෙන් කිසිදු ගිවිසුමක් අත්සන් කර නොමැති බවත් නිශ්චිත ගනුදෙනුවක් සිදුවන බවට සහතිකයක් නොමැති බවත් RIL ෙප්‍රාපර්ටීස් වැඩිදුරටත් කියා සිටී.

 

 

The post BreadTalk වැසීමේ තීරණය වෙනස්වෙයි. නව ආයෝජකයෙකුගෙන් කොළ එළියක් appeared first on Adaderana Biz Sinhala | Sri Lanka Business News.