AIA ඉන්ෂුවරන්ස් ලංකා සමාගම ප්‍රමුඛතම මාර්ගගත සුවතා විසදුම් සපයන්නෙකු වන Fitzky සමගින් සහයෝගීතාවයකට එලඹී ඇති අතර, සේවාලාභීන්හට දැන්, ආරක්ෂාකාරීව සහ පහසුවෙන් සිය නිවසේ සිටම නොමිලේ මාර්ගගත සුවතා පන්තිවලට සහභාගී වීමේ හැකියාව ඇත. සියළුම AIA සේවාලාභීන්හට, සෑම මාසයකදී ම ශ්‍රී ලංකාවේ ඉහළ පෙළේ සුවතා පුහුණුකරුවන් විසින් පවත්වන මාර්ගගත සුවතා පන්ති 12කට නොමිලේ සහභාගී වීමේ අවස්ථාව ලබා දී ඇත. එම පුහුණුකරුවන්ගේ මගපෙන්වීම යටතේ වීඩියෝ තාක්ෂණය ඔස්සේ Zumba, Yoga, HIIT, Cardio වැනි විවිධ සුවතා පුහුණු පන්ති රාශියක් අතරින් තෝරා ගැනීමට ඔවුනට අවස්ථාව ඇත. මෙම නොමිලේ ලබාදෙන සුවතා පන්ති හදුන්වා දීමත් සමගින් AIA ඉන්ෂුවරන්ස් ලංකා සමාගමට, ජනතාවගේ සෞඛ්‍ය සහ සුවතා ඉලක්ක සාක්ෂාත් කරගැනීම සඳහා ගුණාත්මක වෙනසක් ඇතිකරලීමට අවස්ථාව ලැබී ඇත.
AIA ඉන්ෂුවරන්ස් ලංකා හී ප්‍රධාන විධායක නිලධාරී නිඛිල් අද්වානී සිය අදහස් ප්‍රකාශ කරමින් කියා සිටියේ “ශ්‍රී ලංකාවේ හොඳම ජීවිත රක්ෂණ සමාගම වශයෙන් (ග්ලෝබල් බෑන්කින් සහ ෆිනෑන්ස් රිවිව් වෙතින් පිරිනමන ලදී) අපගේ සේවාලාභීන්හට හොඳම සෞඛ්‍ය සහ සුවතා විසදුම් ලබා දීමට නිරතුරුව අප කැපවී කටයුතු කරනවා. COVID-19 වසංගත තත්ත්වය තවමත් පහව ගොස් නොමැති වටපිටාවක් තුළ අපගේ සේවාලාභීන්ගේ සුභ සිද්ධිය පිළිබඳව සැළකීමෙන් සිටීමට අප සැමවිටම කටයුතු කරමින් සිටිනවා. එනිසාමයි අපි Fitzky සමගින් එක්ව රක්ෂණ ක්ෂේත්‍රය වෙත මෙම නවමු අත්දැකීම එළිදක්වමින් සේවාලාභීන් වෙත ඔවුන්ගේ නිවසේ ආරක්ෂාකාරීව සහ සුවපහසුව සිටිමින් සහභාගී වියහැකි මාර්ගගත සුවතා සැසි නොමිලේ ලබා දීමට තීරණය කළේ. ජනතාවට සුවපත්, සැපවත් දිගුකල් ජීවිතයක් අත්කර ගැනීමට සහාය වීමට කැපව කටයුතු කරන සමාගමක් ලෙස, ‘ඔබ වියෝ වූ කල-අප ඔබට ගෙවන්නම්’ යන මෙරට රක්ෂණය පිළිබඳව තිබූ යල්පැන ගිය අදහස වෙනස් කරමින් රක්ෂණයේ නවතම මුහුණුවර වන ‘ජීවිතය – ජීවත්කරවීමට සහය වීම’ යන අදහස හා සමගින් වඩාත් ගැලපෙන ආකාරයේ වැඩසටහනකට අපගේ මෙම සුවතා විසදුම කදිම නිදසුනක් ලෙස දැක්විය හැකියි.”.
AIA ඉන්ෂුවරන්ස් හී සහකාර සාමාන්‍යාධිකාරී ශේවන්ති ද අල්විස් අදහස් දක්වමින් “අප, අපගේ සහයෝගිතා සහකරුවන් සමගින් අප ජීවත්වන වර්තමාන ලෝකයට වඩාත් ගැලපෙන ආකාරයේ රක්ෂණයේ නව මානයන් සොයා යාමට නිරතුරු උත්සාහ ගනිමින් සිටිනවා. අපගේ මෙම සෞඛ්‍ය සහ සුවතා විසදුම් මෙරට රක්ෂණ ක්ෂේත්‍රය වෙත නවමු අත්දැකීමක් එක්කර ඇති අතර සමාගම් සිය ව්‍යාපාර කරගෙන යන ආකාරයේ පරිණාමිත වෙනසක් කිරීමට ද සමත් වී තිබෙනවා”.
ඇය තවදුරටත් කියා සිටියේ ” පර්යේෂණ මගින් ඔප්පු වී ඇත්තේ ශ්‍රී ලාංකික ජනතාව සෞඛ්‍ය සම්පන්න ජීවන රටාවක වැදගත්කම පිළිබඳව හොදින් දැනුවත් වවුද ඒ වෙනුවෙන් ක්‍රියාත්මක වීමට පසුබට වන බවයි. වසංගතය සමගින් මෙම තත්ත්වය තවත් බැරෑරුම් වී ඇති බව ද ඇය පවසයි. AIA ඉන්ෂුවරන්ස් විසින් නොමිලේම එමෙන්ම පහසුවෙන් ළඟාකරගත හැකි සුවතා විසදුමක් ලබා දෙමින් සේවාලාභීන්හට සෞඛ්‍ය සම්පන්න ජීවන රටාවක ඇති වැදගත්කම ඔවුනගේ මතකයට නගාලීමට කටයුතු කරයි. ශ්‍රී ලංකාවේ පුරෝගාමී ටෙලිමෙඩිසින් සමාගමක් වන oDoc සමගින් වසංගතයට ප්‍රථම සහයෝගීතාවයකට එළඹිමට අප කටයුතු කළා. ඒ ඔස්සේ ශ්‍රී ලංකා වෛද්‍ය කවුන්සිලයේ ලියාපදිංචි සුවතා විශේෂඥයින් හා නොමිලේ සම්බන්ද වීමට අපගේ සේවාලාභීන්ට අවකාශය ලබා දී තිබෙනවා. එමෙන්ම දැන් අපි Fitzky සමගින් සහයෝගීතාවයකට එළඹීමෙන් සේවාලාභීන්හට අසමසම සුවතා අත්දැකීමක් ලබාගැනීමට ද අවස්ථාව ලබා දී තිබෙන අතර තවදුරටත් ඔවුනට සෞඛ්‍ය සම්පන්න ජීවන රටාවක් පවත්වාගෙන යාමට තවතවත් අවස්ථා ලබා දීමටත් අප බලාපොරොත්තු වෙනවා”.
Fitzky හි නිර්මාතෘ සහ ප්‍රධාන විධායක නිලධාරී ෂෙහාන් අධිකාරී අදහස් දක්වමින්, AIA වැනි විශිෂ්ට සමාගමක් සමගින් සහයෝගීතාවයකට එළෙඹෙමින් සේවාලාභී සුභසිද්ධිය වෙනුවෙන් ඔවුනගේ නිවෙස් වෙතට සුවතාවය රැකගෙන යාමට හැකිවීම අපට මහත් ගෞරවයක්. අපගේ අපේක්ෂාව වන්නේ සුවතාවය සෑම ශ්‍රී ලාංකිකයෙකුටම දැරිය හැකි මුදලකට ලබාගෙන නිවසේ සිටම අත්විඳිය හැකිවන ආකාරයේ පරිසරයක් ඇති කිරීම වන අතර මෙය සුවපත්, සැපවත් දිගුකල් ජීවිතයක් අත්කර ගැනීම සඳහා ජනතාවට සහය වීම යන AIA හී සන්නාම ප්‍රතිඥාව සමගින් බොහෝ දුරට ගැලපෙන බව මා විශ්වාස කරනවා. මෙම සහයෝගීතාවය මා දකින්නේ අපගේ සමාගමේ ගමන්මග තුල අප තැබූ දැවැන්ත පියවරක් ලෙසයි. ඒ වගේම තවදුරටත් AIA ඉන්ෂුවරන්ස් ලංකා සමාගම සමගින් අත්වැල් බැඳගනිමින් ශ්‍රී ලංකාව වඩාත් සෞඛ්‍ය සම්පන්න ජාතියක් බවට පරිවර්තනය කිරීමට අපි බලාපොරොත්තු වෙනවා”.
වැඩි විස්තර සඳහා 0112 310 310 ඔස්සේ AIA ඉන්ෂුවරන්ස් හෝ 077 444 0121 ඔස්සේ Fitzky අමතන්න.
The post AIA ඉන්ෂුවරන්ස්, Fitzky සමගින් සිය සේවාලාභීන්හට මාර්ගගත ක්‍රමයට සුවතා පන්ති නොමිලේ ලබා දෙයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka