ශ්‍රී ලංකාවේ වේගයෙන්ම වර්ධනය වන ජීවිත රක්ෂණ සමාගම වන සොෆ්ට්ලොජික් ලයිෆ් හි ප‍්‍රාදේශීය කළමනාකරුවෙකු වන ළහිරු මදුරංග, මහතා Asian Insurance Review සඟරාව මඟින් සංවිධානය කළ පස්වන 2020 Asia Trusted Life Agents and Advisers සම්මාන උළෙලේ ’Rookie Insurance Agency Leader of the Year’ සම්මානය දිනා ගැනීමට සමත් වී ඇත. තම ආයතනයේ තරුණ නායකයකු ලෙස වූ ළහිරුගේ ආදර්ශමත් භූමිකාව ඔහුට ආසියාවේ රටවල් 12ක තරඟකරුවන් 250ක් අතරින් මෙසේ සම්මානයට පාත‍්‍ර වීමට උපකාර විය.
Asia Trusted Life Agents and Advisers සම්මාන උළෙල යනු ස්වාධීන විගණන විනිශ්චය ක‍්‍රියාවලියක් තුළින් මූල්‍ය උපදේශනයේ විශිෂ්ටතම දේවල් ඇගයීමට ලක් කරන කලාපයේ කීර්තිමත්ම සම්මාන උළෙලයි. මෙම වැඩසටහන Asian Insurance Review සඟරාව සහ සම සංවිධායකයින් ලෙස Asia Advisors Network හා LIMRA විසින් සංවිධානය කරනු ලබන අතර එයට ක්ෂේත‍්‍රයේ සිටින ප‍්‍රමුඛ ජීවිත රක්ෂණ සමාගම්වල හා සංවිධානවල ශක්තිමත් සහයෝගය ලැබේ. මෙම සම්මාන ඉතා ඉහළ වටිනාකමක් ඇති ජයග‍්‍රහණ වන අතර එය ඉතාමත්ම තරඟකාරී ආසියානු රක්ෂණ ක්ෂේත‍්‍රයේ තම හැකියාවන්, සුදුසුකම් පෙන්වන ඉහළ අනන්‍යතාවයන්ය.
Rookie Insurance Agency Leader of the Year සම්මානය පිරිනමනු ලබන්නේ විශිෂ්ට කාර්ය සාධන වාර්තාවක් හිමි, විශේෂඳ දැනුම, සේවාදායකයින්ගේ අවශ්‍යතාවන්ට මුල් තැන දෙන සහ රක්ෂණ ක්ෂේත‍්‍රයට සිදු කරන සේවය යන ගුණාංගවලින් යුතු මූල්‍ය උපදේශවරයෙකුටය. මේ වසරේදී, වෙළෙඳපොළ 11ක් ඇසුරින් අවසන් තරඟකරුවන් 62ක් ප‍්‍රධාන විධායක නිළධාරීන්, ජ්‍යෙෂ්ඨ විධායකයින් සහ ක්ෂේත‍්‍රයේ නායකයින්ගෙන් යුත් සාමාජිකයින් 30දෙනකුගෙන් සමන්විත කීර්තිමත් විනිශ්චය මණ්ඩලයක් විසින් තෝරා ගන්නා ලදී.
2017 සිට සොෆ්ට්ලොජික් ලයිෆ් හි කණ්ඩායම් නායකයකු වන ළහිරු, සාමාජිකයින් 50කට වැඩි අලෙවි කණ්ඩායමකට නායකත්වය ලබා දෙයි. ඔහු 2019 වසර සඳහා රුපියල් මිලියන 98.6ක Annualized New Business Premium (ANBP) අගයක් වාර්තා කිරීමට තම කණ්ඩායම සාමූහිකව මෙහෙය වූ අතර එය, එම වසරේ අභියෝගාත්මක ආර්ථික වාතාවරණය නොතකා සමාගමේ සහ රක්ෂණ ක්ෂේත‍්‍රයේ වාර්තා වූ ඉහළම කණ්ඩායම් ANBP අගය වේ.
ළහිරුගේ ජයග‍්‍රහණ ගොන්නට සොෆ්ට්ලොජික් ලයිෆ් හි වාර්ෂික සම්මාන උළෙලේදී ලබා ගත් ඉහළම පිළිගැනීම් රාශිය ද ඇතුළත් වේ. ඔහු LIMRA කළමනාකරණ සම්මානයෙන් පිදුම් ලබා ඇති අතර ජීවිත රක්ෂණ උපදේශකයින් සඳහා වූ ජාතික සංසදයේදී (National Forum for Life Insurance Advisors) ද ඇගයීමට ලක් විය. ළහිරු ක‍්‍රියාකාරී MDRT සාමාජිකයෙකු ද වේ. ඔහු 2019 දී MDRT Life සාමාජිකත්වය ලබා ඇති අතර අඛණ්ඩව සිව් වරක් Court of the Table (COT) යන කීර්තිමත් සාමාජිකත්වය ද ලබා ගෙන ඇත.
‘‘සේවකයින්ගේ වෘත්තිය සංවර්ධනය සහ සමස්ත යහපැවැත්ම සඳහා විශාල වශයෙන් ආයෝජනය කිරීම යන කරුණු ඔවුන්ගේ රැකියා සඳහා ගෙවීම් සිදු කිරීම හා රැකියාවේදී ඔවුන් ලබන ජයග‍්‍රහණ ඇගයීම තරමටම අතිශයින්ම වැදගත් වෙනවා. ළහිරු අන්තර්ජාතික මට්ටමින් පිළිගැනීමට ලක් වීම සේවා විශිෂ්ටත්වය සඳහා උගත්, අධිෂ්ඨානශීලී හා විනයගරුක ශ‍්‍රම බලකායක් සිටිය යුතු ආකාරය පිළිබඳ පැහැදිලි පිළිබිඹුවක් ලෙස මම ආඩම්බරයෙන් සඳහන් කරන්න කැමතියි. ඔහු හා සමස්ත සොෆ්ට්ලොජික් කණ්ඩායම වසර ගණනාවක් තිස්සේ කර ඇති උත්සාහය සහ දැඩි කැපවීම ද මෙයින් පෙන්නුම් කරනවා සේම 2019 දී ඇති වූ නොසිතූ විරූ ආර්ථික අභියෝග හමුවේ සහ විශේෂයෙන්ම මෙවැනි අභියෝගාත්මක කාලවලදී ධෛර්යමත්ව ඉදිරියට ගිය ආකාරය ද පෙන්නුම් කරනවා,’’ යනුවෙන් සොෆ්ට්ලොජික් ලයිෆ් විධායක අධ්‍යක්ෂ, චූලා හෙට්ටිආරච්චි මහතා පැවසුවේය.
තම ජයග‍්‍රහණය පිළිබඳව අදහස් දක්වමින් ළහිරු මදුරංග ‘‘විශේෂයෙන්ම වර්තමාන කාල පරිච්ෙඡ්දය තුළ මෙවැනි තීරණාත්මක අන්තර්ජාතික සම්මාන උළෙලකදී ඇගයීමට ලක් වීම ඇත්තෙන්ම ගෞරවයක්. අපගේ වර්ධනය වන පාරිභෝගික පිරිසට ජාත්‍යන්තර ප‍්‍රමිතීන් ඉක්ම වූ සේවා විශිෂ්ටත්වයක් ලබා දීමට සොෆ්ට්ලොජික් ලයිෆ් හිදී අපව නිරන්තරයෙන් ධෛර්යමත් කරනවා. දැන් අන් කවරදාටත් වඩා, අප කණ්ඩායමක් වශයෙන් එකිනෙකාට උදව් කරමින්, මෙම දුෂ්කර කාලයේදී අපගේ සියලූම පාරිභෝගිකයින්ට ඉහළම සේවාවක් ලබා දීමට කැපවීම අත්‍යාවශ්‍ය සාධකයක් වී තිබෙනවා.’’ යනුවෙන් පැවසුවේය.
රුපියල් බිලියන 12.5 දළ වාරික ආදායමක් (GWP) අත්පත් කර ගත් වේගවත්ම ජීවිත රක්‍ෂකයා බවට සොෆ්ට්ලොජික් ලයිෆ් පත් වූ අතර වර්තමානයේදී අවුරුදු දෙකක් වැනි කෙටි කාලයක් තුළ වැඩිම MDRT සාමාජිකයින් සංඛ්‍යාවක් බිහිකළ සමාගම ද වෙයි. මෙම සැලකියයුතු වර්ධනයෙන් පෙන්නුම් කරන්නේ සොෆ්ට්ලොජික් ලයිෆ් හි අලෙවි කණ්ඩායමේ ඉහළ දක්‍ෂතාවය හා කැපවීම පමණක්ම නොව සමාගමේ අලෙවි බලකායේ හා ඔවුන්ගේ සේවාවන් හි ඇති උසස් වෘත්තීයමයභාවය සොෆ්ට්ලොජික් ලයිෆ් විශිෂ්ටත්වය කරා රැුගෙන යන බවයි.
නවෝත්පාදනයන්, සමාන අවස්ථා, කාර්ය සාධනය කෙරෙහි යොමු වූ මානසිකත්වය හා වඩාත් වැදගත්ම කරුණක් වන පාරිභෝගික අවශ්‍යතාවන්ට මුල් තැන දීම මෙන්ම සමාගමක වටිනාම වත්කම මහජනතාව අතර එය දිගුකාලීන ව්‍යාපාර සාර්ථකත්වයේ කේන්ද්‍රය වේ යන විශ්වාසය ආදී ගුණාංග මත සොෆ්ට්ලොජික් ලයිෆ් හි ශක්තිමත් සමාගම් සංස්කෘතිය පදනම් වී ඇත. කුසලතා කළමනාකරණය, බඳවා ගැනීම, තෝරා ගැනීම, වැටුප් ගෙවීම පුහුණුව හා කුසලතා සංවර්ධනය සහ සේවක සමානාත්මතාවය යන කරුණු සඳහා ශක්තිමත් ප‍්‍රතිපත්ති සහ මාර්ගෝපදේශ තුළින් සොෆ්ට්ලොජික් ලයිෆ් රක්ෂණ ක්ෂේත‍්‍රයේ කුසලතා ආකර්ෂණය කර ගැනීමට, සංවර්ධනය කිරීමෙ සහ රඳවා ගැනීමට නිරන්තරයෙන් උත්සාහ කරයි.
සොෆ්ට්ලොජික් ලයිෆ් හි ප‍්‍රාදේශීය කළමනාකරුවකු වන, ළහිරු මදුරංග, මහතා
The post සොෆ්ට්ලොජික් ලයිෆ් ළහිරු මදුරංග,’Rookie Insurance Agency Leader of the Year’ සම්මානයෙන් පිදුම් ලබයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka