සෙලාන් බැංකුව හලාවත ශා.මරියා විද්‍යාලය සමග අත්වැල් බැඳ ගනිමින් මෙරට ප්‍රථම වරට ආදි ශිෂ්‍ය සංගම් සඳහා අන්තර්ජාල ගෙවීම් පහසුකමක් හඳුන්වා දෙයි

සෙලාන් බැංකුව, මෙරට පැරණිත ම පාසලක්වන හලාවත ශා.මරියා විද්‍යාලය සමග අත්වැල් බැඳ ගනිමින් එම විද්‍යාලයේ ආදි ශිෂ්‍ය සංගමයට අන්තර්ජාල ගෙවීම් පහසුකමක් (VOBA) හඳුන්වා දී ඇත. ඒ අනුව එම විද්‍යාලය VOBA පහසුකම හිමිකර ගත් මෙරට ප්‍රථම පාසල බවට පත් විය.

පාසලේ ආදි සිසුන් සමග සම්බන්ධ වීම මෙන්ම පාසලේ සංවර්ධන ව්‍යාපෘති කළමනාකරණය කිරීම ඇතුළු පහසුකම් රැසකින් මෙම සේවාව සමන්විත වේ. තවද, මෙම පහසුකම හරහා ලොව ඕනෑම ස්ථානයක පාසලේ ආදි ශිෂ්‍ය සංගම් සාමාජික මුදල් සහ සෘජු පරිත්‍යාග සිදු කිරීමේ හැකියාව ද සෙලාන් බැංකුව ලබා දී ඇත. මේවන විට වෙබ් සහ ඇන්ඩ්‍රොයිඩ් සහ iOS ජංගම දුරකථන හරහා මෙම සේවාවට ප්‍රවේශ විය හැකිය.

ආදි ශිෂ්‍ය සංගමයක් ස්ථාපනය කර ඇති ඕනෑම පාසලකට සෙලාන් බැංකුවෙන් මෙම සේවාව ලබා ගත හැකි අතර, දිවයින පුරා විසිරී ඇති ආදි ශිෂ්‍ය සංගම්වල සාමාජික සංඛ්‍යාව වර්ධනය කරමින් පාසල්වල සංවර්ධනය සඳහා මෙමගින් මනා පිටිවහලක් වනු ඇත. Ceylon Innovation සර්වර් ඔස්සේ ක්‍රියාත්මක වන මෙම සේවාව, ශ්‍රී ලංකාවේ සහ විදේශ රටවල ජීවත්වන ආදි සිසුන් හට වඩාත් පහසුවෙන් සහ කඩිනමින් සිය පාසලේ ගිණුම වෙත මුදල් යොමු කිරීමේ අවස්ථාව උදා කර දෙයි. මෙම සේවාව හරහා ගෙවීමක් සිදු කළ වහාම ඊට අදාළ රිසිට්පත අදාළ ගෙවීම සිදු කළ තැනැත්තාගේ ඉ-මේල් ලිපිනයට යොමු කෙරෙන අතර එමගින් වඩාත් ආරක්‍ෂිත සහ කාර්යක්ෂම ගෙවීම් ක්‍රමවේදයක් තහවුරු කෙරේ.

සුහද හදක් ඇති දේශීය බැංකුව ලෙස සෙලාන් බැංකුව සිය පාරිභෝගික ජනතාවට අසමසම බැංකුකරණ අත්දැකීමක් උදාකර දීමේ දැක්මෙන් යුතුව කටයුතු කරන අතර, නව තාක්ෂණය, නවෝත්පාදන සේවා සමගින් බැංකුකරණ ක්ෂේත්‍රයේ සංධිස්ථානයක් සනිටුහන් කිරීමේ පුරෝගාමී මෙහෙවරක නිරත වෙයි. සේවා පිළිබඳ වැඩිදුර තොරතුරු සඳහා කරුණාකර www.seylan.lk වෙත පිවිසෙන්න. නැතිනම් 0112 0088 88 අංකයෙන් අපගේ පාරිභෝගික සේවා මධ්‍යස්ථානය අමතන්න.

The post සෙලාන් බැංකුව හලාවත ශා.මරියා විද්‍යාලය සමග අත්වැල් බැඳ ගනිමින් මෙරට ප්‍රථම වරට ආදි ශිෂ්‍ය සංගම් සඳහා අන්තර්ජාල ගෙවීම් පහසුකමක් හඳුන්වා දෙයි appeared first on Adaderana Biz Sinhala | Sri Lanka Business News.

Source From biz.adaderana
Author: Biz Editor
#SriLanka #News #lka