සියලු කොටස් 9,900 කඩඉම පසුකරයි

අද (14) දිනයේ කොළඹ කොටස් වෙළඳපොළ ගනුදෙනු අවසානයේ සියලු කොටස් මිල දර්ශකය ඒකක 165.03 (1.69%) කින් ඉහළ ගොස් ඒකක 9,914.12 ලෙසින් වාර්තා විය.

මේ අතර S&P SL20 දර්ශකය ඒකක 46.64 කින් හෙවත් 1.49% කින් ඉහළ ගොස් දිනයේ ගනුදෙනු අවසානයේ දී ඒකක 3,179.79 ක් ලෙසින් දැක්වුණි.

අද දින සමස්ත ගනුදෙනු පිරිවැටුම රු. බිලියන 4.09 ක් ලෙසින් සටහන් විය. එහිදී රු. බිලියන 3.26 ක් දේශීය මිල දී ගැනීම් ලෙසත්, රු. බිලියන 3.93 ක් දේශීය විකිණුම් ලෙසත් වාර්තා වූ අතර රු. මිලියන 830.62 ක් විදේශීය මිල දී ගැනීම් හා රු. මිලියන 156.89ක් විදේශීය විකිණුම් ලෙසින් වාර්තා විය.

දිනය තුළ සියලු කොටස් මිල දර්ශකයේ ඉහළ යාම සඳහා සමාගම් 128 ක් ධනාත්මක දායකත්වයක් ලබා දී තිබූ අතර සම්පත් බැංකුව, ජෝන් කීල්ස් හෝල්ඩින්ස්, කොමර්ෂල් බැංකුව සහ HNB බැංකුව යන සමාගම් මෙලෙස සියලු කොටස් මිල දර්ශකයේ වර්ධනයට ඉහළ දායකත්වයක් ලබා දුන් සමාගම් අතර කැපී පෙනුනි.

 

The post සියලු කොටස් 9,900 කඩඉම පසුකරයි appeared first on Adaderana Biz Sinhala | Sri Lanka Business News.