ශ්‍රී ලංකාව හා මියන්මාරය අතර සෘජු ගුවන් ගමන් ආරම්භ කිරීම වෙනුවෙන් සාකච්ඡාවක් පසුගිය දා පවත්වා තිබේ. මියන්මාරයේ ශ්‍රී ලංකාවේ තානාපති ආචාර්ය නලින් ද සිල්වා සහ මියන්මාරයේ පුද්ගලික ගුවන්සේවා සමාගමක් වන Myanmar Airways International (MAI) හි ප්‍රධාන විධායක නිලධාරී සරවනන් රාමසාමි හා ප්‍රධාන මෙහෙයුම් නිලධාරී ටනේස් කුමාර් අතර මෙම සාකච්ඡාව පැවති බව විදේශ කටයුතු අමාත්‍යාංශය නිකුත් කළ නිවේදනයක සඳහන් වේ.
ගමනාන්ත දෙකෙහිම සංචාරක කර්මාන්ත ප්‍රවර්ධනය කිරීමේදී සෘජු ගුවන් සම්බන්ධතාවයේ වැදගත්කම තානාපතිවරයා විසින් මෙහිදී විස්තර කරනු ලැබීය. දෙරට අතර සංචාරකයින් සැලකිය යුතු කාලයක් සංක්‍රමණ සඳහා වැය කරන අතර ගුවන් ගමන් කාලය පැය 3 කටත් වඩා අඩු බව එහිදී අවධාරණය කෙරිණි. ඓතිහාසික, සංස්කෘතික හා ආගමික බැඳීම් මගින් මෙම වැදගත් ගමනාන්ත දෙක අතර සැලකිය යුතු මගීන් සංඛ්‍යාවක් ගමන් ගන්නා ඇති බවට තානාපතිවරයා මෙහිදී පැවසුවේය.
The post ශ්‍රී ලංකාව හා මියන්මාරය අතර සෘජු ගුවන් ගමන් ඇරඹීමට සාකච්ඡා appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka