ශ්‍රී ලංකාවේ ආර්ථිකය ඉබාගාතේ ගිය නැවක් කුණාටුවකට අසුවුණා වගේ

වර්තමානයේ දී මෙරට ආර්ථිකයට සිදුව ඇත්තේ ඉබාගාතේ ගිය නැවක් කුණාටුවකට හසුවුණු ආකාරයේ සිදුවීමක් බව ශ්‍රී ජයවර්ධනපුර විශ්වවිද්‍යාලයේ මහාචාර්ය අනුර කුමාර මහතා පවසයි.

ඊයේ (01) විකාශය වූ දෙරණ ‘අලුත් පාර්ලිමේන්තුව‘ වැඩසටහන හා එක්වෙමින් මහාචාර්යවරයා මේ බව පැවසීය.

ගුවන්යානයක් එන්නේ තමන් පටන් ගත්ත තැන සහ ගමාන්නතය දැනගෙන. ඒකට අවශ්‍ය ඉන්ධන, ඒ කාලෙට අවශ්‍ය කෑම ඇතුළු එහි සිටින මිනිසුන්ට අවශ්‍ය සියලු දේ සැලසුම් කරගෙන. නැවක් එන්නෙත් එහෙම.

ගුවන් යානයක් එනකොට අවපාතවලට එනවා, පහතට වැටෙනවා, නමුත් ඒක හදාගෙන නැවත ගමනාන්තයට යනවා. නැවක් ගත්තත් එහෙමයි. නැවක් යන්නෙත් සූදානම් වෙලා.

හැබැයි අපේ ආර්ථිකය එහෙම සූදානම් වෙලා යන ගමනක් මැද දී කොවිඩ් ආවා නම්, ස්වාභාවික ආපදාවක් ආවා නම්, සියලු අය දන්නවා කොහොමද මේකෙන් ගොඩයන්නේ, කොහොමද ගමනාන්තයට යන්නේ කියලා.

හැබැයි අපේ ජනතාව දන්නෙත් නැහැ ගමනාන්තය, අපේ පාලකයෝ දන්නේත් නැහැ ගමනාන්තය.

ඒ නිසා ඉබගාතේ ගිය නැවක් කුණාටුවකට අහුවුණා වගේ තමයි අපි පත්වෙලා ඉන්නේ.

අලුත් පාර්ලිමේන්තුව සම්පූර්ණ වැඩසටහන පහතින් නැරඹිය හැකිය.

 

The post ශ්‍රී ලංකාවේ ආර්ථිකය ඉබාගාතේ ගිය නැවක් කුණාටුවකට අසුවුණා වගේ appeared first on Adaderana Biz Sinhala | Sri Lanka Business News.