විශේෂ පොලියක් දුන් ජ්‍යෙෂ්ඨ පුරවැසි ගිණුම් ක්‍රමය අහෝසියි

ජ්‍යෙෂ්ඨ පුරවැසියන් සඳහා විශේෂ පොලියක් ලබා දෙමින් හඳුන්වා දී තිබූ ස්ථාවර තැන්පත් ගිණුම් ක්‍රමය අහෝසි කිරීමට තීරණය වී තිබේ.

මෙම යෝජනා ක්‍රමය වහාම ක්‍රියාත්මක වන පරිදි අහෝසි කිරීමට කැබිනට් මණ්ඩලයේ දී තීරණය කර ඇත.

මේ අනුව 2022 ඔක්තෝබර් 01 දින සිට විශේෂ පොලියක් ලබා දෙන ජ්‍යෙෂ්ඨ පුරවැසි ස්ථාවර තැන්පතු ගිණුම් විවෘත කිරීම හෝ අලුත් කිරීම (renewing) නවතා දැමෙනු ඇත.

මේ සම්බන්ධයෙන් ශ්‍රී ලංකා මහ බැංකුවේ බැංකු අධීක්ෂණ දෙපාර්තමේන්තුව විසින් සියලුම බලපත්‍රලාභී වානිජ බැංකු සහ බලපත්‍රලාභී විශේෂිත බැංකුවල ප්‍රධාන විධායක නිලධාරීන් වෙත දැනුම් දී තිබේ.

විශේෂ පොලියක් ලබා දෙන ජ්‍යෙෂ්ඨ පුරවැසි ස්ථාවර තැන්පතු ගිණුම් ක්‍රමය හඳුන්වා දීමේ දී නියම කළ පොලී අනුපාතයට වඩා වැඩි පොලී අනුපාතයන් මේ වන විට වෙළෙඳපොළ තුළ තීරණය වී තිබීම හේතුවෙන් මෙම තීරණය ගෙන ඇති බව වාර්තා වේ.

The post විශේෂ පොලියක් දුන් ජ්‍යෙෂ්ඨ පුරවැසි ගිණුම් ක්‍රමය අහෝසියි appeared first on Adaderana Biz Sinhala | Sri Lanka Business News.