ලංකාවට එන සංචාරකයින්ටත් විරෝධතාවලට එක්වන්න පුළුවන් – අගමැති රනිල් විදෙස් මාධ්‍යයට කියයි

වෙනස්ම අත්දැකීමක් විඳීමට කැමති විදේශිකයන් හට මේ මොහොතේ ශ්‍රී ලංකාවේ සංචාරය කළ හැකි බව අග්‍රාමාත්‍ය රනිල් වික්‍රමසිංහ මහතා පවසයි. ස්කයි නිවුස් පුවත් ‌සේවය සමඟ පැවති සම්මුඛ සාකච්ඡාවක දී අග්‍රාමාත්‍යවරයා මේ බව කියා සිටියේය.

මේ අවස්ථාවේ දී ශ්‍රී ලංකාවේ සංචාරය කිරීම ආරක්ෂිත දැයි යනුවෙන් ඇසූ ප්‍රශ්නයකට ප්‍රතිචාර දක්වමින් අග්‍රාමාත්‍යවරයා මේ බව පැවසීය.

 

ප්‍රශ්නය – මේ මොහොතේ විදේශිකයන්ට සංචාරය සඳහා ශ්‍රී ලංකාව ආරක්ෂිතයි කියලා ඔබ හිතනවද?

පිළිතුර – වෙනස්ම අත්දැකීමක් ලැබීමට කැමති අයට මෙහි පැමිණෙන්න පුළුවන්. සමහරවිට ඔවුන්ට විරෝධතාවලට සහාය දක්වන්නත් පුළුවන් වෙයි. ශ්‍රී ලංකාවේ ජනාධිපතිවරයාට ගෙදර යන්න කියලා සඳහන් පුවරු අරන් විරෝධතා කරන්න ඔවුන්ට පුළුවන් වෙයි. නැත්නම් අගමැතිවරයාට ගෙදර යන්න කියලා පුවරු අරන් විරෝධතා කරන්න ඔවුන්ට පුළුවන් වෙයි. කැමති ඕන දෙයක් කරන්න පුළුවන්.

ප්‍රශ්නය – ඔබ සියළු දේ සැහැල්ලුවෙන් ගැනීම ගැන සතුටුයි. නමුත් එය බරපතළ ප්‍රශ්නයක්. සංචාරක කර්මාන්තය ගැන කියන්නේ නැගී එන වෙළඳපොළක ඉතාමත් වැදගත් ආදායම් මාර්ගයක්. ඔබ කියන්නේ සංචාරකයින්ට එන්න එපා කියලද? එය වැදගත් ප්‍රශ්නයක්.

පිළිතුර – අපි සංචාරකයින්ගේ පැමිණීම අධෛර්යමත් කරනවා නෙමෙයි. නමුත් අපිට වැටහෙනවා, විදෙස් සංචිත හිඟකම, රට තුළ පැවැත්වෙන විරෝධතා, අත්‍යවශ්‍ය භාණ්ඩවල හිඟකම නිසා ඔවුන් මේ මොහොතේ ශ්‍රී ලංකාවට නොපැමිණෙන බව.

The post ලංකාවට එන සංචාරකයින්ටත් විරෝධතාවලට එක්වන්න පුළුවන් – අගමැති රනිල් විදෙස් මාධ්‍යයට කියයි appeared first on Adaderana Biz Sinhala | Sri Lanka Business News.