මෝටර් රථ අමතර කොටස් ආනයන බදු අඩු කිරීමට පියවර

මෝටර් රථ අමතර කොටස් සඳහා පනවා ඇති ආනයන බදු අඩු කිරීමට පියවර ගන්නා බව මුදල් අමත්‍ය, අග්‍රාමාත්‍ය මහින්ද රාජපක්ෂ මහතා අද (17) දින සිය අයවැය කතාවේ දී කියා සිටියේය.

“පසුගිය පස් වසර තුළ ඩොලර් මිලියන 5,318 ක් පමණ විදේශ විනිමය යොදා ආනයනය කළ වාහනවල වටිනාකම එම කාලය තුළ අප ලබා ගත් ණය ප්‍රමාණයෙන් 31% ක් තරම් විශාල ප්‍රමාණයක්. දේශීය වෙළෙඳපොළ මේ සා විශාල වුවත් අඩුම වශයෙන් අපනයනය සඳහා වාහන නවීකරණය හෝ වාහන එකලස් කිරීමේ කර්මාන්තයක්වත් දියුණු කර නැහැ. රට තුළ මේ වන විට පවත්නා වාහන තොගය මෙන්ම අලුත්වැඩියා කළ හැකි රජයේ වාහන හා ගිලන් රථ ප්‍රමාණය ද අතිවිශාලයි.“

“මෙම වාහන අලුත්වැඩියා කිරීමට මෙන්ම වාහන එකලස් කිරීම ඇතුළු මෝටර් රථ කර්මාන්තයේ ව්‍යාපාරිකයින් දිරිගැන්වීමට අවශ්‍ය, අමතර කොටස් සඳහා පනවා ඇති ආනයන බදු අඩු කිරීමට යෝජනා කරනවා. රජයේ ආයතනවල වාහන අලුත්වැඩියා කිරීමට ආයෝජනය කරන ව්‍යාපාරිකයින් සඳහා එම ව්‍යාපාරවලට බදු සහන සැලසීමට ද යොජනා කරනවා. එසේම දුම්රිය මැදිරි නිෂ්පාදනය දේශීය කර්මාන්තයක් වශයෙන් සංවර්ධනයට ද යෝජනා කරනවා.“

The post මෝටර් රථ අමතර කොටස් ආනයන බදු අඩු කිරීමට පියවර appeared first on Adaderana Biz Sinhala | Sri Lanka Business News.

Source From biz.adaderana
Author: Biz Editor
#SriLanka #News #lka