දෙරණ අලුත් පාර්ලිමේන්තුව වැඩසටහනේ දී අදහස් දැක්වූ නේචර්ස් බියුටි ක්‍රියේෂන්ස් සමාගමේ සභාපති සහ ශ්‍රී ලංකා මහ බැංකුවේ මුදල් මණ්ඩල සාමාජික සමන්ත කුමාරසිංහ මහතා,
“අපි කර්මාන්තකරුවන් හැටියට හෝ සුළු ව්‍යාපාරිකයන් හැටියට තමන්ගේ බැංකුවත් එක්ක ගිහිල්ලා මීට වැඩිය හොඳින් කේවල් කිරීමක් කරගන්න. අද බැංකුවක් සියයට 3ක් වගේ තමා ඩිපොසිට් එකකට ගෙවන්නේ. බැංකුව ඒක දෙන්නේ සියයට හය හමාරයි හතයි තමයි හොඳම කස්ටමර්ස්ලාට දෙන්නේ. හැබැයි පොඩි කස්ටමර්ගෙන් ඕකට සියයට 10ක් 12ක් ගන්නවා. බැංකුවත් එක්ක ගිහිල්ලා ඒකට කේවල් කරලා ඉල්ලන්නේ නැත්තන් බැංකුව බොහොම සතුටින් අර ගාණ කපාගන්නවා. හැබැයි මෙතනදී තව වැරදි දෙයක් අපේ ව්‍යාපාරිකයන් කරනවා. එකක් තමයි බැංකුවට බයයි. බැංකුවලට බය විය යුතු නැහැ. තමන් හොඳ ගනුදෙනුකරුවෙක් නම් බැංකුවත් එක්ක ගිහිල්ලා හැමදාම කතා කරන්න ඕනේ. කතා කරලා තමන්ගේ ඉල්ලීම් දිනාගන්න.“
“ඒ වගේම තමයි දැන් ණය නොගෙවන පීරියඩ් එකක් දුන්නා. ඒක දීර්ඝ කරන්න කියලා ඉල්ලනවා. ඒකෙන් ඉතාමත් අවාසිදායක තත්ත්වයකට තමන්ගේ ව්‍යාපාරය කවදා හරි වැටෙනවා. මාස 03කට දුන්නා, ඊට පස්සේ මාස 06ක් කරන්න කිව්වා. මාස 06ත් මදි කියලා දැක් සමහර අය ඉල්ලනවා. අමාරු වෙන්න පුළුවන්. හැබැයි තමන්ගේ බැංකුවට ගිහිල්ලා කතා කරලා, ඒක වාරිකය රුපියල් විසිදාහක් ගෙවන්න තියෙනවා නං, නැත්තන් ලක්ෂ දෙකක් ගෙවන්න තියෙනවා නම් ඒකෙන් සියයට 25ක් හරි ගෙවන්න පුළුවන් කියලා ඒ විදියට කතා කර ගන්න. ඒක බැංකුව පැත්තෙනුත් වාසියි. නැත්තන් ඒක අක්‍රීය ණය විදියට වැටෙනවා. එහෙම වැටුණොත් බැංකුවත් අමාරුවට වැටෙනවා. ඒක නිසා බැංකුවට මේක පැහැදිලි කරලා දීලා, සාකච්ඡා කරලා කර ගන්න ඕනේ. ඒ වගේම බැංකුත් මේ වෙලාවේ රට ගැන හිතලා, ව්‍යාපාරිකයන්ට අතහිත දෙන්න අවස්ථාවක් කර ගන්න ඕනේ.“
“තමන්ගේ ලාභයම රුපියල් ශතම විතරක් බැලිය යුතු අවස්ථාවක් නෙමෙයි මේක. අපි වෙළෙඳාම වැඩිකර ගත්තත් අපිට අමතර වියදම් තියෙනවා ගොඩාක් දැන්. එහෙම කරගෙන යන්නේ මේක පවත්වා ගෙන යන්න. බැංකුව ඒ විදියට කරන්න ඕනේ. එහෙම කළෝතින් තමයි මේ කුඩා ව්‍යාපාර ගොඩනගන්න පුළුවන්. එහෙම නැත්තන් ඕනම ව්‍යාපාරිකයෙකුට තමන්ට තියෙන බලාපොරොත්තු නැතිවුණෝතින් ඔහු ව්‍යාපාරය අතහැරලා දානව. අතහැරලා දැම්මාම මොකක්ද බැංකුවට ඉතුරු වෙන්නේ. බැංකුවට ඔහුගේ දේපළක් හිමිවෙනවා. එහෙම හිමි වුණා කියලා බැංකුට ඇති වැඩක් නැහැ. මේ ආර්ථිකය කඩාගෙන වැටුණොතින් ඒවා විකුණලා ඒගොල්ලන්නට අයකර ගන්න බැහැ. අරයා ජීවත් කර ගෙන යාමට එයාට බලාපොරොත්තුවක් දීම බැංකුව කරන්න ඕනේ.“
The post බැංකු සමඟ කේවල් කරලා ඉල්ලීම් දිනාගන්න බය වෙන්න එපා – මුදල් මණ්ඩල සාමාජික සමන්ත කුමාරසිංහ ව්‍යාපාරිකයින්ට කියයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka