ඩයලොග් ආසිආටා ආසියා පැසිෆික් කලාපය සඳහා වූ Forrester’s Customer-obsesed Enterprise සම්මානය හිමිකර ගනී

ඩයලොග් ආසිආටා පීඑල්සී සමාගම ආසියා පැසිෆික් කලාපය සඳහා වූ Customer-obsessed Enterprise Award සම්මානය දිනාගැනීමට පසුගියදා සමත්විය. ජාත්‍යන්තර වශයෙන් කීර්තියට පත් පර්යේෂණ සහ උපදේශන සමාගමක් වන Forrester ආයතනය විසින් ඩයලොග් සමාගමට මෙම සම්මානය පිරිනමා ඇත්තේ පාරිභෝගිකයා කේන්ද්‍ර කරගනිමින් ව්‍යාපාරයේ දියුණුව, පාරිභෝගිකයා රඳවා ගැනීම සහ සේවකයන් ව්‍යාපාර ක්‍රියාවලිය සඳහා සක්‍රියව දායක කරගැනීම යන මූලික කරුණු ඇගයීමට ලක් කරමිනි.

ශ්‍රී ලංකාවේ ප්‍රමුඛතම සන්නිවේදන සම්පාදකයා වන ඩයලොග් ආසිආටා පීඑල්සී සමාගම, සිය පාරිභෝගිකයන්ට වඩා විශිෂ්ට සේවා අත්දැකීමක් ලබාදීම සඳහා නිරන්තරයෙන්ම සිය සේවාවන් වෙනුවෙන් සිදුකරන ආයෝජනයන් සඳහා ආසියා පැසිෆික් කලාපය සඳහා Forrester’s Customer-Obsessed Enterprise – APAC සම්මානයට පාත්‍ර විය. ශ්‍රී ලංකාව තුළ ප්‍රථම වතාවට 5G තාක්ෂණය හඳුන්වාදීමේ ගෞරවය හිමි ඩයලොග් ආසිආටා පීඑල්සී සමාගම,සෑම පාරිභෝගිකයෙකුටම සුවිශේෂී වූ අත්දැකීමක් සමීප කරමින් තම පාරිභෝගිකයන් අතර විශාල විශ්වසනීයත්වයක් හා මනා සබැඳියාවක් පවත්වාගනිමින් පාරිභෝගික විශ්වාසය ඉහළ නංවන සේවා පරිසරයක් ඇති කිරීමට සෑමවිටම කටයුතු කරයි.

“ආසියා පැසිෆික් කලාපය සඳහා වූ Customer-obsessed Enterprise සම්මානය අප සමාගමට හිමිවීම අප ලද විශාල ගෞරවයක්.”ඩයලොග් ආසිආටා පීඑල්සී හි සමූහ ප්‍රධාන පාරිභෝගික නිලධාරී සැන්ඩ්‍රා ද සොයිසා මහත්මිය පැවසුවාය.ඇය වැඩිදුරටත් මෙසේ සඳහන් කළාය.”හෘදයාංගම සේවාව කියන අපගේ සේවාවේ මූලික සිද්ධාන්තයට අනුව කටයුතු කරන නිසා අපගේ සියලුම කර්තව්‍යයන්වලදී පාරිභෝගිකයාට ප්‍රමුඛස්ථානය ලබාදීමට අපට හැකිවී තිබෙනවා.ඒ හරහා අපේ පාරිභෝගිකයන්ට අද්විතීය සේවාවක් ලබාදීමට අපට හැකියාව ලැබෙනවා. මේ සම්මානය අපගේ නොසැලෙන අධිෂ්ඨානය, සේවාවන් සැලසීම වෙනුවෙන් වූ දැඩි ඇල්ම හා උනන්දුව සහ ‘හෘදයාංගම සේවාවක්’ වෙනුවෙන් වූ අපගේ පොරොන්දුව සහ ‘අනාගතය අදයි’ යන අපගේ තේමාව අර්ථවත් කිරීම වෙනුවෙන් වූ අපගේ සේවකයන්ගේ අපිරිමිත කැපවීමට කදිම සාක්ෂියක්.”

“APAC සඳහා Forrester’s Customer-obsessed Enterprise සම්මානය දිනාගත් ඩයලොග් ආසිආටා සමාගමට අපේ උණුසුම් සුබ පැතුම් එක් කරනවා. “යනුවෙන් Forrester ආයතනයේ ජාත්‍යන්තර පර්යේෂණ සහ නිෂ්පාදන අංශයේ ජ්‍යේෂ්ඨ උප සභාපති ඩේන් ඇන්ඩර්සන් මහතා සඳහන් කළේය.“තම ව්‍යාපාරයේ අඛණ්ඩ වර්ධනය හා ලාභදායීත්වය වෙනුවෙන් සහ සිය පාරිභෝගිකයන් මෙන්ම සේවකයන් රඳවාගැනීම වෙනුවෙන් සිය ව්‍යාපාර මෙහෙයුම්වලදී පාරිභෝගිකයාව ප්‍රමුඛ ස්ථානයක තබාගන්නා ආකාරය කෙසේදැයි කියා ඩයලොග් සමාගම ඉතා ප්‍රායෝගිකව අපට පෙන්වා තිබෙනවා.”

හිල්ටන් සිඩ්නි හීදී පැවති CX APAC 2023 සම්මාන ප්‍රදානෝත්සවයේදී ඩයලොග් සමාගම ආසියා පැසිෆික් කලාපය සඳහා වූ Forrester’s Customer-obsesed Enterprise සම්මානයෙන් ඇගයීමට ලක්විය. මෙම සම්මානය සඳහා DBS Bank Singapore සහ NRMA Australia සමාගම්ද නිර්දේශ විය Forrester, NASDAQ ලැයිස්තුගත පර්යේෂණ සහ උපදේශන ආයතනය ලෝකයේ වඩාත් බලපෑම් කළ හැකි පර්යේෂණ සහ උපදේශන සමාගමක් ලෙස පිළිගැනීමක් ලද ආයතනයකි. Forrester ආයතනය පාරිභෝගික අත්දැකීම්, නව තාක්ෂණය සහ කර්මාන්ත ක්ෂේත්‍රයේ ප්‍රවණතා පිළිබඳ පුළුල් පර්යේෂණ සහ විශ්ලේෂණ සඳහා ප්‍රසිද්ධියක් උසුලයි. වඩා හොඳ පාරිභෝගික අත්දැකීම් ලබාදීම, නවෝත්පාදනයන් මෙහෙයවීම සහ වෙළෙඳපොළ තුළ තරගකාරීව සිටීම පිළිබඳව මෙම ආයතනය විවිධ කර්මාන්ත හරහා ආයතනවලට අවශ්‍ය දැනුම හා මාර්ගෝපදේශ සලසයි.Forrester CX APAC පිළිබඳව වැඩි විස්තර දැනගැනීමට සහ ලියාපදිංචිවීමට, https://www.forrester.com/event/cx-apac/ වෙත පිවිසෙන්න.

The post ඩයලොග් ආසිආටා ආසියා පැසිෆික් කලාපය සඳහා වූ Forrester’s Customer-obsesed Enterprise සම්මානය හිමිකර ගනී appeared first on Adaderana Biz Sinhala | Sri Lanka Business News.