මෙහිදී කෝපි කර්මාන්තය පිළිබඳ සුභවාදි වෙනසක් දැක ගැනීමේ අවස්ථාව ශ්‍රී ලංකාවේ කෝපි ක්ෂේත්‍රයෙහි නිරත වූවන්ට හිමි විය. එසේම, කෝපි ක්ෂේත්‍රයෙහි වේගවත් වර්ධනයට දායක වූ වෙළඳපොළ ක්‍රියාකාරීන් රැසකගේ ආකර්ශනය දිනා ගැනීමට ද මෙම උත්සවය සමත් විය. මෙවර කෝපි උත්සවයට සහභාගි වූවන්ගේ සංඛ්‍යාව ඉහළ යාම තුළින් කර්මාන්තය නව මානයක් කරා ගෙන යාමට ඉවහල් වූ බව දක්නට ලැබුණි. ඔස්ට්‍රේලියානු රජයේ සහභාගිත්වය සහිත MDF ආයතනය, මෙම ක්ෂේත්‍රයට සහය දිය හැකි සුවිශේෂී අවස්ථාවන් හඳුනාගනිමින්, කෝපි කර්මාන්තයේ වැඩිදියුණුව උදෙසා සිය කටයුතු ආරම්භ කළේ 2017 වර්ෂයේ දී ය.
ඒ අනුව, 2022 වර්ෂයේ දී පළමු වරට ශ්‍රී ලංකා කෝපි උත්සවය පැවැත්වීමට කටයුතු කරමින්, ශ්‍රී ලංකාවේ කෝපි කර්මාන්තයට නව පණක් ලබාදීමේ මූලික කාර්යභාරය ඉටු කිරීමට MDFආයතනය ක්‍රියාකර ඇත. ජෙට්විංග් හොටෙල් සමාගම සහ MDF ආයතනය, ලංකා කෝපි සංගමයේ හවුල්කාරිත්වයෙන් යුතුව 2023 මැයි මස 19 වැනි දින නැවත වතාවක් කෝපි උත්සවය පවත්වන ලද්දේ 2022 වසරේ පවත්වන ලද එම ඉසව්ව හරහා ලත් සාර්ථකත්වය කෙරෙහි විශ්වාසයෙන් යුතුව ය. මෙවර ඉසව්වේ රන්, රිදී සහ ලෝකඩ අනුග්‍රාහකත්වය පිළිවෙළින්, කළම්බෝ කොෆී කම්පනි, ටෙම්පල් ග්‍රවුන්ඩ්ස් සහ සෝල් කොෆී යන ආයතන විසින් ලබාදෙන ලදී.
මෙම උත්සවයේ ගෞරවනීය ප්‍රධාන අමුත්තා ලෙස සහභාගි වූ, ශ්‍රී ලංකාව සහ මාලදිවයින ඔස්ට්‍රේලියානු මහ කොමසාරිස්, පෝල් ස්ටීවන්ස් මැතිතුමා මූලාසන කථාව පැවැත්වීය. ශ්‍රී ලංකාවේ විශේෂිත කෝපි පිළිබඳ ක්ෂේත්‍රයේ වර්ධනය වෙත සහය දැක්වීමට ඔස්ට්‍රේලියාව දක්වන කැපවීම ගැන අදහස් පළ කරමින් එතුමා වැඩිදුරටත් කියා සිටියේ, “කෝපි ක්ෂේත්‍රයේ තිරසාර සංවර්ධනය කෙරෙහි ශ්‍රී ලංකාව අඛණ්ඩ කැපවීමෙන් කටයුතු කරනු දක්නට ලැබීම අපට සතුටකි. එසේම, නිරන්තර සහයෝගීතාව හරහා ශ්‍රී ලංකාවේ සෞභාග්‍යය හා සංවර්ධනය වෙනුවෙන් සෑම විටෙකම සියලු සහය පළ කරන්නට ඔස්ට්‍රේලියානු රජය සූදානම් ය” යනුවෙනි.
2023 පවත්වන ලද ශ්‍රී ලංකා කෝපි උත්සවය මගින් දේශීය කෝපි ක්ෂේත්‍රයේ ගුණාත්මක භාවය සහ විවිධත්වය පමණක් නොව, දිනෙන් දින දියුණුවෙන් දියුණුවට පත්වෙමින් තිබෙන මෙම ක්ෂේත්‍රය වෙත ආයෝජනය කිරීමේ වැදගත්කම ද මනාව පෙන්නුම් කෙරිණ. මෙම ඉසව්ව වර්ණවත් කෙරෙන විවිධ ක්‍රියාකාරකම් එහි විය. “ශ්‍රී ලංකාවේ කෝපි කර්මාන්තය දියුණුව කරා යන ගමන්මග: මුහුණදෙන අභියෝග හා ඉදිරි කටයුතු” යන මැයෙන් මඬුල්ලක් විසින් මෙහෙයවන ලද සාකච්ඡාවක් ද ඊට ඇතුළත් විය. එපමණක් නොව, කෝපි වගාවෙහි නිරත අය, කෝපි සැකසුම් කරන්නන්, සහ කෝපි රෝස්ට් කරන්නන් ආදීන් හට තම තමන්ගේ නිෂ්පාදන ප්‍රදර්ශනය කිරීමේ අවස්ථාව ද මෙම උත්සවයෙන් උදා කළ අතර, එම නිෂ්පාදන මිලට ගත හැකි හා ඒ වෙනුවෙන් ආයෝජනය කළ හැකි අය සමග සම්බන්ධතා ඇති කරගැනීමේ හැකියාව ද සැලසීය.
උත්සවයේ වූ කෝපි ප්‍රදර්ශනයේ දී කළම්බෝ කොෆී කම්පනි, ටෙම්පල් ග්‍රවුන්ඩ්ස්, සෝල් කොෆී, හෙලන්ටා කොෆී, ඇල්පිටිය ප්ලාන්ටේෂන්ස්, වල්ලි ප්‍රඩක්ස්ට් ආයතන විසින් ඔවුන්ගේ කෝපි නිෂ්පාදන ඉදිරිපත් කරන ලදී. එසේම, මෙම උත්සවයට සහභාගි වූවන්ට, දේශීයව වගා කරන ලද කෝපි වල අඩංගු සුවිශේෂී රසය සහ සුවඳ විඳ ගැනීමේ අවස්ථාව ද ලැබුණි. උත්සවයට සමගාමීව, LCA Barista ශූරතාවලිය ද පැවැත්විණ. එහිදී, ජයග්‍රාහකයා වූයේ XXXX ය. මීට සමගාමීව, අප්‍රේල් මාසය පුරාවට දඹුල්ල, ගාල්ල සහ මීගමුව යන ප්‍රදේශ වල, කලාපීය Barista ශූරතාවලි පවත්වන ලදී. කෝපි නිෂ්පාදනය සහ එහි ගුණාත්මක භාවය වැඩිදියුණු කිරීම වෙනුවෙන් පුද්ගලික අංශය සමග එක්ව කටයුතු කළ MDF ආයතනය, ජාත්‍යන්තර වශයෙන් මෙම කර්මාන්තයේ ප්‍රවර්ධනය වෙනුවෙන් ද විශාල කාර්යභාරයක් ඉටු කර ඇත.
2023 ශ්‍රී ලංකා කෝපි උත්සවය සාර්ථකව නිමා කිරීම ගැන MDF ශ්‍රී ලංකා දේශීය අධ්‍යක්ෂිකා, මැරියම් පිරාචාසිය සතුට පළ කළා ය. LCA සමග සහයෝගීතාව සහිතව කටයුතු කරමින් මෙවැනි ඉසව් හරහා විශේෂිත කෝපි පිළිබඳ කර්මාන්තය සංවර්ධනයට හා ප්‍රවර්ධනයට සැලකිය යුතු අන්දමින් දායකත්වය ලබාදීමට MDF ආයතනය සමත්වීම ගැන ද ඇය විශේෂයෙන් සඳහන් කළා ය. MDF ආයතනය විශ්වාස කරන්නේ, ගෝලීය වශයෙන් කෝපි පිළිබඳ සුවිශේෂි නාමයක් දිනූ රටක් බවට ශ්‍රී ලංකාව පත් කිරීමෙහි ලා මෙරට කෝපි ක්ෂේත්‍රය නිවැරදි මාවතට යොමුව ඇති බවයි.
මෙම කෝපි උත්සවයේ දී “ශ්‍රී ලංකා කෝපි කර්මාන්තයේ පුනරුදය: විශේෂිත කෝපි කර්මාන්තය වෙත මාර්ගෝපදේශ” (“Sri Lanka’s Coffee Renaissance: A Guide to the Speciality Coffee Industry”) නැමති වාර්තාව සහභාගි වන්නන් හමුවේ එළි දැක්වීම ද සිදු විය. කෝපි කර්මාන්තයේ කටයුතු පිළිබඳ සැබෑ වෙනසක් ඇති කෙරෙන මෙම වාර්තාව සකස්කර, ඉදිරිපත් කළේ MDF ආයතනය විසිනි. දේශීය විශේෂිත කෝපි ක්ෂේත්‍රය පිළිබඳ අගනා ගැඹුරු අදහස් මෙන්ම වැදගත් ආයෝජන අවස්ථාවන් රාශියක් ද එමගින් පෙන්වා දී ඇත. කෝපි සහ සංචාරක කර්මාන්ත එකට යා කිරීම පිණිස, ශ්‍රී ලංකාවේ ප්‍රමුඛ පෙළේ හෝටල් දාමයක් වන ජෙට්විංග් සමූහය විසින් මෙම උත්සවයේ ප්ලැටිනම් අනුග්‍රාහකයා වශයෙන් කටයුතු කරන ලදී. Jetwing, Symphony PLC iy The Lighthouse Hotel PLC හි සභාපති, හිරාන් කුරේ මහතා සිය අදහස් දක්වමින් කියා සිටියේ, “සංචාරක කර්මාන්තය සහ කෝපි කර්මාන්තය යනු කදිම සුසංයෝගයකි. ශ්‍රී ලංකාවේ සුන්දරත්වය සහ කෝපි සංස්කෘතිය සොයා එන සංචාරකයන්ට අමතක නොවන සුවිශේෂී අත්දැකීමක් විඳගැනීමේ අවස්ථාව එක්ව නිර්මාණය කිරීමේ අසීමිත හැකියාවක් එම කර්මාන්ත දෙක සතුව ඇත. 2023 කෝපි උත්සවයේ කොටස්කරුවන් වීම තුළින්, සීග්‍රයෙන් දියුණුවට මෙම කෝපි උත්සවයේ දී “ශ්‍රී ලංකා කෝපි කර්මාන්තයේ පුනරුදය: විශේෂිත කෝපි කර්මාන්ත වෙත පත්වෙමින් පවතින කෝපි සංස්කෘතිය හා සංචාරක කර්මාන්තය එකිනෙකට බැඳී ඇති අයුරු ප්‍රදර්ශනය කිරීමේ මහඟු අවස්ථාව අපට උදා විය”.
මෙම උත්සවයට සහභාගි වූ ලංකා කෝපි සංගමයේ සභාපති, රිනෝෂ් නසාර් මහතා, —LCA විසින් පවත්වන ලද ශ්‍රී ලංකා කෝපි උත්සවය යනු, අපගේ සාරවත් කෝපි උරුමය ඉහළින්ම සැමරීමකි. එම අරුමැති උරුමයේ ඉදිරි ගමන හා බැඳි අනගි අවස්ථාවන් ගැන පෙන්වාදීමකි. LCA හි අප, පූර්ණ අවධානයෙන් යුතුව කටයුතු කරමින් සිටින්නේ ශ්‍රී ලංකාවේ කෝපි කර්මාන්තයේ වර්ධනය තව තවත් වැඩිදියුණු කිරීමටයි. එහිදී, දලු ලා වැඩෙන කෝපි පැළයේ සිට දුම් දමමින් සුවඳවත් කෙරෙන කෝපි කෝප්පය දක්වා සියලු කටයුතු නිසි සේ දියුණු කිරීම මගින් අපගේ කෝපි ගොවියන්ගේ ජීවනෝපායයන් ද ඒ හා සමානව දියුණුවට පත් කිරීමට අප අපේක්ෂා කරමු” යනුවෙන් සිය අදහස් පළ කළේ ය.
ශ්‍රී ලංකාවේ විශේෂිත කෝපි වල සාර්ථකත්වය හා වර්ධනය සහතික කිරීමේ දී සහය ලබාදෙමින් ඔස්ට්‍රේලියානු රජය ඉටු කළ කාර්යභාරය අතිමහත් ය. එසේම, කෝපි කර්මාන්තයට සම්බන්ධ පාර්ශ්වකරුවන් සමග සහයෝගීතාව ඇතිව කටයුතු කරන MDF ආයතනය විසින් ඔස්ට්‍රේලියාව සහ ශ්‍රී ලංකාව අතර පවතින සබඳතා සවිමත් කිරීමට හැකියාව සලසා ඇත. එමගින්, ගෝලීය කෝපි ප්‍රජාව වෙත සුභවාදී පැහැදිලි වෙනසක් ඇති කෙරෙනු නොඅනුමාන ය.
The post කෝපි සමග එක් වුණු නිර්මාණශීලීත්වයත් රසයත් සමරමින් ශ්‍රී ලංකා කෝපි උත්සවය යළිත් අප අතරට appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka