කොමර්ෂල් බැංකුවේ ක්‍රෙඩිට් කාඩ්පත් හිමියන්ට ‘Card Balance by Missed Call’ සේවාව

කොමර්ෂල් බැංකුවේ ක්‍රෙඩිට් කාඞ්පත් හිමියන්ට පහසුව ඇතිකිරීම සඳහා Missed Call එකක් ලබාදීම තුළින් තමන්ගේ කාඞ් ගිනුම් ශේෂය ලබා ගත හැකි නව සේවාවක් බැංකුව විසින් හඳුන්වා දී තිබේ.

මෙම සේවාව ලබාගැනීම සඳහා කොමර්ෂල් බැංකුවේ ක්‍රෙඩිට් කාඞ්පත් හිමියන් තම ජංගම දුරකතන අංකය මෙම සේවා සඳහා ලියාපදිංචි කළ යුතු අතර ශේෂය පරීක්ෂා කරගැනීමට අවශ්‍ය වූ අවස්ථාවක 0112353111 යන දුරකතන අංකයට ඇමතුමක් ලබාදිය යුතුවේ. මෙම ඇමතුම ස්වයංක‍්‍රීයව විසන්ධි වන අතර බැංකුව විසින් ඇමතුම ලබාදුන් ජංගම දුරකතන අංකයට අදාළ ක්‍රෙඩිට් කාඞ්පතේ අවසාන අංක හතර, පවතින ශේෂය, අවසාන ශේෂ වාර්තාව, ගෙවිය යුතු අවම මුදල සහ අවම මුදල ගෙවිය යුතු දිනය ඇතුළත් කෙටි පණීවුඩයක් එවනු ලබයි. යම් හෙයකින් ලියාපදිංචි වී තිබෙන ජංගම දුරකතන අංකය බැංකුවේ ක්‍රෙඩිට් කාඞ්පත් එකකට වැඩි ගණනකට සම්බන්ධ වී තිබේ නම් ඒ ඒ ක්‍රෙඩිට් කාඞ්පත්වල තොරතුරු වෙන වෙනම කෙටිපණිවුඩ ලෙස අදාළ ජංගම දුරකතනයට එවනු ඇත. මෙහිදී, එවනු ලබන කෙටි පණිවුඩවල ඒ ඒ ක්‍රෙඩිට් කාඞ්පත්වල අවසාන අංක හතර සඳහන් කරන බව බැංකුව කියයි.

කොමර්ෂල් බැංකුවේ ක්‍රෙඩිට් කාඞ් සහ ඩෙබිට් කාඞ් මගින් පුළුල් පරාසයක විහිදුණු ප‍්‍රතිලාභ ලබාදෙමින් වසර පුරාම ප‍්‍රවර්ධන වැඩසටහන් සිදු කරයි. එසේම, සිය මැක්ස් ලෝයල්ටි රිවෝර්ඞ්ස් වැඩසටහන යටතේ ක්‍රෙඩිට් හා ඩෙබිට් කාඞ් හිමියන් යන කණ්ඩායම් දෙක සඳහාම ලෝයල්ටි රිවෝර්ඞ්ස් ලබාදුන් ශ‍්‍රී ලංකාවේ ප‍්‍රථම බැංකුව වන්නේ කොමර්ෂල් බැංකුවයි. මීට අමතරව, සාම්ප‍්‍රදායික වශයෙන් ක්‍රෙඩිට් කාඞ් සඳහා පමණක් ලබාදුන් ප‍්‍රවර්ධන වට්ටම් ඩෙබිට් කාඞ් සඳහාද ලබාදුන් මෙරට ප‍්‍රමුඛතම බැංකුවක් ලෙස කොමර්ෂල් බැංකුව කැපී පෙනේ.

ශ‍්‍රී ලංකාවේ වේගයෙන්ම වර්ධනය වන කාඞ්පත් ලෙස කොමර්ෂල් බැංකුවේ කාඞ්පත් සැලකෙන අතර සමස්තයක් ලෙස ගත්විට මෙරට වෙළඳපොළ ප‍්‍රමුඛස්ථානය ගැනීමට කොමර්ෂල් බැංකුවේ ක්‍රෙඩිට් කාඞ් හා ඩෙබිට් කාඞ් සමත්ව තිබේ. බැංකුව විසින් Visa සහ Mastercard මෙන්ම UnionPay සන්නාම යටතේ Silver, Gold සහ Platinum මට්ටමින් ක්‍රෙඩිට් කාඞ්පත් නිකුත් කරන අතර ඉහළ පාරිභෝගික කාණ්ඩය සඳහා Visa Signature, World Mastercard සහ Visa Infinite මෙන්ම UnionPay Asia Prestige Platinum සහ UnionPay Asia Prestige Diamond කාඞ්පත් නිකුත් කරයි. මෙම කාඞ්පත් ‘Tap & Go’ NFC තාක්ෂණයෙන් යුක්ත වන අතර ඉතාමත් ශක්තිමත් NFC Point-of-Sale ජාලයක සහාය මේ සඳහා හිමිවේ.

ලෝකයේ හොඳම බැංකු 1000 අතරට නම් වූ ප‍්‍රථම දේශීය බැංකුව සහ පිට පිටම දස වතාවක් එසේ නම් වූ එකම ශ‍්‍රී ලාංකේය බැංකුව වන කොමර්ෂල් බැංකුව 2020 වසරේදී සියවස සමරයි. කොමර්ෂල් බැංකුව මෙරට බැංකු ශාඛා 268 ක් සහ ස්වයංක‍්‍රීය ටෙලර් යන්ත‍්‍ර 873 ක් පවත්වාගෙන යයි. බැංකුව 2019 වසරේදී ජාත්‍යන්තර සහ දේශීය සම්මාන 50 කට වැඩි ප‍්‍රමාණයක් දිනා ගැනීමට සමත්ව තිබේ.

The post කොමර්ෂල් බැංකුවේ ක්‍රෙඩිට් කාඩ්පත් හිමියන්ට ‘Card Balance by Missed Call’ සේවාව appeared first on Adaderana Biz Sinhala | Sri Lanka Business News.