ඊයේ (15) කොළඹ දී පැවති මාධ්‍ය හමුවක දී ශ්‍රීනිවාසන් මහතා මේ බව පැවසීය.
එහිදී වැඩිදුරටත් කරුණු දැක්වූ ජාත්‍යන්තර මුල්‍ය අරමුදලේ ආසියා සහ ශාන්තිකර දෙපාර්තමේන්තුවේ අධ්‍යක්ෂ ක්‍රිෂ්ණා ශ්‍රීනිවාසන් මහතා,
ඔබ දන්නා පරිදි, ශ්‍රී ලංකාව අතීතයේ ගත් වැරදි ප්‍රතිපත්ති ක්‍රියාමාර්ග සහ එකක් පසුපස එකක් වශයෙන් පැමිණි ආර්ථික කම්පන හේතුවෙන් දැඩි අර්බුදයකට මුහුණ දෙමින් සිටියි. අර්බුදය විසින් ශ්‍රී ලාංකික ජනතාව මත, විශේෂයෙන්ම දිළිඳු සහ අවදානමට ලක්විය හැකි කාණ්ඩ මත එල්ල කරන ලද බලපෑම පිළිබඳව මෙන්ම, විදේශීය මූල්‍යයනය වෙත රටේ ප්‍රවේශය ප්‍රමාද කිරීමෙහි ආර්ථික පිරිවැයන් පිළිබඳව ද අපි ගැඹුරින් සලකා බලන්නෙමු.
ශ්‍රී ලංකාවේ ආර්ථික ප්‍රතිපත්ති සහ ප්‍රතිසංස්කරණ සඳහා සහාය ලබා දීමට ජාත්‍යන්තර මූල්‍ය අරමුදලෙහි විධායක මණ්ඩලය විසින් මාර්තු 20 වන දින එක්සත් ජනපද ඩොලර් බිලියන 3ක පමණ වන, මාස 48ක විස්තීර්ණ ණය පහසුකමක් අනුමත කරන ලදී. මෙම අර්බුදය නිරාකරණය කිරීම කරා වැදගත් පියවරක් සනිටුහන් කළේය. ආසියානු සංවර්ධන බැංකුවෙන් සහ ලෝක බැංකුවෙන් ඇතුළුව නව විදේශීය මූූූල්‍ය පොළඹවනු ඇතැයි අපේක්ෂා කෙරෙන, ඩොලර් මිලියන 330ක පමණ මූලික ගෙවීමක් මෙම විස්තීර්ණ ණය පහසුකමෙන් ශ්‍රී ලංකාව වෙත වහාම හිමිවිය. දුර්වල විදේශීය පිරිසරය සහ සාර්ව ආර්ථික ස්ථායීභාවය යළි ප්‍රතිස්ථාපනය කිරීම අරමුණු කරගත් දේශීය ප්‍රතිපත්ති දැඩි කිරීම සලකා බැලීමේ දී, මෙම ආර්ථිකය 2024 වසරේ දී සියයට 1.5ක සාමාන්‍ය වර්ධනයක් වාර්තා කිරීමට පෙර, 2023 වසරේ දී සියයට 3කින් සංකෝචනය වනු ඇතැයි අපේක්ෂා කෙරේ. මෙම අපේක්ෂාවන් ආර්ථික ප්‍රතිසංස්කරණ වැඩසටහන ක්‍රියාත්මක කිරීම මත බෙහෙවින් තීරණාත්මක ලෙස රඳා පවතී.
ඔබ දැන් හොඳින් දන්නා පරිදි, විස්තීරණ අරමුදල් පහසුකම යටතේ සහාය ලද මෙම ප්‍රතිසංස්කරණ වැඩසටහන ශක්තිමත් ප්‍රතිපත්ති ක්‍රියාමාර්ග මත ගොඩනඟා ඇති අතර, ප්‍රධාන ආධාරකයන් පහක් සඳහා ප්‍රමුඛත්වය ලබාදෙයි.
ප්‍රථමයෙන්, රජයට එහි සියලු අත්‍යවශ්‍ය වියදම් සඳහා සහාය ලබා දීමට තිබෙන හැකියාව තහවුරු කිරීම සඳහා ශක්තිමත් සමාජ ආරක්ෂණ ජාල, රාජ්‍ය මූල්‍ය ආයතනික ප්‍රතිසංස්කරණ සහ පිරිවැය ආපසු අය කර ගැනීමේ පදනම් කරගත් බලශක්ති මිලකරණයෙන් සමන්විත, අපේක්ෂා සහිත ආදායම් පදනම් කරගත් රාජ්‍ය මූල්‍ය ඒකාග්‍රතාව.
දෙවනුව, ණය ප්‍රතිව්‍යුහගතකරණයක් ඔස්සේ රජයේ මෙහෙයුම් කටයුතුවල ස්ථාවර මූල්‍යයනයක් තහවුරු කිරීම ඇතුළුව, රාජ්‍ය ණය තිරසරබව යළි පිහිටුවීම.
තෙවනුව, උද්ධමනයෙන් විශේෂයෙන් දිළිඳු ප්‍රජාව මත එල්ල වන පිඩාව සමනය කිරීම සඳහා, ආයෝජන සහ වර්ධන පරිසරයක් වර්ධනය කිරීමට සහ විදේශයෙන් අත්‍යාවශ්‍ය භාණ්ඩ මිල දසී ගැනීම සඳහා ශ්‍රී ලංකාවේ හැකියාව තහවුරු කිරීමට වඩා නම්‍යශීලී විනිමය අනුපාතිකයක් යටතේ මිල ස්ථායීතාව යළි පිහිටුවීමට සහ සංචිත යළි ගොඩනැඟීමට බහු පාර්ශවික උපාය මාර්ගයක් යෙදීම.
සිව්වනුව, මූල්‍ය අංශයට ආර්ථික වර්ධනය සඳහා සහාය දැක්වීමේ දී එහි ප්‍රධාන කාර්යභාරය ඉටුකළ හැකි බබව තහවුරු කිරීමට, මූල්‍ය අංශ ස්ථායීතාව ආරක්ෂා කිරීම සඳහා වන ප්‍රතිපත්ති.
එමෙන්ම පස්වනුව, දූෂණ අවදානම් සඳහා පිළියම් යෙදීමට සහ වර්ධනය ඉහළ නැංවීමට ව්‍යූහාත්මක ප්‍රතිසංස්කරණ සිදුකිරීම. ශ්‍රී ලාංකික ප්‍රජාව ප්‍රතිසංස්කරණවලින් අසීරුවෙන් ලබා ගන්නා ජයග්‍රහණවලින් ප්‍රතිලාභ ලබන බව තහවුරු කිරීමට දූෂණය පිටුදැකීම සහ පාලන ප්‍රතිසංස්කරණ අත්‍යාවශ්‍ය වේ. ශ්‍රී ලංකාව ජාත්‍යන්තර මූල්‍ය අරමුදලේ පාලන විනිශ්චය කිරීමේ ප්‍රයත්නයට මුහුණ දී ඇති ආසියාවේ ප්‍රථම දේශයයි. ජාත්‍යන්තර මූල්‍ය අරමුදලේ පාලන විනිශ්චය කිරීමේ වාර්තාව මෙම වසරේ සැප්තැම්බර් මාසය වන විට ප්‍රකාශයට පත්කරනු ඇතැයි අපේක්ෂා කෙරේ. මෙම දූත මණ්ඩලය මාර්තු මාසයේ දී කොළඹ වෙත සංචාරය කළ අතර, මෙම තීරණාත්මක ප්‍රතිසංස්කරණ අංශය පිළිබඳව ඇල්ම ඇති පාර්ශවයන් සහ සිවිල් සමාජ සංවිධාන සමඟ සමීපව සාකච්ඡා පැවැත්වූහ. අපි තවදුරටත් ඔවුන් සමඟ සාකච්ඡා කිරීමට බලාපොරොත්තු වන්නෙමු.
ප්‍රශංසනීය ලෙස, ශ්‍රී ලංකාව මෙම අංශ පහ තුළ අභියෝගාත්මක ප්‍රතිපත්ති ක්‍රියාමාර්ග ගණනාවක් ක්‍රියාත්මක කිරීම දැනටමත් ආරම්භ කර ඇත. බලධාරීන් සහ ශ්‍රී ලාංකික ජනතාව වඩාත් පුළුල් වශයෙන් ශක්තිමත් හිමිකාරීත්වයක් යටතේ මෙම ප්‍රතිසංස්කරණ සිදුකරගෙන යෑමේ වේගය අඛණ්ඩව පවත්වා ගෙන යෑම දැන් අත්‍යාවශ්‍ය කරුණකි.
The post ආරම්භය ප්‍රශංසනීයයි – IMF appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka