මාසිකව රක්ෂණ වාරික මුදල් ගෙවීම මත පවත්වාගෙන යන ලද සාමාන්‍ය රක්ෂණාවරණ ක්‍රමයක් වූ මෙය ෆෙයාෆස්ට් ඉන්ෂුවරන්ස් සමාගම සහ විශ්‍රාම වැටුප් දෙපාර්තමේන්තුව ඇති කරගෙන තිබූ ගිවිසුමක් අනුව ක්‍රියාත්මක වූවකි.
එම ගිවිසුම 2023 අගෝස්තු 31 දිනෙන් අවසන් වී ඇති අතර, ෆෙයාෆස්ට් ඉන්ෂුවරන්ස් සමාගම පවසන්නේ එම ගිවිසුම නැවත අලුත් කිරීම සඳහා ඉදිරිපත් කරන ලද ඉල්ලීම, එම දෙපාර්තමේන්තුව විසින් ප්‍රතික්ෂේප කර ඇති බවයි. ඒ අනුව එකී ගිවිසුම් ප්‍රකාරව මේ දක්වා ෆෙයාෆස්ට් ඉන්ෂුවරන්ස් සමාගම වෙත බැර කරන ලද බුහුමන් රක්ෂණ වාරික මුදල්, 2023 අගෝස්තු 31 දිනෙන් පසු බැර නොකිරීමට විශ්‍රාම වැටුප් දෙපාර්තමේන්තුව තීරණය කර ඇති බව දැනුම් දී තිබේ.
ඒ අනුව රක්ෂණාවරණයේ 2023 සැප්තැම්බර් මසට සහ ඉන් ඉදිරි මාස සඳහා අදාළ රක්ෂණ වාරික මුදල් සමාගම වෙත ලැබී නොමැති බවත්, එම නිසා රක්ෂණ ගිවිසුම් කොන්දේසි ප්‍රකාරව බුහුමන් රක්ෂණාවරණය මේ වන විට අවලංගු වී ඇති බවත් ෆෙයාෆස්ට් ඉන්ෂුවරන්ස් සමාගම සිය ගනුදෙනුකරුවන් වෙත දැනුම් දී සිටී.
එමෙන්ම විශ්‍රාම වැටුප් දෙපාර්තමේන්තුව බුහුමන් රක්ෂණ ක්‍රියාවලියෙන් ඉවත් වීමට තීරණය කිරීමත් සමග, මෙම රක්ෂණය පවත්වාගෙන යාම සම්බන්ධයෙන් ප්‍රයෝගික ගැටලු කිහිපයක් මතු වී ඇති බවත්, එම නිසා, 2023 අගෝස්තු මාසය දක්වා ෆෙයාෆස්ට් ඉන්ෂුවරන්ස් සමාගම මගින් පවත්වාගෙන යන ලද බුහුමන් රක්ෂණ ක්‍රමය අවලංගු කිරීමට සිදු වී ඇති බවත් ෆෙයාෆස්ට් ඉන්ෂුවරන්ස් සමාගම වැඩිදුරටත් සඳහන් කරයි.
මේ පිළිබඳව වැඩිදුර තොරතුරු 0112 428 428 අංකය ඇමතීමෙන් ලබා ගත හැකි බව ෆෙයාෆස්ට් ඉන්ෂුවරන්ස් සමාගම තම ගනුදෙනුකරුවන් වෙත දැනුම් දී සිටී.
The post විශ්‍රාම වැටුප් දෙපාර්තමේන්තුව බැහැ කියයි. ‘බුහුමන්’ නවතියි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka