මෙහිදී මහ බැංකු අධිපති මහාචාර්ය ඩබ්.ඩී. ලක්ෂ්මන් මහතා සියලු බලපත්‍රලාභී බැංකු ප්‍රධානීන්ගෙන් ලිඛිතව ඉල්ලා ඇත්තේ ඩොලරයේ මිල රු. 200 – 203 ක ස්ථාවර මට්ටමක පවත්වා ගෙන යන ලෙසයි.
“ශ්‍රී ලංකා මහ බැංකුවේ මුදල් මණ්ඩලය මේ වන විටත් පියවර කිහිපයක් ගෙන ඇති අතර, එකඟ වූ පරාසයක විනිමය අනුපාතිකය පවත්වා ගැනීම සඳහා දැනට තිබෙන ඕනෑම උපකරණයක් සහ මෙවලම් භාවිතා කිරීමට අපි සූදානම්. ඔබ දන්නා පරිදි විනිමය අනුපාතයේ අධික අස්ථාවර භාවය හේතුවෙන් අත්‍යවශ්‍ය භාණ්ඩ වල දේශීය මිල ගණන් වල අහිතකර ගැලපීම් ඇති වන අතර එමඟින් සාමාන්‍ය ජනතාවගේ ජීවන තත්වයන්ට අතිශයින් අහිතකර හා අහිතකර බලපෑම් ඇති වේ.”
“මේ රටේ මුල්‍ය ප්‍රජාවේ වගකිව යුතු සාමාජිකයින් වශයෙන්, විනිමය අනුපාතිකයන් සාමාන්‍යයෙන් එකඟ වූ රුපියල් පරාසයක පවත්වා ගෙන යන බවට සහතික වීම සඳහා, ඩොලරයකට රු. 200 – 203 සහ ඊට අනුරූපව මෙම එකඟ වූ අනුපාත පරාසයෙන් ඔබ්බට අනුපාතය පිරිහෙන්නේ නැති බව සහතික කිරීම සඳහා මම ඔබේ ක්‍රියාකාරී හා ස්ථිරසාර සහයෝගීතාව අවශ්‍යය”, යනුවෙන් මහ බැංකු අධිපතිවරයා මෙහිදී ඉල්ලා සිටී.
කෙසේවෙතත් මේ සම්බන්ධයෙන් ප්‍රතිචාර දක්වමින් හිටපු මහ බැංකු නියෝජ්‍ය අධිපතිවරයෙකු වූ ආචාර්ය ඩබ්. ඒ. විජේවර්ධන මහතා පවසන්නේ මෙය ඩොලරයේ කළු කඩ මිල සීඝ්‍රයෙන් ඉහළ යාමට මෙම පියවර හේතුවනු ඇති බවයි.
@CBSL request to com banks not to sell $ above 203 amounts to fixing MRP on $;experience of Myanmar which fixed Kyat at 6 per$ before 2012 was that it caused black market rate to rise to 800 K & when the country finally sought IMF tech assistance, had to set rate @ 800 on 1/4/12
— W A Wijewardena (@waw1949) September 7, 2021
මේ අතර මීට පෙර ඩොලරයේ මිල ස්ථාවර අගයක මහ බැංකුව දෛනිකව ප්‍රකාශ කර සිටිය ද විධිමත් විදේශ විනිමය වෙළෙඳපොළේ එය රු. 230 ක් දක්වා ඉහළ මිලකට අලෙවි විය. කෙසේ නමුත් අවිධිමත් හෙවත් කළුකඩ මිල ඩොරලයක් වෙනුවෙන් රු. 240 – 250 දක්වා ඉහළ ගොස් ඇති බව වාර්තා වේ.
විශ්ලේෂකයින්‌ පවසන්නේ ඊයේ දිනයේ දී කොටස් වෙළෙඳපොළේ 1.46%ක සැලකිය යුතු පසුබෑමක් වාර්තා වීමට ද මහ බැංකුවේ මෙම පියවර තුඩු දී ඇති බවයි.
තවද වෙළෙඳපොළෙන් අඩු මිලට ඩොලර් සොයා ගැනීමට නොහැකි වීමෙන් ආනයනකරුවන් ඊයේ දිනයේ දී ණයවර ලිපි විවෘත කිරීමෙන් වැළකී සිට ඇති අතර එය බොහෝ දුරට විදේශ විනිමය වෙළෙඳපොළ අක්‍රීය කරලීමට හේතුවී ඇත.
The post රු. 203 ට වඩා වැඩියෙන් ඩොලර් විකුණන්න එපා – මහ බැංකුව වානිජ බැංකුවලින් ඉල්ලයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka