භාණ්ඩාගාර බිල් පොලිය පහළට

ශ්‍රී ලංකා මහ බැංකුවේ රාජ්‍ය ණය දෙපාර්තමේන්තුව විසින් අද (08) දින කැඳවා තිබූ භාණ්ඩාගාර බිල්පත් වෙන්දේසියේ දී පරිණත කාල තුනටම අදාළ පොලී අනුපාත පහළ යාමක් වාර්තා වී තිබේ.

ඒ අනුව දින 91 බිල්පත් පොලිය 22.75% සිට 21.91% දක්වා ද, දින 182 බිල්පත් පොලිය 23.60% සිට 22.89% ක් දක්වා සහ දින 364 බිල්පත් පොලිය 23.75% සිට 23.13% ක් දක්වා පහළ ගොස් ඇත.

රු. මිලියන 98,000 ක බිල්පත් ප්‍රමාණයක් අද දින වෙන්දේසිය සඳහා ඉදිරිපත් කර තිබුණු අතර ඒ සඳහා රු. මිලියන 260,565 ක තරම් විශාල ලංසු ප්‍රමාණයක් ඉදිරිපත් වී තිබීම විශේෂත්වයකි.

 

The post භාණ්ඩාගාර බිල් පොලිය පහළට appeared first on Adaderana Biz Sinhala | Sri Lanka Business News.