බිල් පොලී අඩු වැඩි වෙයි

අද (23) දින කැඳවා තිබුණු භාණ්ඩාගාර බිල්පත් වෙන්දේසියේ දී දින 91 සහ දින 182 පොලී අනුපාතිකවල ඉහළ යාමක් වාර්තා වී තිබෙන අතර දින 364 බිල්පත් පොලියෙහි පහළ යාමක් වාර්තා වී තිබේ.

එහිදී දින 91 බිල්පත් පොලිය 7.59% සිට 7.62% ක් දක්වා සහ දින 182 බිල්පත් පොලිය 7.96% සිට 7.98% ක් දක්වා ඉහළ ගොස තිබේ.

දින 364 බිල්පත්  පොලිය 8.31% සිට 8.29% ක් දක්වා පහළ ගොස් ඇත.

ශ්‍රී ලංකා මහ බැංකුවේ රාජ්‍ය ණය දෙපාර්තමේන්තුව විසින් කැඳවා තිබුණු මෙම භාණ්ඩාගාර බිල්පත් වෙන්දේසිය සඳහා රු. මිලියන 115,000 ක බිල්පත් ප්‍රමාණයක් ඉදිරිපත් කර තිබුණු අතර ඊට රු. මිලියන 231,383ක ලංසු ප්‍රමාණයක් ලැබී තිබුණි.

කෙසේවෙතත් මෙහිදී ලංසු පිළිගෙන තිබුණේ රු. මිලියන 95,617 ක බිල්පත් ප්‍රමාණයකට පමණි.

The post බිල් පොලී අඩු වැඩි වෙයි appeared first on Adaderana Biz Sinhala | Sri Lanka Business News.