එහි ප්‍රතිඵලයක් ලෙසින් ප්‍රාග්ධන ඌණතාවය, වත්කම් වල අඩු ගුණාත්මක මට්ටම හා අඛණ්ඩ අලාභ ලැබීම හේතුකොට ගෙන සමාගමේ මූල්‍ය තත්ත්වය පරිහානියට පත් වී ඇත.
ශ්‍රී ලංකා මහ බැංකුවේ මුදල් මණ්ඩලය විසින් මුදල් ව්‍යාපාර පනතේ ප්‍රතිපාදන හා ඒ යටතේ නිකුත් කරන ලද විධාන සහ නීති සමග අනුගත වීම සඳහා බිම්පුත් ෆිනෑන්ස් පීඑල්සී වෙත අවස්ථා ගණනාවක දී කාලය දීර්ඝ කිරීම් සිදු කරන ලද අතර එසේ වුවද ආයතනයේ පවතින අවධානම් සහගත මූල්‍ය තත්ත්වය යථා තත්ත්වයට ගෙන ඒම සඳහා සාධනීය පියවර ගැනීමට බිම්පුත් ෆිනෑන්ස් පීඑල්සී අපොහොසත් වී ඇත.
ඉහත කරුණු සැලකිල්ලට ගනිමින්, අද (2023.09.01) දින සිට බලපැවැත්වෙන පරිදි මූල්‍ය ව්‍යාපාර කරගෙන යාමට මුදල් ව්‍යාපාර පනත යටතේ බිම්පුත් ෆිනෑන්ස් පීඑල්සී වෙත නිකුත් කර ඇති බලපත්‍රය අවලංගු කිරීමට මුදල් මණ්ඩලය තීරණය කර ඇත. ඒ අනුව, බිම්පුත් ෆිනෑන්ස් පීඑල්සී හට අද දිනයේ සිට ක්‍රියාත්මක වන පරිදි මූල්‍ය ව්‍යාපාරවල නිරත වීමට අවසර නැත.
බිම්පුත් ෆිනෑන්ස් පීඑල්සී, කොළඹ කොටස් වෙළෙඳපොළේ ලැයිස්තුගත මූල්‍ය සමාගමකි. එහි බහුතර කොටස් හිමිකාරීත්වය දයා සමූහය සහ එහි අනුබද්ධිත සමාගම් විසින් දරනු ලබයි.
The post බිම්පුත්ට වැඩ වරදියි. මින් මතු බිස්නස් බැහැ appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka