‘රස පත්තු වෙන මැගී පපරේ බ්ලාස්ට්’ යන්න තේමා කරගත් මෙම නවතම නිෂ්පාදනය ඔබේ රස නහර පිනවන්නට සමත් වනු ඇත්තේ අන් කිසිවකටත් වඩා වෙනස්ම රසයක් ඔබ වෙත ගෙන එමිනි. ලූණු කුඩු, කරපිංචා, මිරිස් කුඩු, සුදු ලූණු හා ගම්මිරිස් ඇතුලු ආහාර රස ගන්වන ස්වභාවික සාරයන්ගෙන් නිෂ්පාදනය කර ඇති ‘මැගී පපරේ බ්ලාස්ට්’ හි කිසිඳු කෘතිම රස කාරකයක් හෝ කල් තබා ගැනීමේ ද්‍රව්‍යක් අඩංගු නොවන බැවින් වඩා වැඩි රසයක් මුවගට එක් කිරීමට සමත් වනු නිසැකය.
මේ සම්බන්ධයෙන් අදහස් දැක්වූ නෙස්ලේ ලංකාහි කළමනාකාර අධ්‍යක්ෂ බර්නි ස්ටෙෆන් මහතා “ මැගී පපරේ බ්ලාස්ට් නිෂ්පාදනයේදී පාරිභෝගිකයා වඩාත් කැමති රසයන් පිළිබඳ ඉතා හොඳින් අධ්‍යනය කිරීමට අපි කටයුතු කළ අතර අපගේ සූප ශාස්ත්‍ර හැකියාවන් උපයෝගී කර ගනිමින් ශ්‍රී ලාංකීය පාරිභෝගිකයාට ගැලපෙන අද්විතීය රස එකතුවක් නිර්මාණය කිරීමට ඒ හරහා අපට හැකියාව උදා වුණා” යනුවෙන් පවසා සිටින ලදී.
වසර 30කට අධික කාලයක් සුවහසක් ශ්‍රී ලාංකීය නිවෙස්වල නොමඳ ආදරය දිනාගෙන සිටින මැගී නූඩ්ල්ස්, නිෂ්පාදනය කරනු ලබන්නේ මෙරට හොඳම අමුද්‍රව්‍ය යොදා ගනිමිනි.
1906 වසරේදී මෙරට මෙහෙයුම් ආරම්භ කළ නෙස්ලේ සමාගම අදවන විට ශ්‍රී ලාංකීය ජීවන රටාවේ අත්‍යවශ්‍ය අංගයක් බවට පත්ව ඇත. මෙරට අලෙවි කරනු ලබන නිෂ්පාදනයන්ගෙන් 90 % කට වැඩි ප්‍රමාණයක් කුරුණෑගල පිහිටි නවීනතම කර්මාන්තශාලාවේදී දැඩි ආරක්ෂණ හා තත්ව ප්‍රමිතීන්ට අනුව දේශීයව නිෂ්පාදනය කිරීමද විශේෂත්වයකි. වර්තමාන හා අනාගත පරම්පරාවන් සඳහා මෙන්ම සියලු දෙනාගේ ජීවන තත්වය ඉහළ නැංවීම වෙනුවෙන් ආහාරවල ශක්තිය විදහා දැක්වීමේ අරමුණින් මෙහෙයවනු ලබන නෙස්ලේ, මුල් ළමා විය සිට මහලු විය දක්වා සියලු පරම්පරාවන් උසස් තත්වයේ ආහාර පානයන්ගෙන් පෝෂණය කිරීමට සමත්ව ඇත.
The post නෙස්ලේ ‘මැගී පපරේ නූඩ්ල්ස්’ නිෂ්පාදන පෙළෙහි නවතම නිෂ්පාදනය ලෙස ‘මැගී පපරේ බ්ලාස්ට්’ එළි දකියි appeared first on Adaderana Biz Sinhala | Sri Lanka Business News.
Source From biz.adaderana
Author: Bizweb2 Bizweb2
#SriLanka #News #lka