ජූලි මාසයේ දී 1%කින් සංචිතය නගී

2023 ජූලි මාසය අවසානෙය් දී ශ්‍රී ලංකා මහ බැංකුව සතු නිල සංචිත වත්කම්වල වටිනාකම එක්සත් ජනපද ඩොලර් මිලියන 3,762 ක් බව වාර්තා වේ.

මෙය 2023 ජුනි මාසයේ දී වාර්තා වී ඇති ඩොලර් මිලියන 3,724 ක් වූ සංචිත වත්කම් වටිනාකම හා සැසඳීමේ දී 1% ක වර්ධනයකි.

දළ නිල සංචිත 2023 වසරේ මැයි මස අවසානය වන විට පැවති එක්සත් ජනපද ඩොලර් බිලියන 3.5ට සාපේක්ෂව 2023 ජූනි මස අවසානය වන විට එක්සත් ජනපද ඩොලර් බිලියන 3.7ක් දක්වා ඉහළ ගොස් ඇති බව 2023 ජූනි මාසයේ විදේශීය අංශයේ ක්‍රියාකාරීත්ව වාර්තාව නිකුත් කරමින් ශ්‍රී ලංකා මහ බැංකුව පැවසීය.

ජූනි මාසය අවසානයේ දී ලෝක බැංකුව වෙතින් ලද එක්සත් ජනපද ඩොලර් මිලියන 250ක පමණ ලැබීම් මෙම වැඩිවීම සඳහා ප්‍රධාන වශයෙන් හේතු වී ඇති බව එහිදී මහ බැංකුව වැඩිදුරටත් සඳහන් කර සිටියේය.

 

 

The post ජූලි මාසයේ දී 1%කින් සංචිතය නගී appeared first on Adaderana Biz Sinhala | Sri Lanka Business News.