ඇන්ජලෝ මැතිව්ස් කොස් හා පොල් පැල ලක්ෂයක් පැල කිරීමට පෙරමුණ ගනී

දේශගුණික විපර්යාස වලින් ඇතිවන ගෝලීය උණුසුම සමනය කිරීමට දායකත්වය ලබා දෙමින් එක්සත් ජාතීන්ගේ තිරසර සංවර්ධන ඉලක්කය (UN Sustainable Development Goals) ඉටුකරගැනීම උදෙසා,

• ආහාර සුරක්ෂිතාවය
• පරිසර පද්ධති ප්‍රතිසංස්කරණය කිරීම
• ආර්ථික හා පරිසර තිරසාරභාවය පෝෂණය කිරීම

යන අරමුණු ඉටු කර ගැනීම සදහා ශ්‍රී ලංකාවේ සියලුම පළාත්වල ශාක 100,000ක් සිටුවා දායක වීම මෙම ව්‍යාපෘතියේ ප්‍රධාන අරමුණු වේ. කොළඹ, BIMT උසස් අධ්‍යාපන ආයතනය (BIMT Campus) විසින් දිවයින පුරා කොස් හා පොල් පැල ලක්ෂයක් (100,000) රෝපණය කිරීමට වැඩසටහනක් දියත් කිරීමට කටයුතු කර ඇති අතර එම වැඩසටහන “BIMT’s Eco Promise” ලෙස එනම් නවීන හා දිරියෙන් පිරුණු ජාතික පරිසර සන්රක්ෂණ ව්‍යාපෘතිය අද පෙරවරුවේ BIMT උසස් අද්‍යාපන ආයතන  ශාඛා මණ්ඩපයේදී පැවති මාධ්‍ය හමුවකදී නිල වශයෙන් ආරම්භ කරන ලදි.

මෙම ව්‍යාපෘතිය නිල වශයෙන් ආරම්භ වන්නේ 2025 ජූනි 5 වැනිදා වන ලෝක පරිසර දිනය සමරමින් සිදුවන ජාතික මාධ්‍ය දැන්වීම් මාලාවක් ඔස්සේය. වෘක්ෂ රෝපණයේ පළමු අදියර (Phase 01) 2025 ජූලි මාසයේදී ආරම්භ වන අතර එය බස්නාහිර පළාතේ කොළඹ, ගම්පහ සහ කළුතර දිස්ත්‍රික්කයන්හිදී ක්‍රියාත්මක වනු ඇත. මෙහිදී වෘක්ෂ 3,000ක් සිටුවා තැබීමට යෝජනා කර ඇත.

මෙම ජාතික ව්‍යාපෘතියට උද්යෝගය හා ජාතික ආවරණයක් ලබාදෙන්නේ ශ්‍රී ලංකා ක්‍රිකට් කණ්ඩායමේ හිටපු නායක ඇන්ජලෝ මැතිව්ස් මහතා වන අතර, ඔහු BIMT උසස් අධ්‍යාපන ආයතනය (BIMT Campus) නිල තානාපතිවරයා ලෙසද කටයුතු කරයි.

“මෙය වෘක්ෂ සිටවීම පමණක් නොවේ. මෙරට අනාගතය ගැන සැලකිල්ලෙන් සිටින පුද්ගලයකු ලෙස, BIMT Campus සමඟ එක්ව මේ අගනා ව්‍යාපෘතියට දායක වීම ගැන මම ගෞරවයට පත් වෙමි. අපි හැමෝම එක්වී ශ්‍රී ලංකාව පරිසර හිතකාමී රටක් ලෙස ගොඩනගමු. වැඩි විස්තර සඳහා අපගේ වෙබ් අඩවිය වෙත පිවිසෙන ලෙසට ඇන්ජලෝ මැතිව්ස් මහතා වැඩිදුරටත් මෙම මාධ්‍ය හමුවේ දී ප්‍රකාශකලේය..”

“මෙම ව්‍යාපෘතිය සදහා රාජ්‍ය, රාජ්‍ය නොවන පුද්ගලික සහ විවිධ සිවිල් සංවිධාන පාර්ශව කරුවන් වශයෙන් සහභාගී වීම කැපී පෙනෙන ලක්ෂණයකි අප ආයතනය ශ්‍රීලාංකීය තරුණ ප්‍රජාවට පාසල් දරුවන්ට සහ සමාජ ක්‍රියාකාරීන්ට මෙම ව්‍යාපෘතිය සදහා ක්‍රියාකාරීව සහභාගී වන ලෙස ගෞරවයෙන් ආරාධනා කර සිටීන බව BIMT උසස් අධ්‍යාපන ආයතනයේ (BIMT Campus)  පාලක මණ්ඩලයේ සභාපති හේමකුමාර ගුණසේකර මහතා ප්‍රකාශ කලේය.”

BIMT උසස් අධ්‍යාපන ආයතනය (BIMT Campus) ප්‍රධාන විධායක නිලධාරී ෆාර්ෂාත් ජමාල් මහතා පවසන්නේ,

“ලෝකය බලාපොරොත්තු වන්නේ දක්ෂ, කාර්යක්ෂම සහ සදාචාර වටිනාකම් ඇති නායකයන් ය. ඒ නිසා, BIMT අප ආයතනය පරිසර තිරසාරභාවය සදහා වගකීමක් සහිත නායකයන් බිහි කිරීම පිළිබඳව සතුටු වන්නෙමු. BIMT Eco Promise යනු එහි ප්‍රධාන සන්ධිෂ්ඨානයකි. මෙම ව්‍යාපෘතිය ශ්‍රී ලංකාවේ පරිසරය ආරක්ෂා කිරීම සඳහා වූ නව පියවරක් ලෙස සැළකේ.

The post ඇන්ජලෝ මැතිව්ස් කොස් හා පොල් පැල ලක්ෂයක් පැල කිරීමට පෙරමුණ ගනී appeared first on Adaderana Biz Sinhala | Sri Lanka Business News.