මෙවර අයවැයනේ බැංකු ප්‍රතිප්‍රාග්ධනීකරණය සඳහා වෙන්කර ඇති ප්‍රතිපාදනය නොමැතිව වුවද 2024 අයවැය පරතරය දළ දේශීය නිෂ්පාදිතයෙන් 7.1% ක් බවට ශ්‍රී ලංකාව කර ඇති ඇස්තමේන්තුව ඊට වඩා පුළුල් විය හැකි බව ෆිච් පෙන්වා දේ. ෆිච් රේටිංග්ස් පවසන්නේ ආදායම්/ද.දේ.නි. අනුපාතය උපකල්පනය කර ඇති මට්ටමට වඩා පහළ අගයයක් ගනු ඇති බවයි.
2024 දී රජයේ ආදායම් සැලකිය යුතු අවදානමක පවතින බව ෆිච් රේටිංග්ස් සඳහන් කරයි. 2023 මුල් මාස 09 තුළ දී ශ්‍රී ලංකාව ඇස්තමේන්තු කළ ප්‍රමාණයට වඩා ආදායම් රැස් කිරීම 29% කින් අඩු වී ඇති බව ඊට හේතුව වශයෙන් ඔවුන් සඳහන් කර තිබේ. කෙසේවෙතත් අධිකාරීන් විසින් 2024 ආදායම 45% කින් පමණ ඉහළ නංවා ගැනීමට ඉලක්ක කර ඇත. ඒ සඳහා එකතු කළ අගය මත බදු අනුපාතය 18% ක් දක්වා ඉහළ නැංවීම ඇතුළු වැඩසටහන් කිහිපයක් සහාය දක්වනු ඇති බව ෆිච් පවසයි.
The post අයවැය ඉලක්ක සපුරා ගැනීම අභියෝගාත්මකයි – ෆිච් රේටිංග්ස් කියයි appeared first on Adaderana Biz Sinhala | Sri Lanka Business News.
Source From biz.adaderana
Author: Biz Editor
#SriLanka #News #lka