අඛණ්ඩව 14 වන දිනයටත් කොටස් වෙළෙඳපොළ ඉහළට. අද තවත් වාර්තාවක්

කොළඹ කොටස් වෙළෙඳපොළ සියලු කොටස් මිල දර්ශකය අද නැවත වතාවක් ඉතිහාසයේ ඉහළම ස්ථානය අලුත් කරන ලදී.

එහිදී දිනය තුළ ඒකක 169.53 ක වර්ධනයක් වාර්තා කිරීමට සියලු කොටස් මිල දර්ශකය සමත් වූ අතර දිනයේ ගනුදෙනු අවසානයේ දී එහි අගය ඒකක 14,205.34 ක් ලෙසින් සටහන් විය. මෙය මේ දක්වා ඉතිහාසයේ සියලු කොටස් මිල දර්ශකය වාර්තා කර ඇති ඉහළම අගය වේ.

මේ අතර S&P SL20 දර්ශකය දිනය තුළ ඒකක 57.99කින් ඉහළ ගොස් දිනය අවසානයේ දී ඒකක 4,244.45 ක් ලෙසින් වාර්තා වුණි.

රු. බිලියන 6.14 ක ගනුදෙනු පිරිවැටුමක් අද දින වාර්තා විය. ඒ සඳහා හේමාස් හෝල්ඩිංග්ස් රු. මිලියන 427ක්, හැටන් නැෂනල් බැංකුව රු. මිලියන 415ක්, ලංකා මිල්ක් ෆුඩ්ස් රු. මිලියන 394 ක්, ජෝන් කීල්ස් හෝල්ඩිංග්ස් රු. මිලියන 231 ක් හා ඇලුමෙක්ස් රු. මිලියන 229 ක් ලෙසින් ඉහළ දායකත්වයක් ලබා දීමට සමත්විය.

The post අඛණ්ඩව 14 වන දිනයටත් කොටස් වෙළෙඳපොළ ඉහළට. අද තවත් වාර්තාවක් appeared first on Adaderana Biz Sinhala | Sri Lanka Business News.