ලබන වසරේ සිට පිට පිට වසර තුනකදී ලෝක කුසලාන ක්‍රිකට් තරගාවලි තුනක්

2021 වසරේ සිට ඉදිර වසර තුන තුලදී ක්‍රිකට් ලෝක කුසලාන තරගාවලිය තුනක් පැවැත්වීමට නියමිතව තිබෙනවා. ඊට හේතු වී ඇත්තේ මෙම වසරේදී පැවැත්වීමට නියමිතව තිබූ 20-20 ලෝක කුසලානය ලබන වසර දක්වා කල් දැමීමට සිදුවීම හේතුවෙනි.

වසර දෙකකට වරක් පැවත්වෙන 20-20 ලෝක කුසලාන තරගාවලිය ලබන ඔක්තෝබර් මාසයේදී ඕස්‍ට්‍රේලියාවේදී ආරම්භවීමට නියමිතව තිබිණි. කෙසේ වෙතත් කොවිඩ් වෛරසයේ බලපෑමෙන් මිදීමට තවමත් අසමත් වීම හේතුවෙන් මෙම තරගාවලිය කල් දැමීමට ජාත්‍යන්තර ක්‍රිකට් කවුන්සිලය පියවර ගෙන තිබේ. ඒ පිළිබඳ නිළ තීරණය ඊයේ (20) ප්‍රකාශයට පත් කෙරිණි.

ඒ අනුව මෙම තරගාවලිය ලබන වසරේ ඔක්තෝබර් – නොවැම්බර් මාසවලදී පැවැත්වෙනු ඇත.

2022 වසරේදී පැවැත්වීමට සැළසුම් කර ඇති ඊළඟ 20-20 ලෝක කුසලාන තරගාවලියද නියමිත පරිදි පැවැත්වේ. ඉන් අනතුරුව 2023 වස‍රේදී එක්දින ලෝක කුසලාන තරගාවලිය ඉන්දියාවේ සත්කාරකත්වයෙන් පැවැත්වීමට නියමිතය.

කොවිඩ් වෛරසය හේතුවෙන් විරාමයක් හිමි වූ ජාත්‍යන්තර ක්‍රිකට් කාලසටහන පසුගිය 08 වැනිදා එංගලන්තයේදී ආරම්භ කෙරිණි. ඒ එංගලන්ත – බටහිර ඉන්දීය කොදෙව් ටෙස්ට් තරගාවලියෙනි.

The post ලබන වසරේ සිට පිට පිට වසර තුනකදී ලෝක කුසලාන ක්‍රිකට් තරගාවලි තුනක් appeared first on ColomboXnews.

Source From Colomboxnews
Author: Kamal Dhammika
#SriLanka #News #lka