මෙවර උසස් පෙළ විභාගයට පෙනී සිටින සිසුවෙකුටත් කොරෝනා

බේරුවල ප්‍රදේශයේ සිදුකළ පී.සී.ආර් පරීක්ෂණවලින් උසස් පෙළ සිසුවෙක්ට ද කොවිඩ් නයින්ටීන් වෛරසය ආසාදනය වී ඇති බවට තහවුරු වී තිබෙනවා.

කොවිඩ් නයින්ටීන් පැතිරිම වැළැක්වීමේ ජාතික ක්‍රියාන්විත මධ්‍යස්ථානයේ කළුතර දිස්ත්‍රික් සම්බන්ධීකාරක වෛද්‍ය එස්.ටී.වී ගුණවර්ධන මහතා ඒ බව පැවසුවා.

මෙහිදී වැඩිදුරටත් අදහස් දැක්වු වෛද්‍යවරයා,

“පෙරේදා පීසීආර් පරීක්ෂණ 81ක් කරා PHI මහත්වරු .ඒකෙන් 30ක් පොසිටිව් කියලා වාර්තා වෙනවා. එයින් 29ක්ම බේරුවල ප්‍රදේශයේ. එකක් තමයි කළුතර ප්‍රදේශයට යන්නේ. එතකොට එතැන බරපතළ ප්‍රශ්න ඇතිවෙලා තියෙනවා. මොකද උසස් පෙළ කරන දරුවෙකුත් ඒ අතර ඉන්නවා. දැන් කටයුතු ලෑස්ති කරලා තියෙනවා උසස් පෙළ කරන දරුවාට ඒ අවශ්‍ය විභාග කටයුතු කරන්න පුළුවන් විදියට IDH රෝහලට මාරු කර යවන්න අපි ඉල්ලීමක් කරලා තියෙනවා. බොහෝවිට ඒක හරියයි. අනිත් රෝගීන්ව බිංගිරිය ප්‍රදේශයේ ප්‍රතිකාර මධ්‍යස්ථානයකට මාරු කරලා යවන්න සියලු කටයුතු සුදානම්.“

The post මෙවර උසස් පෙළ විභාගයට පෙනී සිටින සිසුවෙකුටත් කොරෝනා appeared first on ColomboXnews.

Source From Colomboxnews
Author: Kamal Dhammika
#SriLanka #News #lka