උතුරු කොළඹ සහ මැද කොළඹ ප්‍රදේශයේ ජනතාව තමන්ට ආහාර නොමැති බව කියමින් විරෝධතාවයෙහි නියැළී සිටින්නේ මාසයක් සඳහා වියදම් කිරීමට ඔවුන්ට රජයෙන් ලබා දුන් රුපියල් 5000 දීමනාව සතියකින් වියදම් කරගැනීම නිසා බව අමාත්‍ය විමල් වීරවංශ පාර්ලිමේන්තුවේදී පැවසීය.
ඔහු මේ බව පැවසුවේ අද (21) දින පාර්ලිමේන්තු මන්ත්‍රී මනෝ ගනේෂන් මහතා කොළඹ දිස්ත්‍රික් සම්බන්ධීකරණ කමිටු සභාපතිවරයාට යොමු කල ප්‍රශ්ණයකට පිලිතුරු ලබාදෙමිනි.
තමන්ගේ පවුලවල සාමාජිකයන්ට ආහාර ද්‍රව්‍ය ඉල්ලමින් උතුරු කොළඹ සහ මැද කොළඹ ජනතාව පාරට බැස ඇති බවත් ඔවුන් මාසයකට වැඩි කාලයක් තිස්සේ දැනට ලොක්ඩවුන් තත්වයේ පසුවන බවත් පෙන්වා දී කොළඹ දිස්ත්‍රික් සම්බන්ධීකරණ කමිටු සභාපතිවරයාට මීට මැදිහත් වන්නැයි ගනේෂන් මහතා පාර්ලිමේන්තුවේදී ඉල්ලා සිටින ලදි.
ඒ මොහොතේදී කොළඹ දිස්ත්‍රික් සම්බන්ධීකරණ කමිටු සභාපතිවරයා වෙනුවට නැඟී සිටි විමල් වීරවංශ අමාත්‍යවරයා “ගරු මූලාස්නාරූඩ මන්ත්‍රීතුමනි, ගරු මනෝ ගනේෂන් මන්ත්‍රීතුමා මතු කරන කාරණය පිළිබඳව මම මේ දැන් කොළඹ දිසාපතිතුමාව අමතලා විමසුවා. එතුමා පැවසුවේ සාමාන්‍යයෙන් ඔබතුමා දන්නවා රුපියල් 5000ක් දෙන්නේ සතියකින් වියදම් කරන්න නෙවෙයි, ඔය පවුල්වලට රුපියල් 5000 ගාණෙ දීලා තියෙනවා. දීලා ඒක සතියෙන් වියදම් කරගෙන තමයි දැන් මොකුත් නෑ කියන්නෙ. ඔයාට ඕනෙ කෙනා නෙවෙයි උත්තර දෙන්නේ, එයා උත්තර දුන්නත් මං උත්තර දුන්නත් මේක තමා උත්තරේ. උත්තරේ අහගන්න. ඒ නිසා තමුන්නාන්සෙ මේ මෙතන නැති ප්‍රශ්න හදන්න යන්න එපා. වාඩිවෙනවා මනෝ ගනේෂන් තමුසේ. මෝඩයා !” යැයි පැවසීය.
අද කොරෝනා වසන්ගතය හේතුවෙන් හුදකලා කර තිබෙන ප්‍රෙද්ශ වල ජනතාවට රුපියල් 5000කින් මාසයක් ජීවත්වන්නැයි ප්‍රකාශ කරන්නේ තම නිවසේ ලයිට් බිල පමණක් රුපියල් ලක්ෂය ඉක්මවා වියදම් කරනා විමල් වීරවංශවීම හාස්‍යයට කරුණකි. විදුලිබල මණ්ඩල ගිණුම් අංක 0794096840 යටතේ අමාත්‍ය විමල් වීරවංශගේ නිවසේ එක් මාසයක් සඳහා විදුලි බිල ලෙස රුපියල් 1,18,176.80 ක මුදලක් සටහන් වී තිබුණි.
සබැදි පුවත් – කෑමට කිසිවක් නෑ.. දරුවන් හාමතේ.. මාසයකට වැඩි කාලයක් ලොක්ඩවුන් කර සිටින උතුරු කොළඹ ජනතාව වීදී බසී..(ඡායාරූප/වීඩියෝ)
The post ‘මාසයක් කන්න දුන්න රු. 5000 සතියෙන් වියදම් කරලා‘ – මසකට ලක්ෂයක ලයිට් බිලක් ගෙවනා විමල් කියයි (වීඩියෝ) appeared first on ColomboXnews.
Source From Colomboxnews
Author: Kamal Dhammika
#SriLanka #News #lka