මහර බන්ධනාගාරයේ සිද්ධිය කුමන්ත්‍රණයක්…! විමල් මත් පෙත්තක් ගැනත් කියයි (වීඩියෝ)

බන්ධනාගරයන් තුල ගැටුම්කාරී තත්ත්වය ඇතිවී තිබීමට ප්‍රධාන හේතුව සංවිධානාත්මක රැඳවියන් පිරිසක් විසින් බන්ධනාගාරය තුල බෙදා හරිනු ලබන “මත් පෙත්තක්” බව අමාත්‍ය විමල් වීරවංශ පාර්ලිමේන්තුවේදී ප්‍රකාශ කර සිටියා.

මහර බන්ධනාගාරය තුළ උද්ගත වූ සිදුවීම කොරෝනා රෝගීන් වැඩිවීම නිසා ඇතිවූ තදබදය හේතුවෙන් නිර්මාණය වූවක් නොව, ජනාධිපති ගෝඨාභය රාජපක්ෂ මහතාව ජාත්‍යන්තරව අපකීර්තියට පත් කිරීම සඳහා සංවිධානාත්මකව ඇති කළ කුමන්ත්‍රණයක් බව අමාත්‍ය විමල් වීරවංශ මහතා පවසයි. 

වැඩිදුරටත් අදහස් දක්වමින් අමාත්‍යවරයා කියා සිටියේ හිටපු සංවිධානත්මක අපරාධකරුවෙකු සමයං ගේ ගෝලයෙකු වන චතුරංග විසින් වැලිකඩ බන්ධනාගාරය තුළ  “රිවර්ස්” නමින් හඳුන්වනු ලබන මත් පෙත්තක් විකිනීමට යොදා ඇති බවට කලකට පෙර බුද්ධි විසින් අනාවරණය කර ගෙන තිබු බවයි.

මෙම මත් පෙත්ත වැලිකඩ බන්ධනාගාරයේ සිටි රැඳවියන් කිහිපදෙනෙකුට මුලින්ම චතුරංග යන අය විසින් ලබාදී ඇති බවත් එම පෙත්ත භාවිතා කිරීමෙන් පසු ඔවුන්ට “ලේ දැකීමට” අවශ්‍ය වන බවත් සිද්ධිය ගැන අනාවරණය වීමෙන් පසු චතුරංග ඇතුළු ඊට සම්බන්ධ රැඳවියන් කිහිපදෙනෙකු වෙනත් බන්ධනාගාර වලට මාරුකොට යැවීමට බලධාරීන් පියවර ගනු ලැබූ බවයි.

මේක බුද්ධි අංශ දැනගෙන මේ චතුරංග කියන හිරකාරයාව වෙනත් හිරගෙදරකට මාරු කළා. මේකට සම්බන්ධ ගෑවිච්ච කීපදෙනෙක්ව වෙනස් කළා. ඒ නිසා වැලිකඩ හිරගෙදර මේ තත්වය ඇති කරගන්න බැරිවුණා. නමුත් අවාසනාවන්ත විදියට අද මහර හිරගෙදර ඒකෙ බැකප් ප්ලෑන් එක සිද්ද වෙලා තියෙනවා. මේක අපි හිතන්න නරකයි මේ තදබදය විසින් ඇති වෙච්ච ආතතියක පුපුරා යාමක් කියලා ( සිනාසෙයි ). ඒක එහෙම හිතන්න කෙනෙකුට ලේසියි, හැබැයි මං මේක දන්න නිසයි කියන්නේ. මෙතන තියෙන්නෙ සැලසුම් සහගතව හිරගෙදර මිනීමරලා ඔන්න ගෝඨාභය රාජපක්ෂ ආරක්ෂක ලේකම් කාලේ මෙහෙම වුණා, ජනාධිපති කාලේ මෙහෙම වෙනවා කියලා ජාත්‍යන්තරව අපවාදයක් ඇතිකිරීම සඳහා ඕනෙ කරන වාතාවරණය ඇති කිරීම විතරයි මේකෙ ඇත්ත කතාව. මේක එහෙම නැතුව කොරෝනා රෝගීන් වැඩිවෙලා නෙවෙයි” යනුවෙනුයි ඒ මහතා සඳහන් කළේ. 

විමල් මත් පෙත්තක් ගැනත් කියයි.

The post මහර බන්ධනාගාරයේ සිද්ධිය කුමන්ත්‍රණයක්…! විමල් මත් පෙත්තක් ගැනත් කියයි (වීඩියෝ) appeared first on ColomboXnews.