මරණිය දණ්ඩනය නියම වී සිටින කහවත්ත ප්‍රාදේශීය සභාවේ සභාපතිවරයා වන වජිර දර්ශන ද සිල්වා හට හෙට (08) වනදා පැවැත්වෙන කහවත්ත ප්‍රාදේශීය සභා සැසිවාරයට යාමට ඉඩ ලබා දීම සම්බන්දයෙන් බන්ධනාගාර කොමසාරිස් තුෂාර උපුල්දෙණිය මහතා බන්ධනාගාර ප්‍රතිසංස්කරණ හා සිරකරුවන් පුනුරුත්තාපන රාජ්‍ය අමාත්‍යංශයෙන් උපදෙස් පතා තිබේ.
අමාත්‍යංශ ලේකම්වරයා වෙත යැවූ ලිපියකින් මරණිය දණ්ඩනයට නියම වූ තැනැත්තා වැලිකඩ බන්ධනාගාරයේ මේ වන විට සිටින බවද බන්ධනාගාර කොමසාරිස්වරයා දන්වා තිබේ.
2015 ජනාධිපතිවරණය සමයේ පුද්ගලයෙකු ඝාතනය කොට තවත් දෙදෙනෙකුට තුවාල කිරීම සම්බන්ධයෙන් පාර්ලිමේන්තු මන්ත්‍රී ප්‍රේමලාල් ජයසේකර මහතා හා තවත් දෙදෙනෙකුට රත්නපුර මහ අධිකරණය විසින් මරණිය දණ්ඩනය හා වසර 47ක සිර දඬුවමක් නියම කරමින් 2020 ජුලි 31 වන දින තීන්දුවක් ලබා දෙන ලදී. කහවත්ත ප්‍රාදේශීය සභා සභාපතිවරයා ද ඒ අතර වේ.
මෙවන් අවස්ථාවකදී ගත යුතු ක්‍රියාමර්ග පිලිබඳ බන්ධනාගාර නීති වල සඳහන් ව නොමැති බැවින් අමාත්‍යංශයේ උපදෙස් පතන බව බන්ධනාගාර කොමසාරිස්වරයා අමාත්‍යංශයට යැවූ ලිපියේ සඳහන් වේ.
ප්‍රේමලාල් ජයසේකර මහතා පාර්ලිමේන්තු මන්ත්‍රීවරයෙකු ලෙස මේ වන විට දිවුරුම් දී තිබේ.
The post චොකා මල්ලිට ලැබුණු වරම ගෝලයාටත් – මරණිය දණ්ඩනය හිමිවු කහවත්ත ප්‍රාදේශීය සභා සභාපතිවරයාත් සැසිවාරයට appeared first on ColomboXnews.
Source From Colomboxnews
Author: Kamal Dhammika
#SriLanka #News #lka