කොරෝනා පැතිරෙන්නට ඉඩ දී වැඩිහිටි ජනගහනය අඩු කිරීම සඳහා බැසිල්ගෙන් සැලැස්මක්

ලංකාවේ වැඩිහිටි ජනගහනය 19%කි. ආර්ථික විද්‍යාවට අනුව ප්‍රධාන ප්‍රශ්නයක් වන්නේ වැඩිහිටි ජනගහනය නඩත්තු කිරීමය. Covid-19 ආසාදනය වන බොහෝ වැඩිහිටියන් මිය යයි. මේ වනවිට ලෝක පරිමාණයෙන් එසේ මිය යන සංක්‍යාව 3%කි. අනෙක් මිය යන ප්‍රධාන කොටස වන්නේ නිධන්ගත රෝග නැති නම් බෝ නොවන රෝග පවතින අයයි. ඊළඟ කොටස වන්නේ කුඩා ළමුන්ය.

තම උපදේශක අචාර්ය වරුන් කිහිප දෙනෙකුද සහභාගී වූ හමුවකදී බැසිල් රාජපක්ෂ විසින් පවසා ඇත්තේ ගම්පහ දිස්ත්‍රික්කයේ හෝ ඇඳිරි නීතිය පැනවිය යුතු නැති බවය. රට වසා දැමීමෙන් දැඩි ආර්ථික පරිහානියක් සිදු වන බවත් චීන ආයෝජන ලඟා කර ගැනීම අපහසු වන බවත් චීනයද උපදෙස් දී ඇත්තේ කොරෝනා පැතිරෙන්නට ඉඩ හරින ලෙස බවත්ය. එහිදී චරිත හේරත් විසින් ප්‍රශ්න කොට ඇත්තේ රජයේ වෛද්‍ය නිලධාරීන්ගේ සංගමය ඊට ඉඩ නොහරිනු ඇතිය යන්න පිලිබඳවය. නමුත් කට කොනකින් සිනහ වූ බැසිල් පවසා ඇත්තේ ඒවා තම පාලනයට නතු කොට ගැනීමේ ක්‍රම සහ විධි තමන් සතු බවය. එය මේ වනවිට සැබෑවක් බව පෙනී යන්නේ රජයේ වෛද්‍ය නිලධාරීන්ගේ සංගමය විසින් ප්‍රකාශ නිකුත් කිරීම අත්හිටුවා ඇති බැවිනි.

වැඩිහිටි ජනගහනය 3%කින් (675,000ක්) හෝ අඩු කොට ගන්නේ නම් විශාල ආර්ථික වර්ධනයක් අත්පත් කොට ගත හැකි වේය යන්න සහ තවත් 2%ක ප්‍රතිශාතයකට යා හැකි නම් (එනම් සමස්තය ජනගහනයෙන් 5%ක්) විශාල වාසියක් අත්කොට ගත හැකි බවය.

එහිදී පී.බී. ජයසුන්දර විසින් පවසා ඇත්තේ පවතින ආර්ථික අර්බුධයෙන් ගොඩ ඒම අපහසු බවත්, යම් කිසි ඉක්මන් ණයක් හෝ ලබා ගත යුතු බවත්ය. එවිට බැසිල් විසින් පවසා ඇත්තේ පැමිණීමට නියමිත චීන දූත පිරිසෙහි අරමුණ විශාල ඉඩම් ප්‍රමාණයක් ලබා ගැනීම බවත්, ඒ සඳහා විශාල මුදලක් ලැබීමට නියමිත බවත්ය. එසේම ඉදිරියේදී කැසිනෝ ව්‍යාපාර ස්ථාපිත කිරීම තුළින් අති විශාල මුදලක් ලැබෙන බැවින් සංවර්ධන කටයුතු සඳහා ඕනෑවටත් වඩා මුදල් ආයෝජනය කළ හැකිය යන්නයි.

තව දුරටත් අදහස් දැක් වූ බැසිල් පවසා ඇත්තේ අවශේෂ කැලා ඉඩම් දේශීය සමාගම් වෙත අපනයන කෘෂිකර්ම නිෂ්පාදන සඳහා ලබා දීමෙන් දීර්ග කාලීන ආර්ථික වාසියක් මෙන්ම රැකියා උත්පාදනක් ලබා ගත හැකි බවය. එසේම වඩාත් ඵලදායි අවශේෂ වනාන්තර ඉඩම් විදේශීය සමාගම් වෙත ලබා දීමෙන් කෙටි කාලීන ආර්ථික වාසි සහ රැකියා උත්පාදනයක් ලබා ගත හැකිය යන්නයි.

කෙසේ වෙතත් එම හමුවේදී අවසාන වශයෙන් තීරණය වී ඇත්තේ රට ඉදිරියට යාමට සහ වැඩි ආර්ථික වර්ධන වේගයක් ලබා ගැනීම සඳහා කොරෝනා පැතිරීමට ඉඩ හැරීම කළ යුතු බව ය.

The post කොරෝනා පැතිරෙන්නට ඉඩ දී වැඩිහිටි ජනගහනය අඩු කිරීම සඳහා බැසිල්ගෙන් සැලැස්මක් appeared first on ColomboXnews.

Source From Colomboxnews
Author: Thilak Priyantha
#SriLanka #News #lka